Չարլզ Ֆլոյդ
| Չարլզ Ֆլոյդ անգլ.՝ Pretty Boy Floyd | |
|---|---|
 | |
| Ծնվել է | փետրվարի 3, 1904[1] |
| Ծննդավայր | Adairsville, Բարթոու շրջան, Ջորջիա, ԱՄՆ |
| Մահացել է | հոկտեմբերի 22, 1934[1] (30 տարեկան) |
| Մահվան վայր | East Liverpool, Կոլումբիանայի շրջան, Օհայո, ԱՄՆ |
| Քաղաքացիություն | .svg){kind=small} ԱՄՆ |
| Մասնագիտություն | գանգստեր և robber |
 Pretty Boy Floyd Վիքիպահեստում | |
Չարլզ Արթուր «Գեղեցիկ» Ֆլոյդ(փետրվարի 3, 1904[1], Adairsville, Բարթոու շրջան, Ջորջիա, ԱՄՆ - հոկտեմբերի 22, 1934[1], East Liverpool, Կոլումբիանայի շրջան, Օհայո, ԱՄՆ), 30-ական թվականների սկզբներին բանկերի ամերիկացի կողոպտիչ, «հասարակության թիվ 1 թշնամին» (անգլ.՝ public enemy number one)՝ ըստ ՀԴԲ դասակարգման։
Պատանեկություն[խմբագրել | խմբագրել կոդը]
Չարլզ Արթուր Ֆլոյդը ծնվել է 1904 թվականի փետրվարի 3-ին ԱՄՆ–ի Ջորջիա նահանգի Բերտոու բնակավայրում։ 1911 թվականին ընտանիքը տեղափոխվել է Օկլահոմա, որտեղ Չարլզն անց է կացրել իր մանկությունը։ Ֆլոյդը որոշ ժամանակ ապրել է Արկանզասում և Կանզասում[2]։
Հանցագործություն[խմբագրել | խմբագրել կոդը]
1922 թվականին կատարել է իր առաջին կողոպուտը՝ գողանալով 3 դոլար 50 ցենտ։ 1925 թվականին Ֆլոյդը բնակություն է հաստատել Սենթ Լուիսում։ 1925 թվականի սեպտեմբերի 16-ին նա ձերբակալվել էր ինկասատորի զինված կողոպուտի համար, ինչը նրան 11,5 հազար դոլար էր բերել։ Ֆլոյդը դատապարտվեց հինգ տարվա ազատազրկմամբ և, երեք տարի անց ազատ արձակվելով, երդվեց, որ այլևս երբեք չի հայտնվի բանտում։ Ազատ արձակվելուց հետո նա իր գործունեությունը տեղափոխել է Կանզաս։ 1929 թվականի մարտի 9-ին 25-ամյա Չարլզ Ֆլոյդին ձերբակալել են Կանզաս Սիթիում կողոպուտի կասկածանքով, սակայն երեք օր անց նա ազատ է արձակվել հանցանշանների բացակայության պատճառով։ 1929 թվականի մայիսի 6-ին նա կրկին ձերբակալվել էր ավազակային հարձակման կասկածանքով, սակայն հաջորդ օրը կրկին ազատ էր արձակվել հանցանշանների բացակայության պատճառով։ 1929 թվականի մայիսի 10-ին Ֆլոյդը կրկին ձերբակալվել է ոստիկանության կողմից Կոլորադոյի Պուեբլո քաղաքում՝ անգութության մեղադրանքով։ Դատարանը նրան դատապարտել է երկու ամսվա ազատազրկմամբ և 50 դոլար տուգանքի[3]։ Դուրս գալով՝ Ֆլոյդը վերցրել է Ֆրենկ Միտչել կեղծանունը և ուղևորվել Օհայո նահանգի Ակրոն, որտեղ 1930 թվականի մարտի 8-ին ձերբակալվել էր ոստիկան Հարլենդ Մենեսի սպանության կասկածանքով, որը մեկ օր առաջ սպանվել էր խանութի կողոպուտի ժամանակ[4]։ Հաջորդ օրը նա ազատ է արձակվել հանցանշանների բացակայության պատճառով և թաքվնեց, բայց արդեն 1930 թվականի մայիսի 20-ին նա նկատվել է Թոլեդոյում բանկի կողոպտման ժամանակ։ Մի քանի օր անց նա ձերբակալվել և մեղադրվել է զինված կողոպուտի մեջ։ 1930 թվականի նոյեմբերի 24-ին դատարանը 26-ամյա Չարլզ Ֆլոյդին դատապարտել էր 12 տարվա ազատազրկման «Ohio State Penitentiary»–ում, սակայն հաջորդ օրը Ֆլոյդին հաջողվել է փախչել[5]։ Այդ պահից Ֆլոյդը որոշեց այլևս միայնակ չգողանալ և 1931 թվականի սկզբին հավաքեց զինված ավազակախումբ՝ բանկերի կողոպուտի համար։ 1931 -1932 թվականները Գեղեցիկի ավազակախումբը կողոպտել է հիսունմեկ բանկ։ Արդեն այն ժամանակ նա ստացել էր «գեղեցիկ» մականունը։ Տուժածներից մեկը ոստիկանությանը նկարագրել էր որպես «պարզապես մի տղա՝ խնձորների նման այտերով»։ Ֆլոյդը ատում էր իր մականունը։ 1931 թվականի մարտի 25-ին Կանզաս Սիթիում բանկի կողոպուտի ժամանակ մի քանի տասնյակ վկաների աչքի առաջ Ֆլոյդը սառնասրտորեն ատրճանակից գնդակահարել է Ուելի և Բոլա Էշ եղբայրներին, ապա նրանց դիակները վառվեցին նրանց մեքենայի հետ միասին։ Նույն թվականի ապրիլի 23-ին գեղեցիկ Ֆլոյդի ավազակախումբը Բոուլինգ-Գրինգիիկում (Օհայոյի նահանգ) բանկի կողոպուտներից մեկի ժամանակ գնդակահարել էր ոստիկանության սպա Ռալֆ Կաստներին, որը փորձում էր նրանց կանգնեցնել[6]։
1931 թվականի հուլիսի 22-ին Կանզաս Սիթիում ձերբակալվելու փորձ կատարելիս Չարլզ Ֆլոյդը 45 տրամաչափի ատրճանակից գնդակահարել է «ATF»–ի աշխատակից Քերթիս Բրուքսին և ծանր վիրավորել նրա զուգընկերոջը[7]։ 1932 թվականին Միսսուրիում նրա հետապնդման ուժեղացման պատճառով Ֆլոյդը ստիպված էր իր գործունեությունը տեղափոխել Օկլահոմա։ Այսպես, 1932 թվականի ապրիլի 9-ին Մակինտոշ օկրուգում Ֆլոյդին ձերբակալելու փորձի ժամանակ նրա հանցախմբի անդամները գնդակահարեցին նախկին Շերիֆ Էրվ Քելիին[8]։ Հաջորդ ամիսների ընթացքում Չարլզ Ֆլոյդի հանցախումբը շարունակել է թալանել բանկերն ամբողջ Օկլահոմայում, երբ 1932 թվականի նոյեմբերի 23-ին Ֆլոյդի խմբավորման չորս անդամներից երեքը սպանվեցին ոստիկանների կողմից Բոլեյգիեպ քաղաքում բանկի վրա հարձակման ժամանակ։ Ինքը՝ Չարլզը, ստացել է հրազենային վնասվածք, սակայն կարողացել է փախչել և խուսափել կալանավորումից։ Այնուհետև որոշ ժամանակ նրա կենսագրությունը մնում է անհայտ[9]։
1933—1934 և Կոտորած Կանզաս Սիթիում[խմբագրել | խմբագրել կոդը]
ՀԴԲ-ն Ֆլոյդին կասկածում էր այսպես կոչված «Կոտորած Կանզաս Սիթիում» մասնակցելու մեջ 1933 թվականի հունիսի 17-ին, երբ անհայտ անձինք սպանեցին երեք ոստիկանների և ՀԴԲ-ի գործակալի։ Ֆլոյդի մասնակցությունը այս միջադեպին դեռ ապացուցված չէ։ 1933 թվականի ամռանը վերականգնված Չարլզ Արթուր Ֆլոյդը կրկին հայտնվում է իրավապահ մարմինների տեսադաշտում։ Նոր թիմակիցների՝ 23–ամյա Ադամ Ռիչետիի (1909-1938 թվականներ) և 19-ամյա Էուսի Էլիոթի (1914-1934 թվականներ) հետ նա սկսում է կատարել բանկերի կողոպուտներ։ Գեղեցիկ Ֆլոյդի 1933 թվականի հունիսի 8-ին ավազակախումբը առևանգում է մեքենա, իսկ հունիսի 14-ին կողոպտում է Միսսուրիի նահանգում գտնվող բանկը՝ մոտ 1700 դոլար գումարով։ Նույն օրը, ըստ չապացուցված տեղեկատվության, Ռիչետիին և Ֆլոյդին իբր սպանել էին երկու ոստիկանների, որոնք փորձել էին նրանց ձերբակալել[10]։ 1933 թվականի հունիսի 16-ին Ֆլոյդը, Ռիչետին և Էլիոթը վերցրին պատանդնեով մեքենա, սակայն նրանք ավելի ուշ ազատ արձակվեցին։ Չապացուցված տեղեկատվության համաձայն՝ Չարլզ Ֆլոյդը, Բեռն Միլլերը և Ադամ Ռիչետին 1933 թվականի հունիսի 17-ի գիշերը Կանզաս Սիթիի կայարանում գնդակահարել են երկու ոստիկանների, ՀԴԲ-ի երկու գործակալների և վիրավորել ևս մեկին։ Սպանվել է նաև հայտնի հանցագործ Ֆրենկ Նեշգիեպը։ Սակայն ապացույցներ չկան, որ այդ հանցագործությունը հենց իրենք են կատարել[11]։ 1933 թվականի օգոստոսի 29-ին Ֆլոյդը և Ռիչետին կատարել են բանկի կողոպուտ մոտ 3.000$ արժողությամբ և փախել։ Մեկ ամիս անց նրանք հայտնվել են Նյու Յորք նահանգի Բուֆֆալո քաղաքում, որտեղ 1933 թվականի սեպտեմբերի 21-ին վարձեցին բնակարանը և տեղափոխվեցին իրենց ընկերուհիների՝ Ռոուզ էշի և Բոլեչ Բերդի մոտ, որտեղ էլ ապրեցին, առանց կողոպուտի մինչև 1934 թվականը։
Մահ[խմբագրել | խմբագրել կոդը]
1934 թվականի փետրվարի 3-ին ոստիկանության հետ փոխհրաձգության ժամանակ զոհվել էր 20-ամյա էուսի Էլիոթը[12]։ Ջոն Դիլլինջերի ոչնչացման հաջորդ օրը՝ 1934 թվականի հուլիսի 23-ին, ՀԴԲ-ն գեղեցիկ Ֆլոյդի կարգավիճակը բարձրացրել է «Հասարակության թշնամի թիվ 1»–ի։ 1934 թվականի հոկտեմբերի 10-ին Չարլզ Ֆլոյդը Ադամ Ռիչետիի հետ միասին իր կյանքում կատարել է բանկի կողոպուտ, որի ընթացքում գնդակահարել է երկու ոստիկանի[13]։
1934 թվականի հոկտեմբերի 18-ի երեկոյան Չարլզ Ֆլոյդը, Ադամ Ռիչետին և նրանց ընկերուհիները պատահաբար ավտովթարի են ենթարկվել Իսթ-Լիվերպուլ մայրուղում՝ վատ տեսանելիության պայմաններում բախվելով սյանը։ Ոչ ոք չի տուժել, սակայն մեքենան չէր կարող շարժվել, և Ֆլոյդն ու Ռիչետին աղջիկներին քաղաք են ուղարկել էվակուատորի հետևից, իսկ իրենք, վախենալով ձերբակալությունից, փախել են մոտակա անտառ։ 1934 թվականի հոկտեմբերի 19-ի լուսաբացին տեղի բնակիչներից մեկը՝ Ջո Ֆրումանը և նրա որդին, սմոկինգով կասկածելի մարդկանց են նկատել, որոնք թափառում էին գյուղական ճանապարհներով, և այդ մասին հաղորդել են տեղի Շերիֆին։ Նա 4 ոստիկան է ուղարկել կասկածելի անձանց ինքնությունը պարզելու համար։ 1934 թվականի հոկտեմբերի 19-ի երեկոյան ոստիկանները Ջոն Ֆուլզի գլխավորությամբ փորձել են ձերբակալել հանցագործներին։ Նկատելով ոստիկաններին՝ Ռիչետին նետվել է մոտակա անտառ, իսկ Ֆլոյդը խլել է ատրճանակը և կրակ բացել։ Ֆուլզայի խմբի երեք անդամները նետվել են Ռիչետիի հետևից, և միայն Ֆուլզը կրակ է բացել Ֆլոյդի հետ, որը վիրավորել է ոստիկանության աշխատակցի ոտքը։ Դրանից հետո նա թաքնվել է մոտակա անտառում։ Ռիչետին հայտնաբերվել և կալանավորվել է 1934 թվականի հոկտեմբերի 20-ի գիշերը 2 ժամ հետապնդումից հետո։
1934 թվականի հոկտեմբերի 26-ին Չարլզ Արթուր Ֆլոյդը հուղարկավորվեց Օկլահոմա նահանգի Աքինսե քաղաքում։ Նրա հուղարկավորությանը մասնակցել է մոտ 40 000 մարդ[14][15][16]։
Մշակույթում[խմբագրել | խմբագրել կոդը]
Ֆիլմեր[խմբագրել | խմբագրել կոդը]
- «Dillinger» (1973) — ռեժիսոր Ջոն Միլիուս։
- «Հասարակության թշնամիներ» (2009) — ռեժիսոր Մայքլ Ման։
Կոմիքս[խմբագրել | խմբագրել կոդը]
Կլարկ Վեստերմանի կոմիքսն ու Քոդի Չեմբերլենի Գեղեցիկը, Փոքրիկն ու գնդացիրը Ալ Կապոնեի դեմ (Pretty, Baby, Machine) պատմում է 1933 թվականի իրադարձությունների մասին, երբ ԱՄՆ-ում գործում էր չոր օրենքը։ Այդ ժամանակ երեք գանգստերներ՝ գեղեցիկ Ֆլոյդը, Մանուկ Նելսոնը և Գնդացրորդ Քելլին, ստիպված էին միավորել իրենց ուժերը՝ Ալ Կապոնեին դիմակայելու համար։ Comics-ի էկրանավորման իրավունքները ձեռք են բերվել Landscape Entertainment-ի կողմից։
Երաժշտություն[խմբագրել | խմբագրել կոդը]
1939 թվականին Վուդի Գաթրին գրել է «Բալլադի գեղեցիկ Ֆլոյդի մասին» (The Ballad of Pretty Boy Floyd), որը հետագայում կատարվել է բազմաթիվ այլ երգիչների ու խմբերի կողմից։ Երգում Ֆլոյդին ցույց է տալիս որպես ազնիվ հերոս, աղքատների պաշտպան։
Glam-Pretty Boy Floyd խումբը անվանակոչվել է գեղեցիկի անունով[17]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Encyclopædia Britannica
- ↑ «Charles Arthur 'Pretty Boy' Floyd wanted poster- criminal history record or 'rap sheet'». Flickr (անգլերեն). Վերցված է 2017 թ․ հոկտեմբերի 16-ին.
- ↑ «Pretty Boy» Floyd Wanted Poster | Flickr — Photo Sharing! Արխիվացված 2014-04-29 Wayback Machine
- ↑ Officer Harland F. Manes, Akron Police Department, Ohio
- ↑ The Life and Death of Pretty Boy Floyd — Jeffery S. King — Google Books
- ↑ Patrolman Ralph Hiram Castner, Bowling Green Police Department, Ohio
- ↑ Special Agent Curtis C. Burks, United States Department of Justice — Bureau of Prohibition, U.S. Government
- ↑ Ervin Andrew «Erv» Kelley (1886—1932) — Find A Grave Memorial
- ↑ BANK ROBBERY Արխիվացված 2011-06-21 Wayback Machine
- ↑ ISBN 0-8160-4488-0
- ↑ Patrolman Grant Victor Schroder, Kansas City Police Department, Missouri
- ↑ en:List of Depression-era outlaws
- ↑ Public Enemies: America’s Greatest Crime Wave and the Birth of the FBI, 1933-34 — Bryan Burrough — Google Books
- ↑ Ingram, Dale (2009 թ․ հոկտեմբերի 18). «Family plot: Pretty Boy Floyd relative recalls his infamous uncle». Tulsa World. Արխիվացված օրիգինալից 2010 թ․ հոկտեմբերի 27-ին. Վերցված է 2010 թ․ հոկտեմբերի 27-ին.
- ↑ Letters, Nov. 19, 1979 — Printout — TIME
- ↑ «WebCite query result». Արխիվացված օրիգինալից 2010 թ․ հոկտեմբերի 27-ին. Վերցված է 2010 թ․ հոկտեմբերի 27-ին.
{{cite web}}: Cite uses generic title (օգնություն) - ↑ Tom Beaujour,Richard Bienstock,Chuck Eddy,Reed Fischer,Kory Grow,Maura Johnston,Christopher R. Weingarten, Rolling Stone (2019 թ․ օգոստոսի 31). «50 Greatest Hair Metal Albums of All Time» (անգլերեն). Rolling Stone. Վերցված է 2020 թ․ ապրիլի 12-ին.
{{cite web}}: CS1 սպաս․ բազմաթիվ անուններ: authors list (link)
Գրականությւուն[խմբագրել | խմբագրել կոդը]
- Unger R. The Union Station Massacre: The Original Sin of J. Edgar Hoover’s FBI. Kansas City, Mo.: Andrews McMeel Publishing, 1997
- Wallis M. Pretty Boy: The Life and Times of Charles Arthur Floyd. New York: St. Martin’s Press, 1992
Արտաքին հղումներ[խմբագրել | խմբագրել կոդը]
Who was "Pretty Boy" Floyd really?
 | Վիքիպահեստն ունի նյութեր, որոնք վերաբերում են «Չարլզ Ֆլոյդ» հոդվածին։ |
| ||||||||||
