Չարլզ Ռոբերտ Շվաբ

Վիքիպեդիայից՝ ազատ հանրագիտարանից
Չարլզ Ռոբերտ Շվաբ
Դիմանկար
Ծնվել էհուլիսի 29, 1937(1937-07-29) (85 տարեկան)
ԾննդավայրՍակրամենտո, ԱՄՆ
ՔաղաքացիությունFlag of the United States.svg ԱՄՆ
ԿրթությունՍթենֆորդի համալսարան, Սթենֆորդի գործարարության դպրոց և Santa Barbara High School?
Մասնագիտությունգործարար
ԿուսակցությունԿալիֆոռնիայի հանրապետական կուսակցություն
Commons-logo.svg Charles Schwab Վիքիպահեստում

Չարլզ Ռոբերտ Շվաբ (հուլիսի 29, 1937(1937-07-29), Սակրամենտո, ԱՄՆ), ամերիկացի ներդրող և ֆինանսիստ։ «Charles Schwab» ընկերության հիմնադիրն ու նախագահն է։ 1975 թվականին շրջանառության մեջ է դրել բաժնետոմսերի զեղչային վաճառքը։ Նրա ընկերությունը դարձել է ԱՄՆ-ում զեղչային արժեթղթերի խոշորագույն դիլերը։ 2008 թվականին հեռացել է գլխավոր տնօրենի պաշտոնից, սակայն մնացել է տնօրենների խորհրդի նախագահ և հանդիսացել խոշորագույն բաժնետերը։

2017 թվականի փետրվարի դրությամբ նրա սեփական կապիտալը, ըստ «Ֆորբս»-ի գնահատումների, կազմել է 8,2 մլրդ դոլար[1]։

Վաղ տարիներ ու կրթություն[խմբագրել | խմբագրել կոդը]

Ծնվել է Կալիֆորնիա նահանգի Սակրամենտո քաղաքում՝ Թերի և Լոյդ Շվաբի ընտանիքում[2] [3]։ Սովորել է Կալիֆորնիայի Սանտա Բարբարայի միջնակարգ դպրոցում, որտեղ եղել է գոլֆի թիմի ավագը[4]։ 1959 թվականին տնտեսագիտության բակալավրի աստիճանով ավարտել է Սթենֆորդի համալսարանը։ 1961 թվականին ավարտել է Սթենֆորդի բիզնեսի բարձրագույն դպրոցը՝ բիզնես վարչարարության մագիստրոսի աստիճանով։

Ներդրողի գործունեություն[խմբագրել | խմբագրել կոդը]

1963 թվականին Շվաբը և երեք այլ գործընկերներ գործարկել են «Investment Indicator» ներդրումային տեղեկագիրը։ 1971 թվականի նոյեմբերին նա և ևս չորս մարդ գնել են «Charles Schwab & Co., Inc.» ներդրումային ընկերության բոլոր բաժնետոմսերը։

«Charles Schwab & Co.»[խմբագրել | խմբագրել կոդը]

1973 թվականին «First Commander»-ը ստացել է «Charles Schwab & Co., Inc.»[5] անվանումը։ Ընկերության պատմության մեջ որոշիչ պահը տեղի է ունեցել 1975 թվականին, երբ ԱՄՆ արժեթղթերի և բորսաների հանձնաժողովը ապակարգավորել է արժեթղթերի առևտուրը, ինչը հանել է ցանկացած միջնորդավճարի գանձման սահմանափակումները։ Դրանից հետո ընկերությունը ներկայացրել է մի շարք ոչ ավանդական նորամուծություններ։ Նախ հաճախորդների համար հանձնաժողովները կիսվել են։ Երկրորդ, վաճառքի գործակալները սկսել են վճարել (և այսօր էլ շարունակում են վճարել) ամենժամյա աշխատավարձը, այլ ոչ թե միջնորդավճարները ընդհանուր վաճառքի գնով։ Երրորդ, Շվաբը հրաժարվել է հաճախորդներին խորհուրդներ տալ։ Նա նաև ամբողջ երկրում ստեղծել է անվճար թեժ գիծ՝ պատվերների ընդունման համար, այնուհետև ստեղծել է շուրջօրյա հեռախոսային համակարգ, որը թույլ կտա հաճախորդներին պատվերներ տեղադրել ցանկացած վայրում և ցանկացած ժամի։ Ավանդական ներդրումային ընկերությունները վրդովված էին այդ նորություններից և փորձում էին արգելափակել ընկերության ընդլայնումը[6]։

Անձնական կյանք[խմբագրել | խմբագրել կոդը]

Շվաբը ամուսնացել է երկու անգամ։ Նա Սյուզան (Կոտեր) Շվաբի հետ առաջին ամուսնությունից երեք երեխա ունի[7] [8]՝ Չարլզ կրտսերը (հայտնի է որպես «Սենդի»), Քերին և Վիրջինիան[9]։ Չարլզն ու Սյուզան Շվաբը հետագայում ամուսնալուծվել են։ Երկրորդ անգամ Շվաբը ամուսնացել է Հելեն Օ Նիլի հետ, որի հետ նա ունի երկու երեխա՝ Մայքլը և Հելենը։ Նրա դուստրը՝ Քերին, ամուսնացած է գրող Գարի Պոմերանցի հետ[10]։ Նա Չարլզի և Հելեն Շվաբի հիմնադրամի նախագահն է, ինչպես նաև եղել է նախագահ Օբամայի ֆինանսական հարցերով խորհրդատվական խորհրդի անդամ[11]։

Շվաբը մտել է Սան Ֆրանցիսկոյի ժամանակակից արվեստի թանգարանի հոգաբարձուների խորհրդի կազմ, իսկ ավելի վաղ եղել է դրա նախագահը[12]։

Նա և կինը՝ Հելենը, ներկայումս ապրում են Կալիֆորնիա նահանգի Ատերթոնում և զբաղվում են բարեգործությամբ[13] [14]: Շվաբը հիվանդ է եղել դիսլեքսիայով, բայց մինչև 40 տարեկան չի իմացել այդ մասին[15]։ Չարլզի և Հելեն Շվաբի հիմնադրամը զբաղվում է դիսլեքսիկ երեխաներին օգնություն ցուցաբերելով[16]։

Անձնական դրություն[խմբագրել | խմբագրել կոդը]

Ըստ 2017 թվականի փետրվարի «Ֆորբսի» տվյալների Շվաբի անձնական կարողությունը կազմում է 8,2 միլիարդ դոլար[1]։ Չարլզի և Հելեն Շվաբի հիմնադրամը հիմնադրվել է 1987 թվականին։ 2013 թվականին ընկերությունը հայտնել է 270 մլն ԱՄՆ դոլարի ակտիվների մասին և ստացել 13 մլն ԱՄՆ դոլար դրամաշնորհների տեսքով։

Մատենագրություն[խմբագրել | խմբագրել կոդը]

  • Чарльз Шваб Инвестиционная революция. Как мы сделали биржу доступной каждому = Charles Schwab. Invested: Changing Forever the Way Americans Invest / переводчик И.Крейнина, редактор А. Зотиков. — М.: Интеллектуальная Литература, 2020. — 220 p. — ISBN 978-5-907274-54-9

Ծանոթագրություններ[խմբագրել | խմբագրել կոդը]

  1. 1,0 1,1 «Charles Schwab»։ Forbes (անգլերեն)։ Վերցված է 2017-02-18 
  2. «Charles R. Schwab, Chairman»։ Charles and Helen Schwab Foundation։ Արխիվացված է օրիգինալից 2013-05-14-ին։ Վերցված է 2013-07-20 
  3. «Charles R. Schwab»։ Արխիվացված է օրիգինալից 2010-09-20-ին։ Վերցված է 2010-09-29 
  4. Plitt Todd (2003-11-10)։ «Charles Schwab didn't let dyslexia stop him»։ USA Today։ Վերցված է 2011-03-25 
  5. «Schwab History»։ Արխիվացված է օրիգինալից 2010-09-20-ին։ Վերցված է 2010-09-29 
  6. Ingham and Feldman. Contemporary American business leaders p 568.
  7. Daily Finance: "Charles Schwab's Fatherly Advice: Have a Passion for What You Do -- and Diversify" Dawn Kawamoto, June 17, 2011
  8. Charles Schwab: How One Company Beat Wall Street and Reinvented the Brokerage Industry John Kador December 2002
  9. «She Has Welfare At Heart»։ The Oakland Tribune։ 1971-10-03 
  10. Schwab-Pomerantz bio, Retrieved October 23, 2016
  11. Practical Money Skills: "Speaker Bios - Carrie Schwab-Pomerantz"; retrieved November 25, 2013
  12. «Board of Trustees»։ SFMOMA։ Վերցված է 2015-10-22 
  13. Charles Schwab's Guide to Financial Independence (1998)
  14. Hendrix Anastasia (2016-05-12)։ «State of the Art»։ Modern Luxury Silicon Valley։ Վերցված է 2018-09-25 
  15. Plitt Todd (2003-11-10)։ «Charles Schwab didn't let dyslexia stop him»։ USA Today։ Վերցված է 2008-09-19 
  16. Turner Rob (2003-11-23)։ «Executive Life; In Learning Hurdles, Lessons for Success»։ New York Times։ էջ 10