Չարլզ Կալեբ Կոլտոն
| Չարլզ Կալեբ Կոլտոն | |
|---|---|
| Ծնվել է | 1777 կամ 1780 |
| Մահացել է | 1832[1][1] |
| Քաղաքացիություն | .svg){kind=small} Մեծ Բրիտանիայի թագավորություն |
| Կրոն | Անգլիկան եկեղեցի |
| Կրթություն | Թագավորական քոլեջ, Քեմբրիջ և Իթըն քոլեջ |
| Մասնագիտություն | գրող և անգլիկանական քահանա |
Չարլզ Կալեբ Կոլտոն (անգլ.՝ Charles Caleb Colton, 1777 կամ 1780 - 1832[1][1]), անգլիացի հոգևորական, գրող և կոլեկցիոներ, որը հայտնի էր իր տարօրինակություններով[2]։
Կյանք
[խմբագրել | խմբագրել կոդը]Բարֆութ Կոլտոնի որդին՝ Չարլզը, կրթություն է ստացել Քեմբրիջի Էթըն քոլեջում և Արքայական քոլեջում՝ 1801 թվականին ավարտելով բակալավրի աստիճանը, իսկ 1804 թվականին՝ մագիստրոսական աստիճանը[2][3]։ 1801թվականին քոլեջը նրան շնորհել է Դևոնի Տիվերթոնի Պրիորս թաղամասի մշտական հսկողությունը, որտեղ նա ապրել է երկար տարիներ: 1812-ին նշանակվել է Քյուի և Փիթերշեմի վիկարիոս։ Եկեղեցու հետ կապված գործառույթների նրա կատարումը երկու վայրերում էլ անկանոն է եղել․ երբեմն բարեխիղճ և հիանալի, իսկ երբեմն՝ հպանցիկ և երես տվող: Նա թողել է եկեղեցական պաշտոնական ծառայությունը և 1828 թվականին հեռացել է Անգլիայից։ Ժամանակակիցները կարծում էին, որ նա փախել է իր պարտատերերից, որոնք նրա դեմ օրինական «անդորրագիր» են ներկայացրել՝ ճանաչելով նրան որպես գինու վաճառական։
Երկու տարի Կոլտոնը ճանապարհորդել է Միացյալ Նահանգներով մեկ: Հետագայում նա համեստ բնակություն է հաստատել Փարիզում: Այնտեղ նա ներդրումներ է կատարել արվեստի պատկերասրահում և ունեցել է արժեքավոր նկարների անձնական մեծ հավաքածու: Այլ զբաղմունքները եղել են գինի գնելը և կաքավ որսալը: Նա նաև հաճախում էր «Պալե-Ռոյալ»-ի խաղային սրահներ և այնքան հաջողակ էր, որ մեկ-երկու տարվա ընթացքում ձեռք է բերել 25000 անգլիական ֆունտ ստերլինգին համարժեք գումար։ Նա, այնուամենայնիվ, շարունակել է մոլեխաղը և կորցրել իր ֆրանսիական կարողությունը: Մահվան ժամանակ Կոլտոնն ապրել է իր անմիջական ընտանիքից ստացված միջոցներով։ Հիվանդությունը վիրահատություն է պահանջել, սակայն Կոլտոնը վախեցել է վիրահատությունից։ Նա ի վերջո ինքնասպան է եղել, որպեսզի չանցնի այդ ամենի միջով:
Գրական գործունեություն
[խմբագրել | խմբագրել կոդը]Կոլտոնի գրքերը, ներառյալ էպիգրամատիկ աֆորիզմների և վարքի մասին կարճ էսսեների ժողովածուները, թեև այժմ գրեթե մոռացված են, բայց իրենց ժամանակներում ֆենոմենալ ժողովրդականություն են վայելել: 1820 թվականի վերջերին Կոլտոնը հրատարակել է «Լակոն» կամ «Շատ բաներ քիչ բառերով․ ուղղված նրանց, ովքեր մտածում են» գործը, փոքր էժան հրատարակությամբ։ Այնուամենայնիվ, այն ուշադրության և գովասանքի է արժանացել, և 1821 թվականին լույս է տեսել հինգ լրացուցիչ տպաքանակ։ «Լակոն», հատոր II-ը հրատարակվել է 1822 թվականին։ 1822 թվականին Կոլտոնը վերահրատարակել է Նապոլեոնի մասին նախորդ աշխատությունը՝ ընդարձակ հավելումներով՝ «Մոսկվայի բռնկումը» վերնագրով։ Փարիզում նա տպագրել է «Ձոն Լորդ Բայրոնի մահվան»-ը մասնավոր տպաքանակի համար և շարունակել է գրել: Իր մահից հետո չհրատարակված է թողել 600 տողից բաղկացած բանաստեղծություն, որը կոչվում էր «Ժամանակակից հնություն»:
Քսաներորդ դարում և մինչ օրս Կոլտոնին ամենից հաճախ կարդում են, հավանաբար, մեջբերումների գրքերում, այդ թվում՝ «Բարթլետի ծանոթ մեջբերումները» գրքում, որտեղ պահպանվել են նրա աֆորիզմներից շատերը:
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 Swartz A. Open Library — 2007.
- ↑ 2,0 2,1 Oxford Dictionary of National Biography (online ed.). Oxford University Press. doi:10.1093/ref:odnb/5999.
{{cite encyclopedia}}: Missing or empty|title=(օգնություն) (Subscription or UK public library membership required.) - ↑ «Colton or Coulton, Caleb (CLTN796C)». A Cambridge Alumni Database. University of Cambridge.
Արտաքին հղումներ
[խմբագրել | խմբագրել կոդը]
 | Վիքիքաղվածքն ունի նյութեր, որոնք վերաբերում են «Չարլզ Կալեբ Կոլտոն» հոդվածին։ |
| ||||||
