Չարլզ Բարքլի

Վիքիպեդիայից՝ ազատ հանրագիտարանից
Jump to navigation Jump to search
Picto infobox baschet.png
Չարլզ Բարքլի
Charles Barkley
Charles Barkley at East Carolina University.jpg
Դիրքը Ծանր հարձակվող
Համար № 34, 32, 14, 4
Ի ծնե տրված անունը Չարլզ Ուեյդ Բարքլի
Charles Wade Barkley
Ծննդյան ամսաթիվ փետրվարի 20, 1963 (56 տարեկան)
Ծննդավայր Ամերիկայի Միացյալ Նահանգներ Լիդս, Ալաբամա, ԱՄՆ
Հասակ 1,98 մ
Քաշ 114 կգ
Դպրոց Լիդսի ավագ դպրոց
(Լիդս, Ալաբամա)
համալսարան Օբուրն (1981–1984)
Դրաֆթի տարի 1984 / ռաունդ` 1 / ընտր.` 5-րդ
Դրաֆթ ակումբ Ֆիլադելֆիա Սեվնթիսիքսերս
Կարիերայի պատմություն
Ամերիկայի Միացյալ ՆահանգներՖիլադելֆիա Սեվնթիսիքսերս (1984–1992)
Ամերիկայի Միացյալ ՆահանգներՖինիքս Սանս (1992–1996)
Ամերիկայի Միացյալ ՆահանգներՀյուստոն Ռոքեթս (1996–2000)
Մրցանակներ
  • NBA-ի ամենաարժեքավոր խաղացող (1992)
  • 11× NBA աստղ (1987–1997)
  • 5× All-NBA առաջին թիմ (1987–1997)
  • 5× All-NBA երկրորդ թիմ (1985–1986, 1991, 1993–1994)
  • 1× All-NBA երրորդ թիմ (1995)
  • NBA All-Rookie առաջին թիմ (1984)
  • 1× NBA բոլոր աստղերի խաղի MVP (1991)
  • NBA-ի 50-ամյակին նվիրված խորհրդանշանական հավաքականի անդամ
  • #34 խաղաշապիկի հավերժացում «Ֆիլադելֆիա Սիքսերսի» և «Ֆինիքս Սանսի» կողմից
  • SEC տարվա բասկետբոլիստ (1984)
Կարիերայի ցուցանիշներ
23 757 միավոր (22,1 մ/խ)
12 546 անդրադարձ (11,7 ա/խ)
4215 փոխանցում (3,9 խ/խ)
Մեդալներ

Օլիմպիական խաղեր
 Ոսկի - Բարսելոնա 1992
 Ոսկի - Ատլանտա 1996
ՖԻԲԱ-ի ամերիկյան առաջնություն
 Ոսկի - Պորտլենդ 1992

Չարլզ Ուեյդ Բարքլի (անգլ.՝ Charles Wade Barkley, փետրվարի 20, 1963(1963-02-20)[1][2][3], Leeds), ամերիկացի նախկին պրոֆեսիոնալ բասկետբոլիստ։ Մասնագիտական կարիերայի ընթացքում հանդես է եկել Բասկետբոլի ազգային ասոցիացիայի (NBA) «Ֆիլադելֆիա Սեվնթիսիքսերս» (1984–1992), «Ֆինիքս Սանս» (1992–1996) և «Հյուստոն Ռոքեթս» (1996–2000) ակումբներում՝ որպես ծանր հարձակվող։ Համարվել է լիգայի պատմության լավագույն ծանր հարձակվողներից մեկը։

Լիդսի դպրոցն ավարտելուց հետո երեք մրցաշրջան անցկացրել է Օբուրնի համալսարանում, որից հետո մուտք գործել NBA՝ 1984 թվականին անցկացված դրաֆթի ժամանակ՝ ընտրվելով հինգերորդը «Ֆիլադելֆիա Սիքսերսի» կողմից։ 5-ական անգամ արժանացել է All-NBA առաջին և երկրորդ թիմ խորհրդանշանական հավաքականի անդամ, ինչպես նաև մեկ անգամ՝ All-NBA երրորդ թիմ, 11 անգամ ճանաչվել է NBA-ի աստղ՝ 1991 թվականին հռչակվելով բոլոր աստղերի խաղի ամենաարժեքավոր խաղացող (MVP)։ 1993 թվականին ճանաչվել է լիգայի ամենաարժեքավոր խաղացող։ NBA-ի 50-ամյակի կապակցությամբ հռչակվել է լիգայի պատմության 50 մեծագույն բասկետբոլիստներից մեկը։

Բարքլին եղել է Միացյալ Նահանգների տղամարդկանց բասկետբոլի ազգային հավաքականի՝ «Դրիմ թիմի» անդամ, որի կազմում նվաճել է օլիմպիական ոսկե մեդալ Բարսելոնայի (1992) և Ատլանտայի (1996) օլիմպիական խաղերում։

Բասկետբոլիստի կարիերայից Բարքլին հեռացել է 2000 թվականին։ 2006 թվականին ճանաչվել Նեյսմիթի անվան բասկետբոլի փառքի սրահի անդամ[4]։ Բասկետբոլիստի կարիերայից հեռանալուց ի վեր Բարքլին աշխատում է TNT հեռուստաալիքում՝ որպես NBA-ի հանդիպումների վերլուծաբան։ Հանդիպումների վերլուծությունից բացի նաև մի շարք գրքերի հեղինակ է։ Որոշակի հետաքրքրվածություն է ցուցաբերել նաև քաղաքականության ասպարեզում՝ 2008-ի հոկտեմբերին հայտարարելով, որ կառաջադրվի 2014 թ. Ալաբամայի նահանգապետի ընտրություններում, սակայն որոշումից ետ է կանգնել 2010-ին[5]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են
Չարլզ Բարքլի հոդվածին