Չարլզ Ալբերտ Գոբաթ

Չարլզ Ալբերտ Գոբաթ; ֆր.՝ Charles Albert Gobat
Ծնվել է	մայիսի 21, 1843[…]
Ծննդավայր	Tramelan, Շվեյցարիա
Մահացել է	մարտի 16, 1914 (70 տարեկան)
Մահվան վայր	Բեռն, Շվեյցարիա
Գերեզման	Բրեմգարտենի գերեզմանատուն
Քաղաքացիություն	Շվեյցարիա
Կրթություն	Բազելի համալսարան և Հայդելբերգի համալսարան
Մասնագիտություն	քաղաքական գործիչ և փաստաբան
Զբաղեցրած պաշտոններ	Member of the Swiss Council of States?, Շվեյցարիայի ազգային խորհրդի անդամ և Member of the Grand Council of the Canton of Bern?
Կուսակցություն	Շվեյցարիայի ազատ դեմոկրատական կուսակցություն
Պարգևներ և ; մրցանակներ
Երեխաներ	Marguerite Gobat?
	Charles Albert Gobat Վիքիպահեստում

Չարլզ Ալբերտ Գոբաթ, (ֆր.՝ Charles Albert Gobat, մայիսի 21, 1843(1843-05-21)^[1]^[2]^[3]^[…], Tramelan, Շվեյցարիա - մարտի 16, 1914(1914-03-16)^[2]^[3]^[4], Բեռն, Շվեյցարիա), Շվեյցարիացի իրավաբան և քաղաքական գործիչ, 1902 թվականի Խաղաղության Նոբելյան մրցանակի դափնեկիր Էլի Դյուկոմմենի հետ միասին։

Կենսագրություն[խմբագրել | խմբագրել կոդը]

Գոբաթը ծնվել է 1843 թվականին Տրամլանում (Շվեյցարիա) բողոքական քահանայի ընտանիքում։ Կրթություն է ստացել Բազելի, Հայդելբերգի, Բեռնի և Փարիզի համալսարաններում։ 1867 թվականին պաշտպանել է թեկնածուական թեզ՝ որպես իրավաբանական գիտությունների դոկտոր։ 1867-1868 թվականներին եղել է Բեռնի համալսարանի ֆրանսիական քաղաքացիական իրավունքի դասախոս։ Հետագայում բացել է իր փաստաբանական գրասենյակը Բեռնի կանտոնում, որը հետագայում դարձել է ամենամեծը տարածաշրջանում։

1882 թվականին Գոբաթը ընտրվել է Բեռնի Մեծ Խորհրդի անդամ։ Նույն թվականին նշանակվել է Բեռնի հանրային կրթության վարչության հոգաբարձու պաշտոնում, որտեղ մնացել է 30 տարի։ Այս պաշտոնում իրականացրել է մի շարք բարեփոխումներ. խորացրել է վերապատրաստման ծրագիրը, հասել կրթության ֆինանսավորման ավելացմանը, ինչպես նաև ներմուծել է մեծահասակների մասնագիտական վերապատրաստման դասընթացներ^[7]։

1884 թվականից Գոբաթը եղել է Շվեյցարիայի դաշնային խորհրդի անդամ, իսկ 1890 թվականին դարձել է Ազգային խորհրդի անդամ։ 1889 թվականին մասնակցել է Միջխորհրդարանական միության առաջին համաժողովին, որի նպատակն է եղել ակտիվացնել համատեղ գործողությունները բոլոր խորհրդարանների անդամների միջև՝ խաղաղության և համագործակցության ամրապնդման համար։

1892 թվականին Չարլզ Ալբերտ Գոբաթը նախագահել է միության չորրորդ համաժողովը, որտեղ ընտրվել է միջխորհրդարանական բյուրոյի միության կենտրոնակայանի տնօրեն։

1902 թվականին Գոբաթը, Էլի Դյուկոմմենի հետ միասին, ստացել են Խաղաղության Նոբելյան մրցանակ միջազգային արբիտրաժում ջանքեր գործադրելու համար^[8]։ 1906 թվականին Դյուկոմմենի մահից հետո, Գոբաթը փոխարինել է նրան որպես Խաղաղության միջազգային բյուրոյի տնօրեն։ Վերջին տարիներին, իր գործունեության ընթացքում, հատուկ ուշադրություն է դարձրել սպառազինությունների մրցավազքի խնդրին և նույնիսկ կազմակերպել է Ֆրանսիայից և Գերմանիայից ժամանած խորհրդարանականների հանդիպում, որը, սակայն, ոչ մի էական արդյունք չի տվել^[7]։

Չարլզ Ալբերտ Գոբաթը մահացել է սրտի կաթվածից 1914 թվականի մարտի 16 Բեռնում և թաղված է Բրեմգարդենի գերեզմանատանը։

Մատենագիտություն[խմբագրել | խմբագրել կոդը]

La République de Berne et la France pendant les guerres de religion, 1891
L’Histoire de la Suisse racontée au peuple, 1900
The International Parliament, «The Independent», 1903
Croquis et impressions d’Amérique, 1904
Développement du Bureau international permanent de la paix, 1910
Le Cauchemar de l’Europe, 1911

Ծանոթագրություններ[խմբագրել | խմբագրել կոդը]

↑ ^1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Բրոքհաուզի հանրագիտարան (գերմ.)
↑ ^3,0 ^3,1 ^3,2 ^3,3 ^3,4 ^3,5 Historische Lexikon der Schweiz, Dictionnaire historique de la Suisse, Dizionario storico della Svizzera (գերմ.) — Bern: 1998.
↑ ^4,0 ^4,1 ^4,2 Brozović D., Ladan T. Hrvatska enciklopedija (хорв.) — LZMK, 1999. — 9272 p. — ISBN 978-953-6036-31-8
↑ The Nobel Peace Prize 1902 — Nobel Foundation.
↑ Table showing prize amounts — Nobel Foundation, 2019.
↑ ^7,0 ^7,1 «Альбер Гоба». Արխիվացված է օրիգինալից 2012 թ․ մարտի 3-ին. Վերցված է 2020 թ․ դեկտեմբերի 19-ին.
↑ Гоба // Малый энциклопедический словарь Брокгауза и Ефрона : в 4 т. — СПб., 1907—1909.

Վիքիպահեստն ունի նյութեր, որոնք վերաբերում են «Չարլզ Ալբերտ Գոբաթ» հոդվածին։

[_80d0e35e52c2895e-1] 1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_67016ce2ac967b0f-2] 2,0 ^2,1 ^2,2 ^2,3 ^2,4 Բրոքհաուզի հանրագիտարան (գերմ.)

[_2beb7d9fda1cad43-3] 3,0 ^3,1 ^3,2 ^3,3 ^3,4 ^3,5 Historische Lexikon der Schweiz, Dictionnaire historique de la Suisse, Dizionario storico della Svizzera (գերմ.) — Bern: 1998.

[_46b5e364b20c3927-4] 4,0 ^4,1 ^4,2 Brozović D., Ladan T. Hrvatska enciklopedija (хорв.) — LZMK, 1999. — 9272 p. — ISBN 978-953-6036-31-8

[_ee092a33adf1c789-5] The Nobel Peace Prize 1902 — Nobel Foundation.

[_91240182028fc537-6] Table showing prize amounts — Nobel Foundation, 2019.

[Nt2-7] 7,0 ^7,1 «Альбер Гоба». Արխիվացված է օրիգինալից 2012 թ․ մարտի 3-ին. Վերցված է 2020 թ․ դեկտեմբերի 19-ին.

[Викитека_МЭСБЕ-8] Гоба // Малый энциклопедический словарь Брокгауза и Ефрона : в 4 т. — СПб., 1907—1909.

[1]

[2]

[3]

[4]

[5]

[6]

[7]

[8]