Ուռուտ (գետ)

Անվան այլ կիրառումների համար տե՛ս՝ Ուռուտ (այլ կիրառումներ)

Ուռուտ
Բնութագիր
Երկարություն	22 կմ
Ավազանի մակերես	148 կմ²
Ջրի ծախս	1,07 մ³/վ
Ջրահոսք
Ակունքի տեղակայում	Վիրահայոց լեռներ
Կոորդինատներ	41°00′08″ հս․. լ. 44°26′02″ ավ. ե.
Տեղակայում
Հոսող հոսքեր	Ղանձիլ
Երկիր	Հայաստան
Երկրամաս	Լոռու մարզ

Ուռուտ (Աղզիբոյուք, Աղզրբոյուք, Աղզիբեյուկ, Մեսխանկա, Միսխանա, Միսխանի ջուր, Միսխանկա, Պրիվոլի, Ուրուտ), գետ Հայաստանի Լոռու մարզում, Ձորագետի ձախ վտակը։ Սկիզբ է առնում Վիրահայոց լեռնաշղթայի կենտրոնական մասի հարավային լանջերից՝ Գայլի դրունք լեռնանցքի մոտից՝ 1700 մ բարձրությունից, և հոսելով Լոռու մարզով, Ստեփանավան քաղաքից 3,5 կմ արևելք՝ ձախից միանում Ձորագետին։ Երկարությունը 22  (20) կմ է, ջրհավաք ավազանը՝ 148 կմ²։ Հոսում է Լոռու դաշտով, առաջացնում 6 կմ երկարության և 2080 մ լայնության կանիոն։ Պրիվոլնոյե գյուղից գետահովիտն ընդարձակվում է, վերածվում դարավանդված գոգահովտի։ Սնումը ձնաանձրևային է, վարարումը՝ գարնանը։ Տարեկան միջին ծախսը 1,07 մ³/վ է։ Ջրերն օգտագործվում են ոռոգման նպատակով։

Ուռուտի և Ձորագետի խառնարանում են գտնվում Լոռի բերդաքաղաքի ավերակները։ Գետակի վրա պահպանվել են 12-13-րդ դարերին ստեղծված Լոռի բերդի կամուրջը։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։