Jump to content

Ումիթ Օզդաղ

Վիքիպեդիայից՝ ազատ հանրագիտարանից
Ումիթ Օզդաղ
թուրքերեն՝ Ümit Özdağ
Դիմանկար
Ծնվել էմարտի 3, 1961(1961-03-03) (64 տարեկան)
ԾննդավայրՏոկիո, Տոկիո, Ճապոնիա
Քաղաքացիություն Ճապոնիա և  Թուրքիա
Մայրենի լեզութուրքերեն
Կրոնիսլամ[1][2]
ԿրթությունԼյուդվիգ Մաքսիմիլիանի Մյունխենի համալսարան և Գազի համալսարան
Մասնագիտությունհամալսարանի դասախոս, քաղաքական գործիչ և հեղինակ
ԱշխատատուԳազի համալսարան
Զբաղեցրած պաշտոններԹուրքիայի Մեծ Ազգային Ասամբլեայի անդամ, Թուրքիայի Մեծ Ազգային Ասամբլեայի անդամ, Թուրքիայի Մեծ Ազգային Ասամբլեայի անդամ, Թուրքիայի Մեծ Ազգային Ասամբլեայի անդամ և Թուրքիայի Մեծ Ազգային Ասամբլեայի անդամ
ԿուսակցությունԱզգայնական շարժման կուսակցություն, Լավ կուսակցություն և Victory Party?
🌐
umitozdag.com
 Ümit Özdağ Վիքիպահեստում

Ումիթ Օզդաղ (թուրքերեն՝ Ümit Özdağ, մարտի 3, 1961(1961-03-03), Տոկիո, Տոկիո, Ճապոնիա), թուրք ծայրահեղ աջ քաղաքական գործիչ, Ազգայնական շարժում կուսակցության (ԱՇԿ) անդամ։ 2015 թվականի նոյեմբերից 2016 թվականի փետրվարը զբաղեցրել է ԱՇԿ նախագահի տեղակալի պաշտոնը։ 2021 թվականին հիմնել է ծայրահեղ աջ «Հաղթանակ» կուսակցությունը, որի միակ ներկայացուցիչն է Թուրքիայի խորհրդարանում[3][4][5][6]։

Կենսագրություն

[խմբագրել | խմբագրել կոդը]

Ումիթ Օզդաղը ծնվել է 1961 թվականի մարտի 3-ին Տոկիոյում։ Ումիթի մայրը՝ Գոնուլ Օզդաղը, գլխավորել է ԱՇԿ-ի կանանց թևը։ Ումիթի հայրը՝ Մուզաֆեր Օզդաղը, եղել է ԱՇԿ-ի հիմնադիր Ալփարսլան Թյուրքեշի մտերիմն, ինչպես նաև եղել է 1960 թվականի հեղաշրջումից հետո ստեղծված Ազգային միասնության կոմիտեի անդամ[7]։

Ումիթ Օզդաղն ավարտել է Մյունխենի Լյուդվիգ Մաքսիմիլիան համալսարանը։ Հետո ստացել է մագիստրոսի կոչում։

1986 թվականից աշխատել է Գազիի համալսարանում։ 1990 թվականին ստացել է դոկտորի աստիճան։ 1993 թվականին ստացել է դոցենտի կոչում 1960 թվականի հեղաշրջման և Ադնան Մենդերեսի նախագահության վերաբերյալ իր աշխատանքի համար[8]։ 1994 թվականին Օզդաղը ստանձնել է «Avrasya Dosyası» ամսագրի խմբագրի պաշտոնը, որը նվիրված է միջազգային հարաբերություններին և ռազմավարական ուսումնասիրություններին։ 1980-ական թվականներին Ումիթ Օզդաղն ուսումնասիրել է ահաբեկչության և էթնիկ պատկանելության հարցերը, ապա 1995 թվականին գրել է աշխատություններ արևելյան և հարավ-արևելյան Անատոլիայի շրջանների ուսումնասիրության վերաբերյալ։

1997-98 թվականներին հետազոտություններ է անցկացրել և դասախոսություններ է կարդացել գլոբալիզացիայի և էթնիկական խնդիրների վերաբերյալ ամերիկյան Բալթիմոր քաղաքի Թաուսոնի համալսարանում։ 1999 թվականին Օզդաղը հիմնել է Եվրասիական ռազմավարական հետազոտությունների կենտրոնը, իսկ 2000 թվականին՝ Հայագիտական հետազոտությունների ինստիտուտը։ Մինչև 2004 թվականը Ումիթ Օզդաղը զբաղեցրել է Եվրասիական ռազմավարական հետազոտությունների կենտրոնի նախագահի պաշտոնը և եղել է խորհրդի անդամ։ 2001 թվականին ստացել է պրոֆեսորի կոչում, 2005 թվականին թոշակի է անցել Գազի համալսարանից և նույն թվականին ստանձնել 21-րդ դարի Թուրքիայի ինստիտուտի նախագահի պաշտոնը[9]։

Քաղաքական կարիերա

[խմբագրել | խմբագրել կոդը]

2006 թվականին Ումիթ Օզդաղը հայտարարել է ԱՇԿ-ի նախագահի պաշտոնում առաջադրվելու իր ցանկության մասին[10]։ Երկու օր անց նրա թեկնածությունը մերժվեց, իսկ ինքը հեռացվեց կուսակցությունից։ 2010 թվականին Օզդաղը վերականգնվել է կուսակցությունում, իսկ 2011 թվականին առաջադրվել է պատգամավորության թեկնածու ԱՇԿ-ից, սակայն չի ընտրվել[11]։

2015 թվականի մարտին կայացած ԱՇԿ-ի 11-րդ սովորական կուսակցության համագումարում Ումիթ Օզդաղն ընտրվել է կուսակցության Կենտրոնական գործադիր կոմիտեի անդամ։ Նույն թվականի հունիսին ընտրվել է պատգամավոր, իսկ նույն թվականի նոյեմբերին վերընտրվել[12]։ 2015 թվականի նոյեմբերի 14-ին ընտրվել է կուսակցության փոխնախագահ։

2016 թվականի փետրվարին Օզդաղը հրաժարական է տվել ԱՇԿ-ի փոխնախագահի պաշտոնից և կոչ է արել արտահերթ համագումար անցկացնել՝ կապված 2015 թվականի նոյեմբերի ընտրություններում կուսակցության պարտության հետ։ 2016 թվականի ապրիլի 9-ին Ումիթ Օզդաղը հայտարարել է ԱՇԿ-ի նախագահության համար իր թեկնածությունը առաջադրելու ցանկության մասին[13][14]։

2017 թվականից եղել է «Լավ կուսակցության» ղեկավարության անդամ։ 2021 թվականին հիմնել է իր ծայրահեղ աջ «Հաղթանակ» կուսակցությունը։

2025 թվականի հունվարի վերջին ձերբակալվել է թուրքական ոստիկանության կողմից՝ Էրդողանին վիրավորելու մեղադրանքով[15]։

Անձնական կյանք

[խմբագրել | խմբագրել կոդը]

Սերում է կումիկ մուհաջիրների[16] ընտանիքից է։ Ամուսնացած է, ունի մեկ երեխա[17]։

Ծանոթագրություններ

[խմբագրել | խմբագրել կոդը]
  1. ↑ Bayraktar Ç. 148 gün sonra tahliye edilen Ümit Özdağ ilk açıklamasında duyurdu: Jandarma şükür namazını engellemiş! (тур.) — 2025.
  2. ↑ https://x.com/umitozdag/status/1860433731426586754
  3. ↑ «Turkey Signals Possible Rapprochement With Syria». VOA (անգլերեն). Արխիվացված է օրիգինալից 2022 թ․ նոյեմբերի 13-ին. Վերցված է 2022 թ․ նոյեմբերի 13-ին. «On the other hand, the far-right Victory Party calls for forced deportations of Syrian refugees, blaming them for the rising food prices.»
  4. ↑ Osterlund, Paul Benjamin. «Killing of refugee highlights struggle facing Syrians in Turkey». www.aljazeera.com (անգլերեն). Արխիվացված է օրիգինալից 2022 թ․ նոյեմբերի 13-ին. Վերցված է 2022 թ․ նոյեմբերի 13-ին.
  5. ↑ OZERKAN, Fulya. «Syrian Refugees In Turkey Left In Limbo». www.barrons.com (ամերիկյան անգլերեն). Արխիվացված է օրիգինալից 2022 թ․ նոյեմբերի 13-ին. Վերցված է 2022 թ․ նոյեմբերի 13-ին.
  6. ↑ «Turkish elections: Anti-immigrant leader endorses Erdogan challenger» (բրիտանական անգլերեն). 2023 թ․ մայիսի 24. Վերցված է 2024 թ․ նոյեմբերի 6-ին.
  7. ↑ sitesi, milliyet.com.tr Türkiye'nin lider haber. «Ümit Özdağ kimdir?». Արխիվացված է օրիգինալից 2017 թ․ փետրվարի 15-ին. Վերցված է 2017 թ․ փետրվարի 24-ին.
  8. ↑ «Ümit Özdağ kimdir? MHP'den neden ihraç edildi? İşte kariyeri ve eserleri». Արխիվացված է օրիգինալից 2016 թ․ դեկտեմբերի 30-ին. Վերցված է 2017 թ․ փետրվարի 24-ին.
  9. ↑ http://www.mahmutozdemir.com.tr, Mahmut ÖZDEMİR -. «Ümit Özdağ Prof. Dr. - 21. Yüzyıl Türkiye Enstitüsü». Արխիվացված է օրիգինալից 2016 թ․ դեկտեմբերի 30-ին. Վերցված է 2017 թ․ փետրվարի 24-ին. {{cite web}}: External link in |last= (օգնություն)
  10. ↑ «Ümit Özdağ kimdir? MHP Gaziantep Milletvekili Ümit Özdağ hakkında bilinmeyenler». Արխիվացված է օրիգինալից 2017 թ․ փետրվարի 24-ին. Վերցված է 2017 թ․ փետրվարի 24-ին.
  11. ↑ «MHP'den ihraç edilen Ümit Özdağ kimdir? Ümit Özdağ hayat hikayesi - Gündem Haberleri». Արխիվացված է օրիգինալից 2017 թ․ հունվարի 23-ին. Վերցված է 2017 թ․ փետրվարի 24-ին.
  12. ↑ sitesi, milliyet.com.tr Türkiye'nin lider haber. «ÜMİT ÖZDAĞ Haberleri ve ÜMİT ÖZDAĞ Gelişmeleri- Milliyet». Արխիվացված է օրիգինալից 2016 թ․ նոյեմբերի 25-ին. Վերցված է 2017 թ․ փետրվարի 24-ին.
  13. ↑ «Ümit Özdağ, MHP Genel Başkanlığı'na aday olacak». Արխիվացված է օրիգինալից 2016 թ․ հունիսի 28-ին. Վերցված է 2017 թ․ փետրվարի 24-ին.
  14. ↑ «MHP Genel Başkan Adayı Prof. Dr. Ümit Özdağ 18.06.2016». Արխիվացված է օրիգինալից 2016 թ․ դեկտեմբերի 30-ին. Վերցված է 2017 թ․ փետրվարի 24-ին.
  15. ↑ «Far-right leader Umit Ozdag detained in Ankara for insulting President Erdogan - Türkiye Today» (ամերիկյան անգլերեն). Վերցված է 2025 թ․ հունվարի 20-ին.
  16. ↑ Sefer E. Berzeg. Kafkas Diasporasında Edebiyatçılar ve Yazarlar Sözlüğü. Samsun, 1995.
  17. ↑ «Ümit Özdağ Kimdir?». Արխիվացված է օրիգինալից 2016 թ․ դեկտեմբերի 30-ին. Վերցված է 2017 թ․ փետրվարի 24-ին.
Վիքիպահեստն ունի նյութեր, որոնք վերաբերում են «Ումիթ Օզդաղ» հոդվածին։
X · X
Ֆոտո, վիդեո և աուդիո
Ստացված է «https://hy.wikipedia.org/w/index.php?title=Ումիթ_Օզդաղ&oldid=10275437» էջից