Ուղևոր Ֆրանկֆուրտից

Վիքիպեդիայից՝ ազատ հանրագիտարանից
(Վերահղված է Ուղևորը Ֆրանկֆուրտիցից)
Jump to navigation Jump to search
Ուղևոր Ֆրանկֆուրտից
անգլ.՝ Passenger to Frankfurt
Տեսակգրական ստեղծագործություն
Ժանրլրտեսական վեպ և քրեական վեպ
ՀեղինակԱգաթա Քրիստի
ԵրկիրFlag of the United Kingdom.svg Միացյալ Թագավորություն
Բնագիր լեզուանգլերեն
Հրատարակությունսեպտեմբեր 1970
ՆախորդՀելոուինի երեկույթ
ՀաջորդThe Golden Ball and Other Stories?

«Ուղևորը Ֆրանկֆուրտից» (անգլ.՝ Passenger to Frankfurt), Ագաթա Քրիստիի վերջին լրտեսական վեպը, որն առաջին անգամ հրատարակվել է Մեծ Բրիտանիայում Collins Crime Club հրատարակչության կողմից 1970 թվականի սեպտեմբերին[1]։ Նույն թվականին Dodd, Mead and Company հրատարակչության կողմից հրատարակվել է ԱՄՆ-ում[2][3]։

Վեպի հրատարակումը նվիրված էր գրողի ութսունամյա հոբելյանին, այն գովազդվել է որպես Քրիստիի ութսուներորդ գիրքը։ Որպես վեպի էպիգրաֆ օգտագործվել է Յան Սմեթսի արտահայտությունը․ «Առաջնորդի մոգությունը, որն իր մեջ պարունակում է հսկայական ստեղծարար ուժ, կարող է վերածվել մեծագույն չարիքի...»:

Վեպը բաղկացած է երեք մասից, նախաբանից և վերջաբանից։ Ագաթա Քրիստիի վեպի նախաբանում իր աշխատանքի մասին գրել է։

Այս՝ Քրիստոսի ծնունդից հետո 1970-րդ տարում վեպ գրելու համար պետք է, որ այն չչի հակասի աշխարհում երևույթների իրական կարգավիճակին։ Եթե կյանքը ֆանտաստիկ է, ապա այդպիսին էլ պետք է լինի ձեր պատմությունը, այն պետք է դառնա բուֆոնադա, ներառի առօրյա իրականության տարօրինակ փաստերը։ Հնարավոր է արդյոք պատկերացնել արտասովոր իրադարձությունները։ Գաղտնի պայքար իշխանության համար։ Կարո՞ղ է արդյոք ոչնչացման մոլագարական ծարավը ստեղծել նոր աշխարհ։ Կարելի՞ է քայլել առաջ և առաջարկել ազատվել սպառնացող վտանգից ֆանտաստիկ և առաջին հայացքից անհնար միջոցներով։

Վեպը խառը արձագանքներ է ստացել հրապարակման ժամանակ[4][5] և 1990 թվականին[6]։

Սյուժե[խմբագրել | խմբագրել կոդը]

Վեպի գլխավոր հերոսը դիվանագետ սըր Սթեֆորդ Նայն է։ Նա Մալայզիայից մեկնում է Լոնդոն, սակայն եղանակային վատ պայմանների պատճառով ինքնաթիռը հարկադիր վայրէջք է կատարում Ֆրանկֆուրտի օդանավակայանում։ Ֆրանկֆուրտի օդանավակայանի տարանցիկ ուղևորների սրահում Նայը հանդիպում է երիտասարդ կնոջ, որն օգնության համար դիմում է նրան։ Նա խնդրում է նրան տալ իր թիկնոցը, տոմսը և անձնագիրը, որպեսզի նա կարողանա բարձրանալ Լոնդոն թռչող ինքնաթիռ։ Նրան էլ առաջարկում է ձևացնել, իբր կողոպուտ է տեղի ունեցել՝ հայտարարելով փաստաթղթերի ու տոմսի գողության մասին այն բանից հետո, երբ ինքը կմեկնի։ Անսպասելիորեն նա համաձայնում է։ Սակայն այս դրվագով պատմությունը չի սահմանափակվում։ Պարզվում է, որ Նայը ներքաշվել է միջազգային դավադրության մեջ։

Ծանոթագրություններ[խմբագրել | խմբագրել կոդը]

  1. Peers Chris, Spurrier Ralph, Sturgeon Jamie (1987)։ Foord Peter, Williams Richard, eds.։ Collins Crime Club – A checklist of First Editions (2nd ed.)։ Dragonby Press։ էջ 15։ ISBN 9781871122015 
  2. Cooper John, Pyke B A (1994)։ Detective Fiction – the collector's guide (2nd ed.)։ Scholar Press։ էջեր 82, 87։ ISBN 0-85967-991-8 
  3. Marcus J S (May 2007)։ «American Tribute to Agatha Christie: Twilight Years 1968-1976»։ Վերցված է 2 September 2018 
  4. Iles Francis (15 October 1970)։ «Review»։ The Guardian։ էջ 8 
  5. Richardson Maurice (13 September 1970)։ «Review»։ The Observer։ էջ 28 
  6. Barnard Robert (1990)։ A Talent to Deceive – an appreciation of Agatha Christie (Revised ed.)։ Fontana Books։ էջ 202։ ISBN 0-00-637474-3 

Արտաքին հղումներ[խմբագրել | խմբագրել կոդը]

  • «Passenger to Frankfurt» (անգլերեն)։ «Agatha Christie» պաշտոնական կայք։ Արխիվացված է օրիգինալից 2010-12-20-ին։ Վերցված է 2010-02-09