Ուղուր Փոլաթ

Վիքիպեդիայից՝ ազատ հանրագիտարանից
Jump to navigation Jump to search
Ուղուր Փոլաթ
Ծնվել էհունվարի 1, 1961(1961-01-01) (60 տարեկան) կամ 1961
ԾննդավայրՍտամբուլ, Թուրքիա[1]
ԿրթությունՍտամբուլի համալսարանի պետական կոնսերվատորիա
ՔաղաքացիությունFlag of Turkey.svg Թուրքիա և Flag of Germany.svg Գերմանիա
Մասնագիտությունդերասան

Ուղուր Հաքան Փոլաթ (թուրք.՝ Uğur Polat, հունվարի 1, 1961(1961-01-01) կամ 1961, Ստամբուլ, Թուրքիա[1]), թատրոնի, կինոյի և հեռուստատեսության թուրք դերասան։

Կենսագրություն[խմբագրել | խմբագրել կոդը]

Ուղուր Փոլաթը ծնվել է 1961 թվականի հունվարի 1-ին Ստամբուլում[2]։ 1978 թվականին ընդունվել է Անկարայի գեղարվեստական թատրոն։ 1981 թվականին սովորել է Միմար Սինանի անվան գեղարվեստի համալսարանի թատերական բաժնում։

16 տարվա ընթացքում Փոլաթը հանդես է եկել պետական թատրոնների բեմերում և խաղացել շուրջ 30 թատերական ներկայացումներում։ 1996 թվականին ստացել է Իսմեթ Քյունթայի թատրոնի մրցանակ։ Մասնակցել է հոլիվուդյան մի շարք ֆիլմերի կրկնօրինակման աշխատանքներին, որոնց համար ստացել է մրցանակներ։ 1990-ական թվականներից սկսած սկսել է նկարահանվել ֆիլմերում և հեռուստասերիալներում։ Լավագույն դերասան անվանակարգում դարձել է Անթալիայի կինոփառատոնի «Ոսկե նարինջ» մրցանակի դափնեկիր[3]։ 1990 թվականին Անկարայի կինոփառատոնի ժամանակ «Բոլոր դռները փակ են» ֆիլմի համար ստացել է «Խոստումնալից դերասան» կինոմրցանակ։ 2014 թվականին նկարահանվել է Հեյ Ստամբուլ հեռուստասերիալում, որը ցուցադրվել է Kanal D հեռուստաընկերությամբ։ Հեռուստասերիալում մարմնավորել է Քանդեմիր Նևիզադեի դերը։ Նրա խաղընկերներն են եղել Սալիհ Բադեմջին, Քաան Յըլդըրըմը, Շեբնեմ Բոզոքլուն, Էրքան Քոլչաք Քյոսթենդիլը և այլն։ 2016 թվականին նկարահանվել է Գիշերվա թագուհին հեռուստասերիալում, որը ցուցադրվել է Star TV հեռուստաընկերությամբ։ Նրա խաղընկերներն են եղել Մերյեմ Ուզերլին, Մուրատ Յըլդըրըմը, Ֆունդա էյրիղիթը, Բուրակ Դենիզը և այլն։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Freebase Data DumpsGoogle.
  2. «Ugur Polat»։ IMDb։ Վերցված է 2018-05-09 
  3. «uğur polat»։ ekşi sözlük (tr-TR)։ Վերցված է 2018-05-09