Ուղեգնացական ակնարկներ (գիրք)

Վիքիպեդիայից՝ ազատ հանրագիտարանից
Jump to navigation Jump to search
Ուղեգնացական ակնարկներ
ՀեղինակԵղիշե Գեղամյանց Հայկունի
Բնօրինակ լեզուՀայերեն
ԼեզուԱնգլերեն, ռուսերեն
Էջեր104
Շարք«ՀՃՈՒ գիտական ուսումնասիրություններ»
Նախորդ«Արցախի կամուրջներ»
Հաջորդ«Հուշագրական ժառանգություն»
ԵրկիրՀայաստանՀայաստան
Հրատարակման վայրԵրևան
ՀրատարակիչՀայկական ճարտարապետությունն ուսումնասիրող հիմնադրամ
Հրատարակված է«Տիգրան Մեծ» հրատարակչություն
Հրատարակման տարեթիվ2010 թվական
ԳՄՍՀISBN 978-99941-875-3-9
ՀՏԴ941(479.25)
ԳՄԴ63.3 (2Հ)
Թվային տարբերակraa-am.com/raa/pdf_files/66.pdf

Ուղեգնացական ակնարկներ (անգլ.՝ Travel notes, ռուս.՝ Путевые очерки), Հայկական ճարտարապետությունն ուսումնասիրող հիմնադրամի կողմից 2010 թվականին հրատարակված «ՀՃՈՒ գիտական ուսումնասիրություններ» շարքի թվով 13-րդ գիրքը (Գիրք ԺԳ): Գրքի հեղինակն է Եղիշե Գեղամյանց Հայկունին: Տպագրվել է եռալեզու տարբերակով՝ հայերեն, անգլերեն և ռուսերեն[1]:

Աշխատությունը ներկայացնում է Արցախի պատմական, վիմագրական, ազգագրական, բանահյուսական, վիճակագրական, կրթական և տնտեսական կացությանը վերաբերող տվյալներ: Ուշագրավ աշխատությունն առաջին և եզակի անգամ լույս է տեսել 1885 թվականին «Մեղու Հայաստանի» երկօրյա պարբերականում 43 հոդվածներով: Հեղինակին կենդանության օրոք (1840-1920) չի հաջողվել հոդվածաշարն ի մի բերել առանձին գրքով: Վերահրատարակման ժամանակ խմբագրության կողմից կատարվել են մասնակի միջամտություններ և որոշ ճշգրտումներ: Բնագրին կցվել են հեղինակի այցելած վայրերին առնչվող լուսանկարներ, ինչպես նաև անցած երթուղին լուսաբանող քարտեզ[1]:

«Ուղեգնացական ակնարկներ» գիրքը հրատարակվել է Հայկական ճարտարապետությունն ուսումնասիրող հիմնադրամի գիտական խորհրդի երաշխավորությամբ: Նախահրատարակչական աշխատանքները հովանավորել է Հայաստանի Հանրապետության մշակույթի նախարարությունը, իսկ տպագրության հովանավորն է Արցախի Հանրապետության կառավարությանն առընթեր զբոսաշրջության վարչությունը: Գիրքը նվիրվում է Եղիշե ավագ քահանա Գեղամյանցի (Հայկունի) հիշատակին՝ նրա ծննդյան 166-ամյակի և մահվան 90-րդ տարելիցի կապակցությամբ[1]:

Ծանոթագրություններ[խմբագրել | խմբագրել կոդը]