Ուկրաինայի ազգային ծառ
Ուկրաինայի ազգային ծառ (ուկրաիներեն՝ Національне дерево України), կոչում է, որը տրվել է 2010 թվականին Ուկրաինայի ամենահայտնի և ճանաչված 17 ծառերին։ Նախկինում այս ծառերից շատերը պետության հովանավորության ներքո էին, որպես բուսաբանական հուշարձաններ և հաշվառված էին Ուկրաինայի բնության արգելոցներ հիմնադրամում։
Մրցույթը[խմբագրել | խմբագրել կոդը]
2009 թվականի դեկտեմբերի 8-ին Ուկրաինայի Շրջակա միջավայրի նախարարարի հրամանով և Կիևի բնապահպանա-մշակութային կենտրոնի նախաձեռնությամբ հաստատվեց Ուկրաինայի ազգային ծառ որոշող մրցույթը։ Ըստ մրցույթի կանոնների Ուկրաինայի ցանկացած քաղաքացի կամ կազմակերպություն կարող էր թեկնածու առաջադրել և մասնակցել ընտրությանը։
Որոշվեցին չորս անվանակարգ՝
- ամենահին ծառեր, անվանակարգում մասնակցում էին 9 ծառ 300 տարեկանից մեծ (Պյոտր Մագիլայի շագանակենին) և մինչև 2000 տարեկան (Նիկիտինսկի բուսաբանական այգու ձիթենին),
- հիշատակի ծառեր, 10 ծառ, որոնք կապված են հայտնի մարդկանց կյանքի և հիշատակի հետ,
- պատմական ծառեր, 8 ծառ, որոնք կապված են պատմական իրադարձությունների հետ, կամ պատմական խորհրդանիշներ են,
- գեղագիտական արժեք ներկայացնող ծառեր, 8 ծառ։
Մրցույթը կայացավ 2010 թվականի փետրվարից մինչև հուլիսի 1-ը, հուլիսի 6-ին համաձայն մրցույթի արդյունքների հրապարակվեց Ուկրաինայի Շրջակա միջավայրի նախարարարի հրամանը 17 ծառի «Ուկրաինայի ազգային ծառ» կոչումը շնորհելու մասին։
2010 թվականի հուլիսի 13-ին Կիևի կենդանաբանական այգում տեղի ունեցած «Ուկրաինայի ազգային ծառերի» շնորհահանդեսի ժամանակ ներկա էին ավելի քան 40 ուկրաինական և արտասահմանյան լրագրողներ, իրադարձությունը լուսաբանում էին 14 հեռուստաալիք։ Շնորհանդեսից հետո մասնակիցները այցելեցին Կիևի Գրյունեվալդի կաղնուն, որը պատվավոր կոչմանը արժանացած ծառերից մեկն էր։
2010 թվականի սեպտեմբերի 1-ին տեղի ունեցավ «Ուկրաինայի ազգային ծառ» կոչման առաջին մրցանակաբաշխությունը։
Արտաքին հղումներ[խմբագրել | խմբագրել կոդը]
- «Ընտրում ենք Ուկրաինայի ազգային ծառ». Կիևի բնապահպանա-մշակութային կենտրոն. 2010. Արխիվացված օրիգինալից 2012 թ․ մայիսի 15-ին. Վերցված է 2011 թ․ օգոստոսի 5–ին-ին.
- «Ուկրաինան ընտրեց ազգային ծառեր». Կիևի բնապահպանա-մշակութային կենտրոն. 2010. Արխիվացված օրիգինալից 2012 թ․ մարտի 20-ին. Վերցված է 2011 թ․ օգոստոսի 5–ին-ին.
- «Ուկրաինայի ազգային ծառերի շնորհանդեսը». Կիևի բնապահպանա-մշակութային կենտրոն. 2010. Արխիվացված օրիգինալից 2012 թ․ մայիսի 15-ին. Վերցված է 2011 թ․ օգոստոսի 5–ին-ին.
- «Գրյունեվալդի կաղնուն «Ուկրաինայի ազգային ծառ» կոչում շնորհելը». Կիևի բնապահպանա-մշակութային կենտրոն. 2010. Արխիվացված է օրիգինալից 2012 թ․ մարտի 12-ին. Վերցված է 2011 թ․ օգոստոսի 5–ին-ին.
- «Ուկրաինայի Շրջակա միջավայրի նախարարարի № 611, 10.12.2009 հրամանը՝ մրցույթ անցկացնելու մասին» (PDF) (ուկրաիներեն). Արխիվացված (PDF) օրիգինալից 2012 թ․ մայիսի 15-ին. Վերցված է 2011 թ․ օգոստոսի 5–ին-ին.
- «Ուկրաինայի Շրջակա միջավայրի նախարարարի № 274, 06.07.2010 հրամանը մրցույթի արդյունքների մասին» (PDF) (ուկրաիներեն). Արխիվացված է օրիգինալից (PDF) 2012 թ․ մայիսի 15-ին. Վերցված է 2011 թ․ օգոստոսի 5–ին-ին.