Ուիլյամ Հենրի Մարգեթսոն
Ուիլյամ Հենրի Մարգեթսոն | |
|---|---|
| Ծնվել է | դեկտեմբերի 1, 1861[1] |
| Ծննդավայր | Denmark Hill[2] |
| Վախճանվել է | հունվարի 2, 1940[2][3] (78 տարեկան) |
| Մահվան վայր | Ուոլինգֆորդ, Հարավային Օքսֆորդշիր, Օքսֆորդշիր, Անգլիա, Միացյալ Թագավորություն |
| Քաղաքացիություն | .svg){kind=small} Միացյալ Թագավորություն |
| Կրթություն | Արվեստի արքայական քոլեջ և Դալվիչ Քոլեջ |
| Մասնագիտություն | նկարիչ, նկարազարդող և ջրանկարիչ |
| Ամուսին | Հելեն Հովարդ Հաթթոն[4] |
| Զավակներ | Hester Margetson? |
 William Henry Margetson Վիքիպահեստում | |
Ուիլյամ Հենրի Մարգեթսոն (անգլ.՝ William Henry Margetson, դեկտեմբերի 1, 1861[1], Denmark Hill[2] - հունվարի 2, 1940[2][3], Ուոլինգֆորդ, Հարավային Օքսֆորդշիր, Օքսֆորդշիր, Անգլիա, Միացյալ Թագավորություն), անգլիացի նկարիչ ու պատկերազարդող[5], որը հատկապես հայտնի է կանացի գեղագիտական դիմանկարներով։
Կյանք և աշխատանք[խմբագրել | խմբագրել կոդը]
Ծնվել է Լոնդոնում, կրթություն ստացել Դալիչի քոլեջում, այնուհետև Արվեստների թագավորական քոլեջում ու Գեղարվեստի թագավորական ակադեմիայում։ 1885 թվականին առաջին անգամ ցուցադրվել է թագավորական ակադեմիայում, հետագայում նաև բրիտանացի նկարիչների թագավորական ընկերությունում, յուղանկարիչների թագավորական ինստիտուտում ու Գրոսվենոր պատկերասրահում։
Մարգեթսոնը նկարել է յուղաներկով և ջրաներկով ու իր համար անուն ստեղծել ժամանակակից վարսահարդարում ու գլխարկներ կրող գեղեցիկ կանանց դիմանկարներով։ Ստեղծել է նաև կրոնական և այլաբանական թեմաներով աշխատանքներ։ Սկզբում աշխատել է ակադեմիական, Վիկտորյական ոճով, հետագայում օգտագործել պոստիմպրեսիոնիզմին ու պրեռաֆայելիտներին բնորոշ թեթև վրձնահարվածներ՝ հատկապես ոգեշնչվելով Լոուրենս Ալմա-Թադեմայից։ Ամենահաջողված նկարներից է «Ծովն ունի իր մարգարիտները» կտավը, որը նա ցուցադրել է 1897 թվականին Թագավորական ակադեմիայում․ այժմ գտնվում է Ավստրալիայում, Նոր Հարավային Ուելսի պատկերասրահում։
Ալֆրեդ Թեննիսոնի դիմանկարը գտնվում է Լոնդոնի Դիմանկարների ազգային պատկերասրահում։
Աշխատել է նաև որպես գրքեր պատկերազարդող։ Ամուսնացել է նկարչուհի Հելեն Հաթթոնի հետ, որի հետ ծանոթացել է պատկերազարդման նախագծի վրա աշխատելիս։ Սկզբում ապրել ու աշխատել է Լոնդոնում, Հետագայում՝ Բլուբերիում ու Ուոլինգֆորդում։ Մահացել է Օքսֆորդշիրի Ուոլինգֆորդ քաղաքում 1940 թվականին, 78 տարեկան հասակում։
Պատկերասրահ[խմբագրել | խմբագրել կոդը]
-
Ծովն ունի իր մարգարիտները -
Ծովեզր -
Ամառային երեկո -
Պոսեյդոնի սիրուհին ափի վրա -
Քոթեջի դռան մոտ -
Նոր օր -
Կար -
Աղջիկն ամբարտակի մոտ -
Մոխրոտիկն ու կախարդ կնքամայրը -
Հավատ -
Թալիսման -
Նորա -
Լորդ Ալֆրեդ Թենիսոն -
Հելեն Հաթթոն
Ծանոթագրություններ[խմբագրել | խմբագրել կոդը]
- ↑ 1,0 1,1 RKDartists (նիդերլ.)
- ↑ 2,0 2,1 2,2 2,3 2,4 2,5 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 3,0 3,1 3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Union List of Artist Names — 2008.
- ↑ «William Henry Margetson | artnet». www.artnet.com. Վերցված է 2020 թ․ հուլիսի 21-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Ուիլյամ Հենրի Մարգեթսոն» հոդվածին։ |
| ||||||||||||
