Jump to content

Ուեսեքսի կոմս Ջեյմս

Վիքիպեդիայից՝ ազատ հանրագիտարանից
Ուեսեքսի կոմս Ջեյմս
անգլ.՝ James Mountbatten-Windsor, Earl of Wessex
Դիմանկար
Ծնվել էդեկտեմբերի 17, 2007(2007-12-17)[1] (17 տարեկան)
ԾննդավայրFrimley, Surrey Heath, Սըրրի, Հարավարևելյան Անգլիա, Անգլիա, Միացյալ Թագավորություն
Քաղաքացիություն Միացյալ Թագավորություն
Մայրենի լեզուբրիտանական անգլերեն
ԿրոնԱնգլիկան եկեղեցի
ԿրթությունSt George's School, Windsor Castle?, Eagle House School? և Radley College?
Մասնագիտությունազնվական և աշակերտ
Ծնողներհայր՝ Ուելսի կոմս Էդվարդ[1][2], մայր՝ Sophie, Duchess of Edinburgh?[1][2]
Զբաղեցրած պաշտոններheir apparent?
 James, Viscount Severn Վիքիպահեստում

Ջեյմս Ալեքսանդր Ֆիլիպ Թեո Մաունթբաթեն-Վինձոր, Ուեսեքսի կոմս (անգլ.՝ James Alexander Philip Theo Mountbatten-Windsor, Earl of Wessex, դեկտեմբերի 17, 2007(2007-12-17)[1], Frimley, Surrey Heath, Սըրրի, Հարավարևելյան Անգլիա, Անգլիա, Միացյալ Թագավորություն), 2007-2023 թվականներին Սևեռնի վիկոնտ, Էդինբուրգի դուքս Էդուարդ արքայազնի և Էդինբուրգի դքսուհի Սոֆիի կրտսեր զավակն ու միակ որդին։ Չարլզ III թագավորի կրտսեր զարմիկը։ Ծնվել է իր հայրական տատիկի՝ Եղիսաբեթ II թագուհու գահակալության տարիներին, այդ ժամանակ բրիտանական գահի ժառանգորդների շարքում եղել է 8-րդը։ Ներկայումս 16-րդն է։

Մանկություն

[խմբագրել | խմբագրել կոդը]

Ջեյմսը ծնվել է 2007 թվականի դեկտեմբերի 17-ին, Սուրեյի Ֆրիմլի Պարկ հիվանդանոցում՝ կեսարյան հատման միջոցով[3][4]։ Նրա հայրը՝ Էդինբուրգի դուքս արքայազն Էդվարդը, Եղիսաբեթ II թագուհու և Էդինբուրգի դուքս արքայազն Ֆիլիպի կրտսեր զավակն էր։ Նրա մայրը՝ Սոֆին, Էդինբուրգի դքսուհին, աշխատել է հասարակայնության հետ կապերի ոլորտում, նախքան 1999 թվականին ամուսնության միջոցով թագավորական ընտանիքի անդամ դառնալը։ Նրա լրիվ անունը՝ Ջեյմս Ալեքսանդր Ֆիլիպ Թեո, հայտարարվել է դեկտեմբերի 21-ին[5]։ Ունի ավագ քույր՝ Լուիզը[6]։

Ջեյմսը մկրտվել է 2008 թվականի ապրիլի 19-ին Վինձորի ամրոցի մասնավոր մատուռում[7], արարողությանը ներկա են գտնվել նրա մկրտության հոգևոր հայրերն ու մայրերը՝ Ալասթեր Բրյուսը, Դանկան Բուլիվանտը, Թոմաս Հիլը, Դենիզ Պուլթոնը և Ջինի Իրվինը, ինչպես նաև նրա հորական տատիկն ու պապիկը՝ Եղիսաբեթ II թագուհին և արքայազն Ֆիլիպը[8]։

Կրթություն

[խմբագրել | խմբագրել կոդը]

Ջեյմսը 2011-2021 թվականներին սովորել է Իգլ Հաուս դպրոցում, որը Բերկշիր նահանգի Սանդհերսթի մոտ գտնվող համատեղ ուսուցման նախապատրաստական դպրոց է, այնուհետև շարունակել է ուսումը Օքսֆորդշիրի մասնավոր Ռադլի քոլեջում[9]։

Պաշտոնական ներկայություններ

[խմբագրել | խմբագրել կոդը]

Ջեյմսն առաջին անգամ պաշտոնապես ներկայացել է Թագավորական ընտանիքի կառքերի երթի՝ Լոնդոնում ամեն տարի անցկացվող Դրոշի զորահանդեսում (Trooping the Colour) 2016 թվականի արարողության ժամանակ[10]: Այդ արարողությանը կրկին մասնակցել է 2022 թվականին[11]։

2020 թվականի սեպտեմբերին Հեմփշիրի Սաութսի լողափի «Մեծ բրիտանական լողափի մաքրման» ծրագրի ժամանակ միացել է իր ծնողներին օգնելու՝ ի աջակցություն Ծովային պահպանության ընկերության[12][13]։

2022 թվականի մարտի 29-ին իր պապիկի՝ արքայազն Ֆիլիպի հիշատակին նվիրված շնորհակալության պատարագից հետո Ջեյմսը մասնակցել է Եղիսաբեթ II թագուհու պլատինե հոբելյանի շրջանակում կազմակերպված Ազգային շնորհակալության ծառայության մատուցմանը[14][15]։

2022 թվականի սեպտեմբերի 17-ին, իր տատիկի՝ Եղիսաբեթ II թագուհու պաշտոնական սգի օրերին, Ջեյմսը միացել է իր քույր Լուիզին և վեց զարմիկներին՝ Վեսթմինսթերյան դահլիճում պետական սգի ժամանակ թագուհու դագաղի շուրջ 15 րոպեանոց պատիվ կանգնելու համար[16]։ Սեպտեմբերի 19-ին մասնակցել է թագավորական ընտանիքի մյուս անդամների հետ միասին Եղիսաբեթ II թագուհու պետական հուղարկավորությանը[17]։

2023 թվականի մայիսի 6-ին Ջեյմսը, որն այդ ժամանակ ուներ Ուեսեքսի կոմսի տիտղոսը, մասնակցել է իր հորեղբոր՝ Չարլզ III-ի թագադրմանը Վեստմինստերյան աբբայությունում։ Հաջորդ օրը մասնակցել է Վինձորի ամրոցում կայացած թագադրման համերգին[18]։

2024 թվականի մարտի 31-ին Ջեյմսն իր մայրիկի և հայրիկի ուղեկցությամբ մասնակցել է Զատկի առավոտյան պատարագին՝ Սուրբ Գեորգի մատուռում, որը գտնվում է Վինձորի ամրոցում։ Եղել է թագավորական ընտանիքի կրտսեր սերնդի միակ ներկայացուցիչը, որը ներկա է եղել այդ արարողությանը[19]։

Տիտղոսներ և պարգևներ

[խմբագրել | խմբագրել կոդը]

Ջեյմսն ունի Սևեռնի վիկոնտ տիտղոս, որը գալիս է Սոֆիի ընտանիքի ուելսյան ծագումից[20]։ Ջեյմսին այս պատվավոր տիտղոսը շնորհվել է ծննդյան պահին՝ որպես իր հոր կոմսության օրինական ժառանգորդ[21]։

Ծննդյան պահից Ջեյմսը ավտոմատ կերպով դարձել է Միացյալ Թագավորության արքայազն (Ուեսեքսի արքայազն Ջեյմս, այժմ՝ Էդինբուրգի արքայազն Ջեյմս)՝ 1917 թվականին տրված նամակի արտոնագրի շնորհիվ, որը արքայազնի կարգավիճակ և Թագավորական մեծության կոչում է շնորհում միապետի արական սեռի բոլոր թոռներին[22]։ Սակայն, երբ նրա ծնողներն ամուսնացել են, Բուքինգհեմյան պալատը հայտարարել է, որ իրենց երեխաները կկոչվեն կոմսի երեխաներ, այլ ոչ թե արքայազն կամ արքայադուստր։ 2020 թվականին Ջեյմսի մայրը վերահաստատել է, որ Ջեյմսը և նրա քույրը պահպանում են իրենց թագավորական տիտղոսների և կոչումների իրավունքը[23]։

2023 թվականի մարտին հոր՝ Էդինբուրգի դուքսի կոչում ստանալուց հետո, Ջեյմսին, քաղաքավարությունից ելնելով, շնորհվել է Ուեսեքսի կոմս տիտղոսը, ինչը դարձել է ընտանիքը մատնանշող գլխավոր լրացնող տիտղոս[24][25]։ Էդինբուրգի դուքս տիտղոսը, որը ստեղծվել է որպես ցմահ ազնվականի տիտղոս, կդադարի գործել հոր մահից հետո, բայց Ջեյմսը կժառանգի հոր ժառանգական ազնվական տիտղոսները՝ Ուեսեքսի կոմս, Ֆորֆարի կոմս և Սևերնի վիկոնտ տիտղոսները[26]:

2008 թվականի հունիսին, արքայազն Էդվարդի՝ Կանադայի Մանիտոբա նահանգ կատարած այցի առթիվ, նահանգի հյուսիսում գտնվող լիճը կոչվել է Ջեյմսի լիճ[27]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 1,5 1,6 Lundy D. R. The Peerage
  2. ↑ 2,0 2,1 2,2 2,3 2,4 Kindred Britain
  3. ↑ Coke, Hope (2023 թ․ մայիսի 6). «Who is the new Earl of Wessex? James joins Prince Edward and the Duchess of Edinburgh at Westminster Abbey». tatler.com. Վերցված է 2023 թ․ մայիսի 18-ին.
  4. ↑ «Countess gives birth to baby boy». BBC News. 2007 թ․ դեկտեմբերի 17.
  5. ↑ «Edward and Sophie name baby James». BBC News. 2007 թ․ դեկտեմբերի 21.
  6. ↑ Coke, Hope (2021 թ․ փետրվարի 12). «Meet James, Earl of Wessex, son of Prince Edward and Sophie, Duchess of Edinburgh as he towers over the royals on Easter Sunday». Tatler.
  7. ↑ «Who is the new Earl of Wessex? James joins Prince Edward and the Duchess of Edinburgh at Westminster Abbey». Tatler. 2021 թ․ փետրվարի 12.
  8. ↑ «Queen sees grandson's christening». BBC News. 2008 թ․ ապրիլի 19.
  9. ↑ Russell, Rebecca (2024 թ․ մարտի 2). «Reason James Wessex 'won't work for the Firm' – and who will inspire him». OK! Magazine.
  10. ↑ «Trooping the colour on the Queen's 90th birthday – in pictures». The Guardian. 2016 թ․ հունիսի 11. Վերցված է 2024 թ․ հունվարի 22-ին.
  11. ↑ «Here's Everyone Who Was on the Buckingham Palace Balcony at Trooping the Colour». BuzzFeed News. 2022 թ․ հունիսի 2.
  12. ↑ Rice, Francesca (2020 թ․ սեպտեմբերի 21). «The Countess of Wessex looks cool and casual in jeans to litter-pick at the beach with her family». Good Housekeeping. Վերցված է 2020 թ․ նոյեմբերի 16-ին.
  13. ↑ «Prince Edward and family spend sunny weekend on beach clean». Tatler. 2020 թ․ սեպտեմբերի 21. Վերցված է 2020 թ․ նոյեմբերի 16-ին.
  14. ↑ Hughes, Seren (2022 թ․ հունիսի 2). «Royal fans can't believe how grown up the Queen's youngest grandson looks». MyLondon.
  15. ↑ «Who was at the Queen's Jubilee service of thanksgiving? Royal family joined by Harry, Meghan and politicians past and present». Sky News.
  16. ↑ McCrum, Kirstie (2022 թ․ սեպտեմբերի 17). «Queen's grandchildren stand solemn vigil in Westminster Hall». WalesOnline. Վերցված է 2022 թ․ սեպտեմբերի 17-ին.
  17. ↑ «Queen's youngest grandchild James Viscount Severn, 14, attends funeral with sister». The Independent. 2022 թ․ սեպտեմբերի 19.
  18. ↑ «The Coronation of TM The King and Queen Camilla». BBC. Վերցված է 2023 թ․ մայիսի 8-ին.
  19. ↑ «The Best Photos of the British Royal Family on Easter 2024». Town & Country. 2024 թ․ մարտի 31.
  20. ↑ «Wessex titles for Edward and Sophie». BBC News. 1999 թ․ հունիսի 19. Վերցված է 2011 թ․ մայիսի 3-ին.
  21. ↑ «Burke's Peerage». burkespeerage.com.
  22. ↑ «Royal Styles and Titles of Great Britain: Documents». www.heraldica.org. Վերցված է 2023 թ․ ապրիլի 25-ին.
  23. ↑ «Queen Elizabeth's Grandchildren Will 'Work for a Living' and Won't Use HRH, Says Mom Sophie Wessex». People. Վերցված է 2020 թ․ հունիսի 9-ին.
  24. ↑ «Prince Edward given Duke of Edinburgh title previously held by his father Prince Philip». Sky News (անգլերեն). Վերցված է 2023 թ․ մարտի 10-ին.
  25. ↑ Davies, Caroline (2023 թ․ մարտի 10). «King Charles gives Prince Edward 'Duke of Edinburgh' title». The Guardian. ISSN 0261-3077. Վերցված է 2023 թ․ մարտի 10-ին.
  26. ↑ Tominey, Camilla (2023 թ․ մարտի 10). «Prince Edward may have the Duke of Edinburgh title – but getting it wasn't easy». The Telegraph. Վերցված է 2023 թ․ մարտի 10-ին.
  27. ↑ «Prince Edward begins Winnipeg visit». The Vancouver Sun. Canada. 2008 թ․ հունիսի 2. Արխիվացված է օրիգինալից 2011 թ․ ապրիլի 15-ին. Վերցված է 2010 թ․ մարտի 30-ին.
Վիքիպահեստն ունի նյութեր, որոնք վերաբերում են «Ուեսեքսի կոմս Ջեյմս» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Ուեսեքսի_կոմս_Ջեյմս&oldid=10416934» էջից