Ուեյման Ադամս

Վիքիպեդիայից՝ ազատ հանրագիտարանից
Jump to navigation Jump to search
Ուեյման Ադամս
Ուեյման Ադամս.jpg
Ծնվել էսեպտեմբերի 23, 1883(1883-09-23)[1][2]
ԾննդավայրԱմերիկայի Միացյալ Նահանգներ Ինդիանա նահանգ, ք. Մանսի, ԱՄՆ
Վախճանվել էապրիլի 8, 1959(1959-04-08)[1] (75 տարեկանում)
Մահվան վայրՕստին, ԱՄՆ
ՔաղաքացիությունԱՄՆ
ԿրթությունHerron School of Art and Design
ՄասնագիտությունՆկարիչ
ԺանրԴիմանկարչություն
ԱնդամակցությունԱրվեստի և գրականության ամերիկյան ակադեմիա
Wayman Elbridge Adams Վիքիպահեստում

Ուեյման Ադամս (անգլ.՝ Wayman Elbridge Adams, 1883, սեպտեմբերի 23, ԱՄՆ Ինդիանա նահանգի Մանսի քաղաք — 1959[3], ԱՄՆ, Տեխաս, Օսթին քաղաք), ամերիկացի նկարիչ։

Կենսագրություն[խմբագրել | խմբագրել կոդը]

Ծնվել է 1883 թվականի սեպտեմբերի 23-ին, ԱՄՆԻնդիանա նահանգի Մանսի քաղաքում։

Վաղ տարիքում հետաքրքրվել է նկարչությամբ: Սովորել է Ինդիանապոլիսի «Herron School of Art and Design դպրոցում»: Այնուհետև շարունակել է իր ուսումը Ֆլորենցիայում՝ նկարիչ Ուիլյամ Չեյզայի ղեկավարությամբ։

Աշխատելով որպես նկարիչ՝ Ադամսը շատ է ճանապարհորդել։ Որոշ ժամանակ ապրել և աշխատել է Նյու Յորքում, ինչպես նաև Կալիֆոռնիայում։

Ուեյման Ադամսի աշխատանքը — Hoosier Group խմբի նկարիչները

Հայտնի է դարձել Միացյալ Նահանգների նկարիչների շրջանում հայտնի մարդկանց ոճային դիմանկարների ստեղծման շնորհիվ, որոնց թվում էին նաև քաղաքական ղեկավարները։ Իր արագ դիմանկարային գեղանկարչության շնորհիվ՝ նկարիչների և ուսուցիչների շրջանում ստացել է «Կայծակ» մականունը։ Նրա աշխատանքները հաճախ ավարտվում էին մեկ անգամ նստելուց հետո։

Նկարչի կարիերան ծաղկում էր, իսկ հայտնի մարդկանց նոր դիմանկարները նոր հայտնիություն էին բերում նրան։

Ադամսը պահպանել է բարեկամական հարաբերություններ հայտնի ամերիկյան նկարիչ իմպերսիոնիստ Ֆրենսիս Բրաունի հետ, ով նույնպես սովորել է «Herron School of Art and Design» դպրոցում։ Ավելի ուշ Ադամսը ստեղծել է Բրաունիի գունեղ դիմանկարը։

Մահացել է 1959 թվականին ԱՄՆՏեխաս նահանգի Օսթին քաղաքում։ Թաղվել է «Oakwood Cemetery» գերեզմանոցում[4]: Ունեցել է կին՝ Մարգարետ Բորուղս Ադամսը (1882-1965)[5], որդի՝ Ուեյման Ս. Ադամս (1924-1981)։

Nuvola apps kview.png Արտաքին մեդիաֆայլեր

Ծանոթագրություններ[խմբագրել | խմբագրել կոդը]

  1. 1,0 1,1 RKDartists
  2. SNAC — 2010.
  3. Opitz, Editor Glenn B. (1987)։ Mantle Fielding's Dictionary of american Painters, Sculptors & Engravers։ Poughkeepsie, NY: Apollo Book։ էջ 1047։ ISBN 0-938290-04-5 
  4. Wayman Adams (անգլ.)
  5. Margaret B. Boroughs Adams (անգլ.)

Արտաքին հղումներ[խմբագրել | խմբագրել կոդը]