Որոտնավան
(Վերահղված է Որոտան (Սիսիանի շրջան)ից)
Jump to navigation
Jump to search
Անվան այլ կիրառումների համար տե՛ս՝ Որոտան (այլ կիրառումներ)
Չշփոթել Որոտան (գյուղ, Սյունիքի մարզ) հոդվածի հետ։
| Գյուղ | ||
|---|---|---|
| Որոտնավան | ||
 | ||
| Երկիր |  Հայաստան | |
| Մարզ | Սյունիքի | |
| Գյուղապետ | Սերյոժա Ամիրխանյան | |
| Մակերես | 18,24 կմ² | |
| ԲԾՄ | 1450 մ | |
| Պաշտոնական լեզու | Հայերեն | |
| Բնակչություն | 263[1] մարդ (2011) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | որոտանցի | |
| Ժամային գոտի | UTC+4 | |
| ||
Որոտնավան (Նախկին անվանումները՝ Որոտան, Ուռուտ), գյուղ Հայաստանի Հանրապետության Սյունիքի մարզում։ Գտնվում է Սիսիան քաղաքից մոտ 8 կմ հարավ-արևելք, Որոտան գետի բարձրադիր ձախ ափին, ծովի մակարդակից 1360-1460 մ բարձրության վրա։ Հեռավորությունը Կապան մարզկենտրոնից ճանապարհով կազմում է մոտ 103 կմ։ Բնակչոթյունը` 263 մարդ (2011)[1], հայեր։
Նախկինում Ուռուտ անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից` Սիսիանի շրջանի։ Վերանվանվել է Որոտան 1968 թ. հուլիսի 3-ին։ 1995 թվականից մտնում է ՀՀ Սյունիքի մարզի մեջ։ Վերանվանվել է Որոտնավան 2017 թ. հունիսի 9-ին։
Պատմություն[խմբագրել | խմբագրել կոդը]
Գյուղն եղել է Մեծ Հայքի Ծղուկք գավառի մաս։ Գյուղի դիմաց գտնվում են պատմական Որոտն գյուղի ավերակները, ինչպես նաև միջնադարյան գերեզմանատուն, որտեղից 3 խաչքար բերվել է պատմության թանգարան։ Որոտանի շրջակայքում է գտնվում Որոտնաբերդը, որի մասին հիշատակումներ են պահպանվել պատմիչ Եղիշեի և Ստեփանոս Օրբելյանի թողած գրականություններում։ Բերդը հիշատակվում է նաև XVIII դարում։ Որոտնաբերդը պատկանել է Սյունաց արքա Սենիքերիմ I-ին։ Սյունիքում կատարված ազգային-ազատագրական շարժման ժամանակ բերդը Մելիք Բաշրից ազատագրում է Դավիթ Բեկը։ Գյուղի ներքին մասում է գտնվում ոչ պակաս նշանավոր Մելիք–Թանգու կամուրջը՝ կառուցված 1855 թ.։
Բնակչություն[խմբագրել | խմբագրել կոդը]
Ըստ ՀՀ 2011 թ. մարդահամարի արդյունքների` Որոտնավանի մշտական բնակչությունը կազմել է 263, առկա բնակչությունը` 218 մարդ[1]։ Մինչև 1988-1989 թթ. գյուղում բնակվել են հիմնականում ադրբեջանցիներ[2], որոնց հեռանալուց հետո բնակություն են հաստատել Ադրբեջանից բռնագաղթած 85 տուն (292 անձ) հայեր[3]։ Որոտնավանի բնակչության փոփոխությունը ժամանակի ընթացքում` ստորև[2][3].
| Տարի | 1831 | 1873 | 1897 | 1926 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|---|
| Բնակիչ | 11 | 222 | 359 | 263 | 623 | 609 | 663 | 162 | 283[4] | 263[1] |
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Էջը Սյունիքի մարզպետարանի կայքում Archived 2012-04-12 at the Wayback Machine.
- Համայնքի ղեկավարի Էջը Սյունիքի մարզպետարանի կայքում Archived 2014-01-29 at the Wayback Machine.
| ||||||||||||||