Ոզնիներ (հուշարձան)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Ոզնիներ
Противотанковые ежи 1 (Химки).png
'
Կոորդինատներ55°54′26″ հս․ լ. 37°24′37″ ավ. ե. / 55.90722° հս․. լ. 37.41028° ավ. ե. / 55.90722; 37.41028Կոորդինատներ: 55°54′26″ հս․ լ. 37°24′37″ ավ. ե. / 55.90722° հս․. լ. 37.41028° ավ. ե. / 55.90722; 37.41028
Գտնվում էԽիմկի շրջան (Մոսկվայի մարզ)
Կառուցվել է1966
Շինության ձևըհուշարձան
ՇինարարԱլեքսանդր Ագաֆոնով, Ի. Երմիշին, Ա. Միխե, Կ. Միխայլով
Ներկա վիճակըկանգուն

Ոզնին(կամ Հակատանկային ոզնիներ, ռուս.՝ Ежи́, Противота́нковые ежи́), հուշարձան, որ տեղադրվել է 1966 թվականին Մոսկվայի մարզի Խիմկի շրջանում՝ Լենինգրադյան խճուղու 23-րդ կիլոմետրի վրա (Մոսկվայի մուտքի մոտ)։

Պատմություն[խմբագրել | խմբագրել կոդը]

«Ոզնիներ» հուշարձանը հանդիսավոր կերպով բացվել է 1966 թվականի դեկտեմբերի 6-ին Մոսկվայի մարզի Խիմկի շրջանում՝ Լենինգրադյան խճուղու 23-րդ կիլոմետրի վրա[1]։ Որպես բացման ամսաթիվ ընտրվել է այն օրը, երբ քսանհինգ տարի առաջ գերմանացիները ջախջախվել են Խիմկիի մոտ[2]։ Կոմպոզիցիան տեղակայված է այն վայրում, որտեղ 1941 թվականին հակահարված է տրվել գերմանական հարձակմանը[3][4]։ Նախքան հուշարձանի տեղադրումը կոմերիտականներն ավելի քան երեք ամիս անցկացրել են նախապատրաստական աշխատանքներ. ցամաքեցրել են ճահճոտ տեղանքը, տեղադրել ցցագերաններ[4]։ Ճարտարապետներ Ալեքսանդր Ագաֆոնովի, Ի. Երմիշինի, Ա. Միխեի և ինժեներ Կ. Միխայլովի աշխատանքը, որ կառուցվել է երեք տարբեր նյութերից՝ երկաթից, քարից և երկաթբետոնից[5], տեղադրվել է երախտապարտ հետնորդների կողմից ի հիշատակ ժողովրդական դիմադրության չորս մոսկովյան և Իվանովո-Վոզնեսենսկի մեկ դիվիզիաների, որոնք 1941 թվականի աշնանը պաշտպանել են Արևմտյան ռազմաճակատի սահմանները, եթե հանկարծ պաշտպանությունը ճեղքվեր[4]։

2011 թվականին ավարտվել է հուշարձանի համալիր վերանորոգումը[2]։ Դրանից առաջ վերականգնողական և պրոֆիլակտիկ աշխատանքներ էին անցկացվել 2003 և 2005 թվականներին[6]։

Ի նշանավորումն Հայրենական մեծ պատերազմում տարված հաղթանակի 70-ամյակի՝ 2015 թվականի մայիսին ռուս մասնագետները հուշարձանի վրա տեղադրել են 3D-լուսավորում[5][7]։ Վառ կարմիր և սպիտակ լույսի ճառագայթների շնորհիվ, որ գալիս են «Շերեմետևո» օդանավակայանից, մայրաքաղաքից կարելի է հեռվից տեսնել հուշարձանն ու նրա մոտ գտնվող կոթողը[5]։

Խիմկիի վարչության ղեկավար Վլադիմիր Սլեպցովը հուշարձանի վերանորոգման վերաբերյալ ասել է.

Aquote1.png Հուշարձանի նորոգումն արտակարգ կարևոր է. դա հիշատակ է, որը մենք պետք է պահպանենք ու հարգենք։ «Ոզնիները» Խիմկիի, Մերձմոսկվայի, Մոսկվայի ու Ռուսաստանի այցեքարտն է։ Այսօր Հայրենական հաղթանակի այդ խորհրդանիշը դարձել է ավելի հանդիսավոր ու հսկայական[7]։ Aquote2.png


Նկարագրություն[խմբագրել | խմբագրել կոդը]

Հուշարձանային կոմպոզիցիան կազմված է երեք մասից։ Կենտրոնում տեղադրված են վեց մետրանոց (ըստ որոշ տվյալների՝ տասը մետրանոց[2]) երեք հակատանկային ոզնիներ, որոնք պատերազմի տարիներին ծառայել են որպես ապահով պաշտպանություն գերմանական զրահատանկային զորամասերի՝ Մոսկվայի տարածք ներխուժելու դեմ[3][4]։ «Ոզնիների» դիմաց տեղադրվել է քարե սալ՝ գունավոր ապակուց ու կերամիկայից պատրաստված մայրաքաղաքի պաշտպանության քարտեզով[4] և գրությամբ.

«Վերջին ժամին։ Գերմանական զորքերի պարտությունը Մոսկվայի մոտ։ ...1941 թվականի դեկտեմբերի 6-ին մեր արևմտյան ռազմաճակատի զորքերը, ուժասպառ անելով թշնամուն նախորդող մարտերում, անցել են հակահարձակման նրա թևային խմբավորումների դեմ։ Սկսված հարձակման արդյունքում այդ երկու խմբավորումները ջախջախվել են, և շուտափույթ հեռացել՝ թողնելով տեխնիկան, զենքը և կրելով հսկայական կորուստներ... Սովինֆորմբյուրո, 1941 թվականի դեկտեմբեր:

Կոմպոզիցիայի անբաժանելի մասն է գրանիտե բարձր կոթողը, որ պատկերում է երկիրը ֆաշիստական նվաճողներից պաշտպանած զինվորներին ու բանվորներին[4]։ Հուշապատի վրա նշված են հուշարձանի հեղինակների անունները և կա գրություն. «Եվ թշնամին երբեք չի հասնի նրան, որ խոնարհվի քո գլուխը» (ռուս.՝ «…И врагу никогда не добиться, чтоб склонилась твоя голова…»)[2]։

Ծանոթագրություններ[խմբագրել | խմբագրել կոդը]

  1. «Противотанковые ежи — легендарное оружие времен Великой Отечественной Войны 1941-1945 гг.»։ 1941-1945.ru։ Վերցված է 2015-07-30 
  2. 2,0 2,1 2,2 2,3 «МОНУМЕНТ ЗАЩИТНИКАМ МОСКВЫ «ЕЖИ»»։ Культура.РФ։ Վերցված է 2015-07-30 
  3. 3,0 3,1 ««Монумент Ежи»»։ Каталог для путешественника himki.i-vt.ru։ Արխիվացված է օրիգինալից 2016-03-04-ին։ Վերցված է 2015-07-30 
  4. 4,0 4,1 4,2 4,3 4,4 4,5 «Памятник «Противотанковые ежи»»։ Արխիվացված է օրիգինալից 2015-08-11-ին։ Վերցված է 2015-07-30 
  5. 5,0 5,1 5,2 5,3 «"Противотанковые ежи" на Ленинградском шоссе украсят 3D-подсветкой»։ Мосгуберния.ru։ Արխիվացված է օրիգինալից 2016-03-04-ին։ Վերցված է 2015-07-30 
  6. «Мемориал памятника защитникам г. Москвы – “Ежи”»։ ВИОЛе-М։ Արխիվացված է օրիգինալից 2016-03-04-ին։ Վերցված է 2015-07-30 
  7. 7,0 7,1 «Монумент «Ежи» в Химках засиял новыми красками»։ zelenograd24.ru։ Վերցված է 2015-07-30