Շրութի Հասան

Վիքիպեդիայից՝ ազատ հանրագիտարանից
Jump to navigation Jump to search
Շրութի Հասան
Shruti Haasan grace the Carzonrent-Gabbar Is Back Meet & Greet,2015.jpg
Ծննդյան թիվ՝հունվարի 28, 1986(1986-01-28)[1] (35 տարեկան)
Ծննդավայր՝Չեննայ, Հնդկաստան
Քաղաքացիություն՝Flag of India.svg Հնդկաստան
Մասնագիտություն՝դերասանուհի, երգչուհի, կոմպոզիտոր և մոդել
IMDb։ID 1599046
theshrutihaasan.in

Շրութի Հասան (անգլ.՝ Shruti Haasan, հունվարի 28, 1986(1986-01-28)[1], Չեննայ, Հնդկաստան), հնդիկ կինոդերասանուհի, երգչուհի և կոպոզիտոր։ Հայտնի դերասան Քամալ Հասանի դուստրն է, առաջին անգամ էկրանին հայտնվել է հոր «Ժամանակի շունչ» ֆիլմում։ Առավել մեծ հաջողության հասել է Թոլիվուդում։ Արժանացել է «Filmfare South» մրցանակի լավագույն նորամուտի և տելուգու լեզվով ֆիլմում կնոջ լավագույն դերակատարման համար։

Կենսագրություն[խմբագրել | խմբագրել կոդը]

Շրութի Հասանը ծնվել է 1986 թվականի հունվարի 28-ին Թամիլ Նադու նահանգի մայրաքաղաք Մադրասում (այժմ՝ Չեննայ)։ Նա կիսով չափով թամիլուհի է, քառորդով՝ մարատհի և քառորդով՝ ռաջփութ[2]։ Նրա ծնողներն են թամիլացի հայտնի դերասան Քամալ Հասանն ու Բոլիվուդյան դերասանուհի Սարիկան, որոնք ամուսնացել են Շրութիի ծնունդից հետո։ 1991 թվականին նրանց ընտանիքում ծնվել է ևս մեկ դուստր՝ Աքշարա Հասանը։ 2002 թվականին Շրութի Հասանի ծնողները ամուսնալուծության հայց են ներկայացրել, որն ավարտվել է 2004 թվականին[3][4]։

Շրութին սովորել է «Abacus» դպրոցում, որը հիմնված է Մոնտեսսորիի մանկավարժության վրա, իսկ 10-րդ դասարանից հետո տեղափոխվել է Մումբայի Սուրբ Անդրեասի քոլեջ, որտեղ սկսել է սովորել հոգեբանություն[5]։ 18 տարեկանում նա տեղափոխվել է Ամերիկա, որտեղ մասնակցել է դասընթացների Musicians Institute-ում[5][6]։

Գործունեություն[խմբագրել | խմբագրել կոդը]

Դեբյուտ և առաջին տարիներ[խմբագրել | խմբագրել կոդը]

Որպես կինեմատոգրաֆիստների դուստր` Շրութին մանկուց կապված է եղել կինոյի աշխարհի հետ և արդեն 6 տարեկանում դուետով հանդես է եկել Շիվաջի Գանեսանի հետ թամիլական «Thevar Magan» ֆիլմի համար, որտեղ նկարահանվել է նրա հայրը՝ Քամալ Հասանը[7]։ Նա նաև երգել է հինդի լեզվով՝ «Մորաքույր 420» (1997) և «Ժամանակի շունչ» (2000) ֆիլմերի համար[8]։ Վերջինում նա առաջին անգամ հայտնվել է էկրանին՝ խաղալով Վալաբհա Պատելի դստեր փոքրիկ դերը[9]։

Լինելով կինոաստղի դուստր և տեսախցիկի առջև փորձ ունեցող անձ՝ Շրութին բազմիցս դերերի առաջարկ է ստացել, սակայն հիմնականում մերժել է[10]։ Դերասանուհին պատրաստվում էր նորամուտը նշել Նիշիկանտ Քամաթայի և Մադհավանի թամիլական ֆիլմի գլխավոր դերում, բայց այն հետաձգվել է, և նրա դեբյուտը դարձել է 2009 թվականի Բոլիվուդյան թրիլլեր «Հաջողության հասնելու համար» ֆիլմը, որտեղ նրան հրավիրել է մանկության ընկեր Իմրան Խանը[10][11]։ Նաև նաև երգել է ֆիլմի համար նախատեսված երգերից մեկը[12]։ Նրա դերակատարումը գնահատող քննադատների կարծիքները կիսվել են։ «The Economy Times»-ից Գաուրան Մալանին անվանել է նրան արհեստական և ոչ տպավորիչ, իսկ «Bollywood Hungama»-ից Տարան Ադարշը՝ ֆիլմի աստղ[13][14]։ Հենց ֆիլմի հետ կապված՝ քննադատները միաձայն բացասական գնահատականներ են տվել նրան։ Վարձույթում ֆիլմը ձախողվել է, իսկ Շրութին չի համարձակվել ֆիլմում նկարահանվել ավելի քան մեկ տարի[11]։ Առաջին էական դերի ժամանակ դերասանուհին նորամուտը նշել է որպես կոմպոզիտոր «Չորեքշաբթի» ֆիլմի ռիմեյքում, որը միաժամանակ նկարահանվել է տելեգու և թամիլերեն լեզուներով։ Նա նաև ձայնագրել է երեք երգի վոկալ ֆիլմի յուրաքանչյուր տարբերակի համար։ Երաժշտական նվագակցությունն արժանացել է քննադատների գովասանքին, իսկ Պավիտրա Սրինիվանսանը բարձր է գնահատել նրա դեբյուտը[15][16][17]։

Հաջորդ տարի Շրութին երգ է ձայնագրել «Prithvi» ֆիլմի համար կաննադայով և «Hisss» ֆիլմի համար հինդիով, որոնց տեքստը գրել է ինքը[18][19]։ Նա նաև բազմաթիվ կատարողների հետ մասնակցել է «Semmozhiyaana Thamizh Mozhiyaam» ստեղծագործության ձայնագրությանը, որը դարձել է 2010 թվականի Թամիլական համաշխարհային համաժողովի հիմնը[20]։

2011 թվականի սկզբին Շրութին որպես դերասանուհի վերադարձել է էկրաններին։ Նա դեբյուտ է ունեցել Թոլիվուդում՝ Պրակաշ Կովելամուդիի «Ժամանակին կար մարտիկ» ֆիլմով։ Ֆիլմն արժանացել է քննադատների դրական գնահատականին, սակայն ձախողվել է վարձույթում[21][22]։ Նույն թվականին թողարկվել է նրա առաջին թամիլական ֆիլմը՝ ռեժիսոր Մուրուգադոսի «Յոթերորդ զգացողությունը», որտեղ նրա էկրանային գործընկերը Սուրյա Շիվակումարն է։ Ստանալով խառը արձագանքներ, որոնցում դերասանուհին կոչվում է խոստումնալից, սակայն թամիլերենին ոչ բավականաչափ տիրապետող, ֆիլմն ունեցել է առևտրային մեծ հաջողություն՝ հավաքելով 900 միլիոն ռուփի[23][24][25]։ Տարվա արդյունքներով այդ երկու դերը նրան արժանացրել է «Filmfare Awards South» մրցանակի՝ լավագույն դեբյուտի համար[26]։ Այդ տարի լույս է տեսել նաև Մադուր Բհանդարկարի հինդի լեզվով «Ի վերջո, սիրտը դեռ երեխա է» ֆիլմը, որտեղ Շրութին նկարահանվել է Աջայ Դևգանի, Էմրան Հաշմիի և Օմի Վալդայի հետ՝ խաղալով նախկին Միսս Հնդկաստանի դստեր դերը։ Դերը քննադատների շրջանում հաջողություն չի ունեցել։ Այսպես, «Daily News and Analysis» թերթից Բլես Չեթիարը նրան որակել է որպես «այնքան կեղծ, որ միայն հիասթափեցնող է»[27]։ Տարվա վերջում դերասանուհին կրկին հայտնվել է էկրանին Սիդհաթի հետ «Իմ ընկերը» մելոդրամայում, որտեղ նրանք խաղում են մանկության ընկերների դերեր, և նրանց հարաբերությունները վտանգվում են, երբ նրանք փորձում են գտնել իրենց երկրորդ կեսերին։ Նկարահանումների համար Շրութին կուչիպուդիի ոճով պարի ուսուցում է անցել[28]։ «The Times Of India» թերթում Սուրեշ Քավիրայանին գրել է նրա մասին․ «Շրութի Հասանը լավ է դիտվում էկրաններին, բայց նա դեռ պետք է սովորի ցույց տալ զգացմունքները», իսկ Ռադհիկ Ռաջամանը «Rediff.com» կայքում նշել է, որ Սիդհարթը և Շրութին «հիանալի լրացնում են միմյանց, և երկուսն էլ լավ են կատարում իրենց դերերը[29]։ Այդ զույգը երկրորդ անգամ ուղակի փայլել է էկրանին»[30]։

Այշարիա Դհանուշի՝ 2012 թվականին թողարկված թամիլերեն «Երեք» թրիլլերի շնորհիվ Շրութին ներկայացվել է «SIMAA Awards»-ի, «Vijay Awards»-ի և «Filmfare Awards South»-ի անվանակարգերում՝ լավագույն կանացի դերի համար։ Այստեղ նա խաղացել է մի աղջկա դեր, որն ամուսնու ինքնասպանությունից հետո (Դհանուշի կատարմամբ) անսպասելիորեն իմացել է, որ այդ ամբողջ ընթացքում նա տառապում էր երկբևեռ աֆեկտիվ խանգարմամբ[31][32][33]։ Այդ տարի նա նաև նկարահանվել է մեկ այլ ֆիլմում։ Ֆիլմը հիթ է դարձել, և քննադատները նշել են, որ չնայած Շրութիի դերը փոքր է, բայց նա այն հիանալի հաղթահարել է[34][35][36]։

Վերադարձ Բոլիվուդ[խմբագրել | խմբագրել կոդը]

2013 թվականին Շրութին Ռավի Թեջեյի հետ նկարահանվել է «Գոռոզ» կատակերգական մարտաֆիլմում։ Ֆիլմը լավ վաճառք է ունեցել, իսկ դերասանուհին քննադատների կողմից արժանացել է գովասանքների[37][38]։ Քննադատ Թարան Ադարշը գրել է, որ նա «խաղում է բարդ շերտավոր կերպար և հաճույքով հաղթահարում է այն», ինչպես նաև «նա արտացոլում է անմեղություն, սակայն հաջորդ րոպեին կարող է չարամիտ լինել և իր աչքերով շատ բան փոխանցել[39]։ Լավ կլինի ապագայում նրան տեսնել տարբեր դերերում»[40]։ Տարվա վերջին ֆիլմը «Դու կվերադառնաս, Ռամայա»-ն է, որտեղ նա նկարահանվել է Նանդամուրի Տարակա Ռամա Ռաոյի և Սամանթա Ռութ Պրաբխուի հետ։ «Շրութի Հասանը անակնկալ է մատուցել կրթված կնոջ իր կարճ դերով, որը պաշտպանում է իր գյուղի բնակիչների իրավունքները», գրել է «The Hindu» թերթի խմբագիր Սանգիտա Դևինը[41]։

2014 թվականի սկիզբը նշանավորվել է Վամսի Փաիդիփալիի «Ով է նա» թրեյլերի թողարկմամբ, որի գլխավոր դերում հանդես է գալիս Ռամ Չարան Տեջայի հետ։ Ֆիլմը վարձույթում վաստակել է «բլոկբասթեր» կարգավիճակը և ընդգրկվել Թոլիվուդի ամենադրամարկղային ֆիլմերի տասնյակում[42][43]։ Քննադատները հիացած չեն մնացել, իսկ Շրութիի հերոսուհին ճանաչվել է միայն ֆիլմը գեղեցկացնելու համար[44][45]։ Գարնանը վարձույթում է հայտնվել Սուրենդեր Ռեդիի «Կայտառ ձին» ֆիլմը, որտեղ դերասանուհին հանդես է եկել Ալլու Արջունի հետ զուգախաղում՝ խաղալով անզգացմունքային աղջկա դեր, որը փոխվում է՝ սիրահարվելով հերոսին։ Ինչպես և նախորդ ֆիլմը, այս ֆիլմը ևս դարձել է ամենախոշոր բլոկբասթերներից մեկը և ընդգրկվել տելուգու լեզվով 5 ամենադրամարկղային ֆիլմերի ցանկում[42][43]։ Սակայն Շրութիի դերը, քննադատների կարծիքով, կրկին նրան ազատություն չի տվել և դրդել է լավ տեսք ունենալ, ինչը նրան չի խանգարել ստանալ «Filmfare»-ի արձանիկ՝ որպես տարվա լավագույն դերասանուհի[46][47][48][49]։ Հետագայում նա հայտնվել է «Խիզախ տեսուչ» ֆիլմում որպես կամեո, հանդես է եկել «Junction Lo» երգի երաժշտական համարում, որն ինքն է կատարել[50]։ Այդ տարի նրա վերջին ելույթը եղել է ռեժիսոր Հարիի և դերասան Վիշալի հետ։

Շրութին և Ակշայ Կումարը

2015 թվականին թողարկվել է Շրութիի մասնակցությամբ վեց ֆիլմ՝ ներառյալ «Փրկիչը Ագրայից» ֆիլմը «Madamiyan» item համարում, որի նկարահանումների ժամանակ դերասանուհին հարված է ստացել ձիու սմբակից[51][52]։ Նույն ֆիլմի համար դերասանուհին նաև ձայնագրել է «Joganiyan» երգը, որը սյուժեի համաձայն կատարում է Սոնակշի Սինհան[51]։ Նրա երգած մյուս՝ «Stereophonic Sannata» երգը, հնչել է «Shamitabh» ֆիլմում, որտեղ նորամուտը նշել է նրա քույրը՝ Աքշարա Հասանը[53]։ Իսկ տարվա առաջին լիարժեք թողարկումը դերասանուհու համար դարձել է Ակշար Կումարի մասնակցությամբ «Վրեժն օրենքից դուրս է» ֆիլմը։ Սակայն նրա կերպարը չի տպավորել քննադատներին[54]։ Այնուհետև էկրան է բարձրացել թելուգու լեզվով «Մեծահոգի» ֆիլմը՝ Մահեշ Բաբուի մասնակցությամբ, որը վարձույթի առաջին շաբաթվա ընթացքում հավաքել է մոտ 100 կրոպ (1 միլիարդ ռուփի)[55][56]։ Ֆիլմի արձագանքում Սանգիտա Դևին նշել է, որ «Շրութին յուրաքանչյուր նոր ֆիլմում ավելի լավ է ներկայանում և լրջորեն կատարում իր առջև դրած խնդիրները՝ պահպանելով կողմնորոշումն իր հերոսի նկատմամբ»[57]։ Մեկ ամիս անց կայացել է «Welcome Back» բոլիվուդյան կատակերգական պրեմիերան Ջոն Աբրահամի հետ, որի համար քննադատները դերասանուհուն չափավոր գնահատական են տվել[58][59]։ Նրա նախագծերից էր մեծ բյուջե ունեցող «Քաջ մարտիկ» ֆիլմը, որի համար Շրութին և Վիջայը համատեղ ձայնագրել են «Yaendi Yaendi» երգը[60]։ Սակայն ֆիլմը չի կարողացել փոխհատուցել արտադրության ծախսերը։ Դերասանուհու համար 2015 թվականի վերջին թողարկումն էր ռեժիսոր Շիվայի «Քույրն ու եղբայրը» թամիլական մարտաֆիլմը՝ Աջիտ Կումարի հետ։ Միլան Լուտհրիան դերասանուհուն առաջարկել է նկարահանվել «Baadshaho» ֆիլմում, սակայն դերասանուհին սցենարի վերջնական տարբերակը դիտելուց հետո մերժել է[61]։

Շրութին հաջորդ տարին սկսել է Նիշիկանտա Կամատայի «Rocky Handsome» ֆիլմով, որտեղ նա հայտնվել է որպես հրավիրված աստղ՝ կատարելով գլխավոր հերոսի՝ հղի կնոջ դերը, որին սպանում են ֆլեշբեկում[62][63]։ 2017 թվականին նա նկարահանվել է «Առյուծի սիրտ 3» ֆիլմում՝ երկրորդ անգամ կիսելով էկրանը Սուրիայի հետ[64]։ Հետարտադրության մեջ է գտնվում Yaara-ն՝ ֆրանսիական «Անձեռնամխելիներ» ֆիլմի պաշտոնական ռիմեյքը, որը նախատեսված էր վարձույթի համարի թողարկել 2019 կամ 2020 թվականին[65]։ Արտադրության մեջ նրա մյուս նախագիծը «Sabaash Naidu» եռալեզու ֆիլմն է, որի ռեժիսորն է նրա հայրը՝ Քամալ Հասանը[66][67]։ Բացի այդ, Շրութին համաձայնել է կին զինվոր Սանգամիտրայի դերը ստանձնել և սկսել է նախապատրաստվել մենամարտի համար։ Սակայն Կաննի կինոփառատոնից հետո նա հրաժարվել է այդ դերից[68][69]։

Ծանոթագրություններ[խմբագրել | խմբագրել կոդը]

  1. 1,0 1,1 ČSFD (չեխերեն) — 2001.
  2. Priya Gupta (2013-05-17)։ «I get devastated at the idea of marriage: Shruti Haasan»։ The Times of India (անգլերեն)։ Վերցված է 2015-08-01 
  3. Kota Saumya (2014-01-20)։ «Love Lost in the Public Eye»։ Kota Saumya (անգլերեն)։ Վերցված է 2015-08-01 
  4. «Birthday Special: 15 filmmakers who married actresses»։ Mid Day (անգլերեն)։ Վերցված է 2015-08-01 
  5. 5,0 5,1 «Artistic Lineage…»։ Magna Magazine (անգլերեն)։ 2007-07-25։ Արխիվացված է օրիգինալից 2007-12-12-ին։ Վերցված է 2015-08-01 
  6. Chitra Prakash (2007-11-26)։ «Kamal Haasan's daughter to make film debut opposite Madhavan»։ Hindustan Times (անգլերեն)։ Վերցված է 2015-08-01 
  7. «Shruti Haasan’s special connection with Ilaiyaraaja»։ The Times of India (անգլերեն)։ 2015-01-19։ Վերցված է 2015-08-01 
  8. «Shruti Haasan to sing in Prabhu Deva's next Hindi film»։ Mid-Day (անգլերեն)։ 2012-09-11։ Վերցված է 2015-08-01 
  9. «Shruti Haasan's first big screen appearance was in Hey Ram»։ The Times of India (անգլերեն)։ 2014-08-29։ Վերցված է 2015-08-01 
  10. 10,0 10,1 Vandhana Kumar (2008-11-07)։ «Shruthi Hassan, 21 and Rocking»։ The New Indian Express (անգլերեն)։ Վերցված է 2015-08-01 
  11. 11,0 11,1 Anuradha Choudhary (2013-07-08)։ «"I'm not going to justify my friendship with Dhanush" - Shruti Haasan»։ Filmfare (անգլերեն)։ Վերցված է 2015-08-01 
  12. «Imran Khan gets Shruti Haasan to sing in 'Luck'»։ Daily News and Analysis (անգլերեն)։ 2008-10-21։ Վերցված է 2015-08-01 
  13. Gaurav Malani (2009-07-24)։ «Luck: Movie Review»։ The Economic Times (անգլերեն)։ Վերցված է 2015-08-01 
  14. Taran Adarsh (2009-07-24)։ «Luck - Hindi Movie Reviews»։ Bollywood Hungama (անգլերեն)։ Վերցված է 2015-08-01 
  15. Radhika Rajamani (2009-09-18)։ «Watch Eenadu for what it is» (անգլերեն)։ Rediff.com։ Վերցված է 2015-08-01 
  16. «Unnaipol Oruvan Movie Review»։ The Times of India (անգլերեն)։ 2009-09-21։ Վերցված է 2015-08-01 
  17. Pavithra Srinivasan (2009-09-09)։ «Shruti Haasan's rocking debut as music composer» (անգլերեն)։ Rediff.com։ Վերցված է 2015-08-01 
  18. «Shruthi Haasan records her Kannada song»։ IndiaGlitz (անգլերեն)։ 2010-03-08։ Վերցված է 2015-08-01 
  19. «Shruti sings for Mallika in Hisss»։ The Times of India (անգլերեն)։ 2010-09-27։ Վերցված է 2015-08-01 
  20. Ramya Kannan (2010-05-16)։ «I initially wondered how I was going to do it: A.R. Rahma»։ The Hindu (անգլերեն)։ Վերցված է 2015-08-01 
  21. Radhika Rajamani (2011-01-14)։ «Anaganaga O Dheerudu: A visual extravaganza» (անգլերեն)։ Rediff.com։ Վերցված է 2015-08-01 
  22. «Anushkas zero size»։ IndiaGlitz (անգլերեն)։ 2014-12-02։ Վերցված է 2015-08-01 
  23. Pavithra Srinivasan (2011-10-26)։ «Review: 7am Arivu is worth a watch» (անգլերեն)։ Rediff.com։ Վերցված է 2015-08-01 
  24. «Tamil Review: '7am Arivu' lavish but lacks focus» (անգլերեն)։ CNN-IBN։ 2011-10-30։ Վերցված է 2015-08-01 
  25. T.N. Ashok (2013-02-21)։ «Tamil films – alive and kicking»։ Madras Musings (անգլերեն)։ Վերցված է 2015-08-01 
  26. «The 59th Idea Filmfare Awards 2011(South)»։ The Times of India (անգլերեն)։ 2012-07-08։ Վերցված է 2015-08-01 
  27. Blessy Chettiar (2011-01-28)։ «Review: 'Dil Toh Baccha Hai Ji' is mostly juvenile comedy»։ Daily News and Analysis (անգլերեն)։ Վերցված է 2015-08-01 
  28. «Shruti learns Kuchipudi for next»։ The Times of India (անգլերեն)։ 2011-03-22։ Վերցված է 2015-08-01 
  29. Suresh Kavirayani (2011-11-13)։ «Oh My Friend Movie Review»։ The Times of India (անգլերեն)։ Վերցված է 2015-08-01 
  30. Radhika Rajamani (2011-11-11)։ «Review: Oh my Friend is a feel-good entertainer» (անգլերեն)։ Rediff.com։ Վերցված է 2015-08-01 
  31. Pavithra Srinivasan (2012-03-30)։ «Review: 3 is sincere and refreshing» (անգլերեն)։ Rediff.com։ Վերցված է 2015-08-01 
  32. N Venkateswaran (2012-03-31)։ «3 Movie Review»։ The Times of India (անգլերեն)։ Վերցված է 2015-08-01 
  33. L Romal M Singh (2012-03-31)։ «Review: '3' (Tamil)»։ Daily News and Analysis (անգլերեն)։ Վերցված է 2015-08-01 
  34. Elina Priyadarshini Nayak (2012-06-01)։ «Shruti Hassan enjoys Gabbar Singh effect»։ The Times of India (անգլերեն)։ Վերցված է 2015-08-01 
  35. Radhika Rajamani (2012-05-11)։ «Review: Gabbar Singh is Pawan Kalyan show all the way» (անգլերեն)։ Rediff.com։ Վերցված է 2015-08-01 
  36. Karthik Pasupulate (2012-05-11)։ «Gabbar Singh Movie Review»։ The Times of India (անգլերեն)։ Վերցված է 2015-08-01 
  37. Sangeetha Seshagiri (2013-07-02)։ «'Balupu' Box Office Collection: Ravi Teja Film Earns ₹1.76 Crore Overseas, Beats 'Kick', 'Don Seenu' and 'Mirapakai'»։ International Business Times (անգլերեն)։ Վերցված է 2015-08-02 
  38. Radhika Rajamani (2013-06-28)։ «Review: Balupu is a routine pot-boiler» (անգլերեն)։ Rediff.com։ Վերցված է 2015-08-02 
  39. Taran Adarsh (2013-07-18)։ «D-Day - Critic Review» (անգլերեն)։ Bollywood Hungama։ Վերցված է 2015-08-02 
  40. Taran Adarsh (2013-07-19)։ «Ramaiya Vastavaiya - Critic Review» (անգլերեն)։ Bollywood Hungama։ Վերցված է 2015-08-02 
  41. Sangeetha Devi Dundoo (2013-10-13)։ «Ramayya Vasthavayya: Hinged on heroism»։ The Hindu (անգլերեն)։ Վերցված է 2015-08-02 
  42. 42,0 42,1 «S/O Satyamurthy in All-Time Top Ten Telugu Grossing Films» (անգլերեն)։ NDTV։ 2015-05-08։ Արխիվացված է օրիգինալից 2015-09-13-ին։ Վերցված է 2015-08-02 
  43. 43,0 43,1 Nicy V.P (2015-05-08)։ «'S/O Satyamurthy' Box Office Collection: Allu Arjun Movie Among All Time Top 10 Telugu Grossers»։ International Business Times (անգլերեն)։ Վերցված է 2015-08-02 
  44. Karthik Pasupulate (2014-01-12)։ «Yevadu Movie Review»։ The Times of India (անգլերեն)։ Վերցված է 2015-03-30 
  45. Y. Sunita Chowdhary (2014-01-13)։ «Yevadu: Tailored for the masses»։ The Hindu (անգլերեն)։ Վերցված է 2015-03-31 
  46. Ranjani Rajendra (2014-05-11)։ «Race Gurram: Allu all the way»։ The Hindu (անգլերեն)։ Վերցված է 2015-08-02 
  47. Karthik Pasupulate (2014-05-11)։ «Race Gurram Movie Review»։ The Times of India (անգլերեն)։ Վերցված է 2015-08-02 
  48. Suresh Kavirayani (2014-05-12)։ «Movie review 'Race Gurram': A total paisa vasool flick»։ Deccan Chronicle (անգլերեն)։ Վերցված է 2015-08-02 
  49. «Winners of 62nd Britannia Filmfare Awards South»։ Filmfare (անգլերեն)։ 2015-06-27։ Վերցված է 2015-06-27 
  50. «Sexy Seductress Croons For Mahesh» (անգլերեն)։ Gulte.com։ 2014-07-26։ Վերցված է 2015-08-02 
  51. 51,0 51,1 Susan Jose (2014-12-17)։ «Madamiyan: Shruti Haasan's item song for Tevar»։ Hindustan Times (անգլերեն)։ Վերցված է 2015-08-02 
  52. Priya Gupta (2014-08-21)։ «Tevar : Shruti Haasan’s ‘Bablu’ saves her life»։ The Times of India (անգլերեն)։ Վերցված է 2015-08-02 
  53. V Lakshmi (2015-02-13)։ «Shruti Haasan: I am doing seven films this year and it’s difficult to manage them alone»։ The Times of India (անգլերեն)։ Վերցված է 2015-08-02 
  54. Faiza S Khan (2012-05-05)։ «Gabbar is Back review – silly action film isn't nearly silly enough»։ The Guardian (անգլերեն)։ Վերցված է 2015-08-02 
  55. Rob Cain (2015-08-10)։ «Mahesh Babu's 'Srimanthudu' Triumphs With 75 Crore / $11.7 Million Debut»։ Forbes (անգլերեն)։ Վերցված է 2015-09-16 
  56. Prakash Upadhyaya (2010-08-15)։ «'Srimanthudu' First Week Box Office Collection: Mahesh Babu Starrer Crosses Rs. 100 Crore Mark in 7 Days»։ International Business Times (անգլերեն)։ Վերցված է 2015-09-16 
  57. Sangeetha Devi Dundoo (2015-08-08)։ «Srimanthudu: Back to the roots»։ The Hindu (անգլերեն)։ Վերցված է 2015-09-16 
  58. «Welcome Back - Critic Review» (անգլերեն)։ Bollywood Hungama։ 2015-09-04։ Վերցված է 2015-09-14 
  59. Devesh Sharma (2015-09-04)։ «Movie Review: Welcome Back»։ Filmfare (անգլերեն)։ Վերցված է 2015-09-16 
  60. Prakash Upadhyaya (2015-07-29)։ «Vijay's 'Puli' Track List Released; Find Important Information about Audio Songs»։ International Business Times (անգլերեն)։ Վերցված է 2015-08-02 
  61. Shekhar H Hooli (2015-09-10)։ «'Welcome Back' Star Shruti Haasan Walks Out of Ajay Devgn's 'Baadshaho'»։ International Business Times (անգլերեն)։ Վերցված է 2015-09-16 
  62. «Shruti Haasan's 'special appearance' for Nishikant Kamat's Rocky Handsome» (անգլերեն)։ Bollywood Hungama։ 2015-08-22։ Վերցված է 2015-09-14 
  63. «John Abraham, Shruti Haasan’s ‘Rocky Handsome’ to release on February 5, 2016»։ The Indian Express (անգլերեն)։ 2015-09-07։ Վերցված է 2015-09-16 
  64. «Shruti Haasan joins 'Singam 3'»։ The Times of India (անգլերեն)։ 2015-05-18։ Վերցված է 2015-09-16 
  65. Hemant Kumar (2014-06-02)։ «Shruti Haasan joins the sets of Yaara»։ The Times of India (անգլերեն)։ Վերցված է 2015-08-02 
  66. Ashwini Deshmukh (2016-06-13)։ «Shruti Haasan shakes a leg with Step Up choreographer Jamal Sims»։ Filmfare (անգլերեն)։ Վերցված է 2016-09-04 
  67. «Shruti Haasan shakes a leg with 'Step Up' choreographer»։ The Times of India (անգլերեն)։ 2016-06-13։ Վերցված է 2016-09-04 
  68. «Sangamithra: Shruti Haasan to star in Sundar Cs film»։ India Today (անգլերեն)։ Վերցված է 2017-04-20 
  69. «Shruthi Haasan’s sword fight training in London»։ Top 10 Cinema (անգլերեն)։ 2017-04-20։ Վերցված է 2017-04-20