Շտրուդել

Շտրուդել
Ենթատեսակ	թխվածք և կերակուր
Առաջացման երկիր	Ավստրիա և  Հունգարիա
Ստեղծման տարեթիվ	1696
Հիմնական	ձու, շաքար, ալյուր, բուսական յուղ և Ֆիլո
Strudel Վիքիպահեստում

Շտրուդել (գերմ.՝ Strudel), պինդ խմորից պատրաստված տարբեր միջուկներներով (ամենաշատը խնձորով) ավստրիական ճաշատեսակ, որն ունի ռուլետի ձև։

Ծագում

Կաթնային շտրուդելի առաջին հայտնի բաղադրատոմսը թվագրվել է 1696 թվականին և տպագրվել է Վիեննայում անհայտ հեղինակի կողմից խոհարարական գրքում։ Այս պահին գրքի պատճենը պահվում է Վիեննայի քաղաքային գրադարանում։

Քաղցր շտրուդել

Խնձորով շտրուդել, պատրաստված է այժմ քիչ օգտագործվող եղանակով

Աղանդեր շտրուդելը պատրաստվում է ձգվող խմորից մրգերի (խնձոր), հատապտուղների (ելակ, կեռաս, հապալաս, ազնվամորի, չամիչ և այլն), կաթնաշոռի (վանիլով) միջուկներով, շտրուդելը պատրաստում են կակաչի սերմերով և դարչինով, ինչպես նաև այլ բաղադրիչներով պատրաստված խմորով։ Բացի դրանից, քաղցր շտրուդելը պատում են բուսական յուղով և շաղում շաքարի փոշիով։

Սովորաբար շտրուդելը մատուցում են տաք վանիլային պաղպաղակով կամ հարած սերուցքով և շոկոլադե օշարակով։

Շտրուդելը հիանալի համադրվում է թեթև սուրճով (լատտե) և թեյով։

Շտրուդելի այլ տեսակներ

• կարտոֆիլով շտրուդել,
• երշիկով շտրուդել պատրաստված արյունոտ սալով և թթու կաղամբով,
• կաթնային շտրուդել,
• մսով շտրուդել,
• շաքարով շտրուդել,
• սիրտութոքով շտրուդել։

Շտրուդելը ազգային խոհանոցներում

Շտրուդելը տարածված է բոլոր գերմանախոս երկրներում (ամենատարածվածը խնձորի, տանձի և բալի շտրուդելներն են), Հունգարիայում, ինչպես նաև Սլովակիայում և այլ սլավոնական երկրներում, մասամբ նաև հրեական (եվրոպական հրեական) խոհանոցում։

Տես նաև

• Խնձորով կարկանդակ