Շտապ օգնություն (պատմվածք)
Շտապ օգնություն ռուս.՝ Скорая помощь | |
---|---|
Տեսակ | պատմվածք |
Ժանր | պատմվածք |
Հեղինակ | Անտոն Չեխով |
Երկիր | Ռուսական կայսրություն |
Բնագիր լեզու | ռուսերեն |
Հրատարակվել է | հունիսի 22 (հուլիսի 4), 1887 |
«Շտապ օգնություն» (ռուս.՝ Скорая помощь), Անտոն Պավլովիչ Չեխովի պատմվածքը՝ գրված 1887 թվականին։
Հրատարակություն[խմբագրել | խմբագրել կոդը]
Միխայիլ Չեխովի խոսքով պատմությունը հիմնված է Բաբկինոյի կալվածքում գտնվելու ընթացքում գրողի տպավորությունների վրա[1]։ Վոսկրեսենսկա քաղաքից 1884 թվականի հունիսի 27-ին Նիկոլայ Լեյկինին ուղղված նամակում Չեխովը իր բժշկական պրակտիկայից նշում է մի դեպք, որի որոշ մանրամասներ շատ մոտ են պատմվածքում նկարագրվածներին[2]։
«Շտապ օգնություն» պատմվածքն առաջին անգամ հրատարակվել է «Պետերբուրգյան թերթի» 1887 թվականի 168 համարում (հին ոճով) «Թռչող գրառումներ» բաժնում՝ Ա. Չեխոնտե ստորագրությամբ։ Ընդամենը մեկ փոփոխությամբ պատմվածքն ընդգրկվել է «Անմեղ խոսքեր» ժողովածուում։ Այնուամենայնիվ, Չեխովը վերանայել է պատմվածքի տեքստը նախքան այն իր սեփական հավաքածուի առաջին հատորներում ներառելը՝ հրատարակված 1899-1901 թվականներին Ադոլֆ Մարքսի կողմից։ Գրողը ողբերգական պատմությանն ավելացրել է ավելի շատ զավեշտական տարրեր, առաջին հերթին գրագրի պահվածքում, ինչպես նաև ժողովրդական շրջադարձով է լրացրել տղամարդկանց ելույթը[2]։
Գլխավոր գործող անձիք[խմբագրել | խմբագրել կոդը]
- Գերասիմ Ալպատիչ, տեղական ավագ։ Լինելով շատ հարբած, նա չի կարող որևէ բառ ասել, որքան էլ որ փորձի։
- Եգոր Մակարիչ, գրագիր։ Որոշում է «հետաքննությունը» վերցնել իր ձեռքը։ Նա առաջարկում է ջրահեղձ ծերուկին ճոճելով ուշքի բերել՝ նրան բազմիցս օդ գցելով։
- Ֆեոդոր, ջրահեղձ մարդ։ Նա նստած է ափին, ձեռքերը և ոտքերը տարածում է և կրկնում, որ իրեն վարձել է Պրոխոր Սերգեևը, որպես ծեփագործ բանվոր ընդամենը յոթ ռուբլի աշխատավարձով։ Կապրի «վերակենդանացումից» առաջ, դրանից հետո կմեռնի։
- Անիսիմ, համքարապետ, որը սկզբում փրկում է ծերունուն։ Սակայն հենց նրա դիտողություններն են ստիպում գրագրին սկսելու «ճոճելու» գործընթացը։
- Տիրուհի, ով դեպքի վայր է ժամանում իր կալվածքի կառավարիչ Էթյենի հետ (իրական անունը` Ստեփան Իվանիչ)։ Նախ առաջարկում է «ճոճելու» փոխարեն արհեստական շնչառություն տալ ջրահեղձին, այնուհետև հնարավորություն տալ շնչելու այրված փետուրների ծուխը և վերջում խուտուտ տալ։
Սյուժե[խմբագրել | խմբագրել կոդը]
Կրոնական տոնի ժամանակ դժբախտ պատահար է տեղի ունենում։ Մեկ այլ գյուղից մի ծերունի փորձում է գետն անցնել ծանծաղուտով, ընկնում է ջրապտույտի մեջ և սկսում գոռալ, նրան փրկում է տեղի բնակիչ Անիսիմը։ Ծերուկը (որին բոլորը «ջրահեղձ» էին անվանում) քիչ թե շատ կարգին էր թվում, նստում էր լողափում դատարկաբանություններ փնթփնթում և պարզապես շատ հարբած էր երևում։ Այնուամենայնիվ, նրա շրջապատի մարդիկ ընկալում են դա որպես նշան այն բանի, որ նրա «հոգին կիսով չափ դուրս է եկել» և ցանկանում էին վերակենդանացնել «ջրահեղձ մարդուն»՝ նրան օդ գցելով և կատարելով «արհեստական շնչառություն» (որը ոչ ոք, ակնհայտորեն չգիտեր ինչպես ճիշտ անել)։ Այս բոլոր արարողություններից հետո, ավելի շատ խոշտանգվածի նման, «ջրահեղձ մարդը» հայտարարվում էր մահացած։
Քննադատություն[խմբագրել | խմբագրել կոդը]
Ինչպես նշում է Սերգեյ Սեմյոնովը, որը հուշերի գիրք է գրել Լև Տոլստոյի մասին, վերջինս, գնահատելով Չեխովին որպես կատակերգու, նրա հումորային պատմություններից մի քանիսը դժվար էր հասկանում՝ որպես օրինակ բերելով «Շտապ օգնությունը»[3]։
Ա. Բասարգինը, գրախոսելով «Ա. Պ. Չեխովի ստեղծագործությունների լիակատար ժողովածուի» առաջին հատորը, հիշատակելով «Շտապօգնությունը», նշում էր, որ պատմվածքում «նկարագրվում է մեր գյուղացու անօգնական վիճակը սանիտարահիգիենիկ տեսանկյունից...»[4]:
Ծանոթագրություններ[խմբագրել | խմբագրել կոդը]
- ↑ Антон Чехов и его сюжеты, стр. 33.
- ↑ 2,0 2,1 Примечания к рассказу «Скорая помощь» // Чехов А. П. Полное собрание сочинений и писем: В 30 т. Сочинения: В 18 т. / АН СССР. Ин-т мировой лит. им. А. М. Горького. — М.: Наука, 1974—1982. / Т. 6. [Рассказы], 1887. — Т. 6. [Рассказы], 1887. — М.: Наука, 1976. — С. 236—240.
- ↑ «Путь», 1913, № 2, стр. 38; Чехов в воспоминаниях, стр. 369.
- ↑ «Московские ведомости», 1900, № 36, 5 февраля.
Գրականություն[խմբագրել | խմբագրել կոդը]
- Скорая помощь // Чехов А. П. Полное собрание сочинений и писем: В 30 т. Сочинения: В 18 т. / АН СССР. Ин-т мировой лит. им. А. М. Горького. — М.: Наука, 1974—1982. Т. 6. [Рассказы], 1887. — М.: Наука, 1976. — С. 236—240.
Արտաքին հղումներ[խմբագրել | խմբագրել կոդը]
- Скорая помощь, оригинальный русский текст.
- Скорая помощь, аудиокнига (YouTube, 13:56)