Շվեյցարիայի ազգային գրադարան

Վիքիպեդիայից՝ ազատ հանրագիտարանից
Jump to navigation Jump to search

(Շվեյցարիայի ազգային գրադարան)
Swiss National Library building.jpg
ԵրկիրՇվեյցարիա
Տեսակազգային գրադարան, հիշողության կազմակերպություն[1] և արխիվներ
Հիմնվել է1894
ՏեղադրությունՇվեյցարիա Բեռն
ՀասցեHallwylstrasse 15, 3003 Bern[2] և Hallwylstrasse 15[3]
Հավաքածուներ
Չափ5.1M նմուշ
Հասանելիություն և օգտագործում
Շրջանառություն78,000 (2007)
Այլ տվյալներ
Բյուջե32.9M (2008, $31.8M 2008 թվականի 2-րդ կիսամյակ)
ՏնօրենՄարի-Քրիստին Դոֆֆի (2005 թվականից)[4]
Անձնակազմ160 (124 ամբողջ դրույք)
Կայքwww.nb.admin.ch

Շվեյցարիայի ազգային գրադարան, (գերմ.՝ Schweizerische Nationalbibliothek, ֆր.՝ Bibliothèque Nationale Suisse, իտալ.՝ Biblioteca Nazionale Svizzera), Շվեյցարիայի մայրաքաղաք Բեռնում գտնվող գրադարան, որն ընդգրկված է մշակութային հարցերի ֆեդերալ կառավարման խորհրդի կազմում, որն էլ իր հերթին ենթարկվում է ներքին գործերի ֆեդերալ վարչությանը[5]:

Գրադարանը բաց է հանրության համար և իր հավաքածուի չափերից ելնելով՝ արտացոլում է շվեյցարական մշակույթի բազմակարծությունն ու բազմազանությունը։ Գրադարանն ընդգրկված է Շվեյցարիայի ազգային մշակութային արժեքների ցանկում[6]:

Պատմություն[խմբագրել | խմբագրել կոդը]

Շվեյցարիայի ազգային գրադարանը հիմնադրվել է 1894 թվականին՝ համաձայն պետությունների խորհրդի և ազգային խորհրդի վավերացրած որոշման։ Գրադարանն իր գործունեությունն սկսել է 1895 թվականից[7]: Գրադարանի առաջին շենքն զբաղեցրել է 4 սենյակ ունեցող բնակարանի տարածք, չի ունեցել էլեկտրական լուսավորություն։ 1899 թվականին գրադարանը տեղափոխվել է ֆեդերալ արխիվի շենք, որն ավելի ընդարձակ շինություն էր[7]: 1901 թվականին թողարկվել է Շվեյցարիայի ազգային գրադարանի առաջին մատենագիտական տեղեկագիրը՝ Bibliographisches Bulletin der Schweizerischen Landesbibliothek: 1915 թվականից Շվեյցարիայի ազգային գրադարանի և Շվեյցարիայի հրատարակիչների միջև կնքվում է պայմանագիր՝ համաձայն որի յուրաքանչյուր հրատարակված գրքի նմուշ հանձնվում է գրադարանին։ 1928 թվականին ստեղծվել է Շվեյցարական միավորված կատալոգը։

Ներկայիս կառույց Շվեյցարիայի ազգային գրադարանը տեղափոխվել է 1931 թվականին (15 Hallwylstrasse)։ Շենքի շինարարական աշխատանքներն սկսվել են 1928 թվականից՝ ճարտարապետ Խոշտետլերայի, Կաուֆմանի և Էշգերայի նախագծով[8]:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Swiss GLAM Inventory, 16 September 2016 — 2016.
  2. https://www.nb.admin.ch/snl/de/home/ueber-uns/kontakt.html
  3. https://vsa-aas.ch/archive/schweizerische-nationalbibliothek-isil-verzeichnis-isplus/
  4. Die Direktorin. Статья с официального сайта Швейцарской национальной библиотеки. Директор.
  5. Organisation. Статья с официального сайта Швейцарской национальной библиотеки. Организация.
  6. Swiss inventory of cultural property of national and regional significance (1995), p. 105.
  7. 7,0 7,1 Geschichte der Bibliothek. Статья с официального сайта Швейцарской национальной библиотеки. История.
  8. Швейцарская Национальная библиотека. Статья с сайта architekture.info

Արտաքին հղումներ[խմբագրել | խմբագրել կոդը]