Շվեդական երկաթուղային թանգարան

Վիքիպեդիայից՝ ազատ հանրագիտարանից
Jump to navigation Jump to search
Շվեդական երկաթուղային թանգարան
Sveriges Järnvägsmuseum Entré, 2016b.jpg
Sveriges Järnvägsmuseum ånglok nr 22.jpg
Տեսակազգային թանգարան և երկաթուղային թանգարան
ԵրկիրFlag of Sweden.svg Շվեդիա[1]
ՏեղագրությունԵվլե մունիցիպալիտետ[1]
ՎայրԵվլե[1]
Մասն էՇվեդիայի ազգային ծովային և տրանսպորտային թանգարաններ
ՀասցեRälsgatan 1, SE-802 91[1]
Հիմնադրված է1970
Այցելուներ64 261 մարդ (2015)[2] և 49 743 մարդ (2016)[3]
Կայքjarnvagsmuseet.se

Շվեդական երկաթուղային թանգարան (շվեդերեն՝ Sveriges Järnvägsmuseum), Շվեդիայի Եվլե քաղաքում գտնվող ազգային տեխնիկական թանգարան՝ նվիրված շվեդական երկաթուղու պատմությանը, որը մասնաճյուղ ունի Էնգելհոլմում։

Թանգարանի նպատակն է ուսումնասիրել, պահպանել և փոխանցել Շվեդիայի երկաթուղային տրանսպորտի պատմության վերաբերյալ տեղեկատվությունը։ Թանգարանը կառավարում է Շվեդիայի երկաթուղիների ազգային վարչակազմը, որը թանգարանի համար միջոցներ է ստանում կառավարությունից։

Պատմություն[խմբագրել | խմբագրել կոդը]

1915 թվականին Երկաթուղիների ազգային խորհուրդը Ստոկհոլմում բացել է երկաթուղային թանգարան։ 1942 թվականին Ստոկհոլմի «Թոմտեբուդա» երկաթուղային կայարանում բացվել է լոկոմոտիվների և շարժակազմերի ցուցահանդես։ Շվեդական երկաթուղու թանգարանը տեղափոխվել է Եվլե 1970-ականներին։ Թանգարանին հատկացվել էին բացօթյա երկու հրապարակներ (երկաթուղային գծերով), մի քանի խոշոր շենքեր, այդ թվում երկու շրջադարձային կետեր և լոկոմոտիվային շինություն։ Թանգարանային համալիրը զբաղեցնում է գրեթե 16,000 մ² տարածք։

Ցուցանմուշներ[խմբագրել | խմբագրել կոդը]

Թանգարանի որոշ ցուցանմուշներ ձեռք են բերվել 18-րդ դարի վերջին։ Ներկայիս հավաքածուն, որն աշխարհում լավագույններից է, ներառում է ավելի քան 100 լոկոմոտիվ, գրեթե 150 վագոն և մի քանի հարյուր միավոր այլ շարժակազմ։ Լավագույն նմուշները ներկայացված են հիմնական ցուցահանդեսում։ Հավաքածուի հիմնական մասը պահեստներում է և էքսկուրսիաներ անցկացնելու համար անհրաժեշտ է նախնական պայմանավորվածություն։ Լոկոմոտիվներից և շարժակազմից բացի, առանձին սրահներում ցուցադրվում են իրեր, գործիքներ և երկաթուղային մոդելներ, սպասք, տեքստիլ և արվեստի գործեր։ Թանգարանում պահվող մի քանի հարյուր հազար լուսանկարներ արտացոլում են երկաթուղու զարգացման պատմական ուղին։ Թանգարանի աշխատակիցները աշխատում են լուսանկարների թվայնացման վրա` դրանք հասարակության համար առավել հասանելի դարձնելու համար։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]