Շուշանիկ Նազարյան
- Վիքիպեդիայում կան հոդվածներ Նազարյան ազգանունով այլ մարդկանց մասին։
| Շուշանիկ Նազարյան | |
|---|---|
 | |
| Ծնվել է | դեկտեմբերի 22, 1913[1] |
| Ծննդավայր | Վաղարշապատ, Երևանի նահանգ, Կովկասի փոխարքայություն, Ռուսական կայսրություն |
| Մահացել է | հոկտեմբերի 6, 2006 (92 տարեկան) |
| Մահվան վայր | Երևան, Հայաստան |
| Քաղաքացիություն |  Ռուսական կայսրություն,  ԽՍՀՄ և  Հայաստան |
| Կրթություն | ԵՊՀ հայ բանասիրության ֆակուլտետ (1938) |
| Գիտական աստիճան | բանասիրական գիտությունների դոկտոր (1972) |
| Մասնագիտություն | բանասեր և գրականագետ |
| Աշխատավայր | Մատենադարան |
| Պարգևներ և մրցանակներ |  |
Շուշանիկ Լևոնի Նազարյան (դեկտեմբերի 22, 1913[1], Վաղարշապատ, Երևանի նահանգ, Կովկասի փոխարքայություն, Ռուսական կայսրություն - հոկտեմբերի 6, 2006, Երևան, Հայաստան), հայ բանասեր, գրականագետ։ Բանասիրական գիտությունների դոկտոր (1972)։ ՀԽՍՀ գիտության վաստակավոր գործիչ (1984)։
Կենսագրություն[խմբագրել | խմբագրել կոդը]
Շուշանիկ Նազարյանը ծնվել է 1913 թվականին Էջմիածնում։ 1938 թվականին ավարտել է Երևանի պետական համալսարանի լեզվագիտական ֆակուլտետի գրական բաժինը։ Այնուհետև ընդունվել է Երևանի համալսարանի ասպիրանտուրան և ավարտել այն։ 1946 թվականից մինչև կյանքի վերջին տարիները, ավելի քան 50 տարի նա Մատենադարանի աշխատակից էր՝ սկզբում որպես գիտնական քարտուղար, ապա ավագ գիտական աշխատակից։ 1952 թվականին նա պաշտպանում է թեկնածուական, իսկ 1972 թվականին՝ դոկտորական ատենախոսություն «Պետրոս Ղափանցի» թեմայով[2]։
Այդ տարիներին Շուշանիկ Նազարյանը Հայաստանի ու սփյուռքի գիտական պարբերականներում («Բանբեր Մատենադարանի», «Պատմաբանասիրական հանդես», «Լրաբեր հասարակական գիտությունների», «Բազմավեպ») տպագրել է հայ մատենագրության տարբեր հարցերին նվիրված գիտական հոդվածներ։
Շուշանիկ Նազարյանը Մատենադարանի մեկ այլ նշանավոր գիտնական Ասատուր Մնացականյանի հետ համատեղ ուսումնասիրել և լույս են ընծայել միջնադարի հայտնի բանաստեղծ Պաղտասար Դպիրի «Տաղիկներ սիրո և կարոտանաց», Նաղաշ Հովնաթանի բանաստեղծությունների ժողովածուն։
Շուշանիկ Նազարյանը հեղինակ է մեկ տասնյակից ավելի մենագրությունների և ավելի քան 80 գիտական հոդվածների[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 http://am.hayazg.info/index.php?curid=7740
- ↑ «Ով ով է։ Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007 թ.:
- ↑ hpj.asj-oa.am (PDF) http://hpj.asj-oa.am/1850/1/2006-3(311).pdf. Վերցված է 2018 թ․ դեկտեմբերի 22-ին.
{{cite web}}: Missing or empty|title=(օգնություն)(չաշխատող հղում)
Աղբյուրներ[խմբագրել | խմբագրել կոդը]
- Մաշտոցի անվան Մատենադարան «Շուշանիկ Նազարյան», պատմաբանասիրական հանդես № 1, 2006, էջ 311-312
 | Վիքիդարանն ունի նյութեր, որոնք վերաբերում են «Շուշանիկ Նազարյան» հոդվածին։ |
| ||||||||||||
