Շուշանիկ Թամրազյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Թամրազյան ազգանունով այլ մարդկանց մասին։
Շուշանիկ Թամրազյան
Ծնվել էապրիլի 7, 1978(1978-04-07) (45 տարեկան)
ԾննդավայրԵրևան, Հայկական ԽՍՀ, ԽՍՀՄ
Մասնագիտությունբանաստեղծուհի և թարգմանչուհի
Քաղաքացիություն ԽՍՀՄ և  Հայաստան
ԿրթությունԵՊՀ ռոմանագերմանական բանասիրության ֆակուլտետ‎ (1997) և Մոնպելիե III - Պոլ Վալերիի անվան համալսարան
ԱնդամակցությունՀԳՄ
ԱշխատավայրՈսկե ծիրան, Վ․ Բրյուսովի անվան պետական համալսարան և Երևանի պետական համալսարան
Շուշանիկ Թամրազյան Վիքիդարանում

Շուշանիկ Հրաչյայի Թամրազյան (ապրիլի 7, 1978(1978-04-07), Երևան, Հայկական ԽՍՀ, ԽՍՀՄ), հայ բանաստեղծ, թարգմանիչ։ Հայաստանի գրողների միության անդամ (2001):

Բանաստեղծ, թարգմանիչ Հրաչյա Թամրազյանի դուստրն է։

Կենսագրություն[խմբագրել | խմբագրել կոդը]

Շուշանիկ Թամրազյանը ծնվել է 1978 թվականի ապրիլի 7-ին, Երևանում։ Ավարտել է Երևանի թիվ 170 միջնակարգ դպրոցը։ Բանաստեղծություններ սկսել է գրել 4-5 տարեկանում, որոնք լույս են տեսել «Ծիծեռնակ» ամսագրում։ 1994 թվականին ընդունվել է Երևանի պետական համալսարանի ռոմանագերմանական ֆակուլտետի ֆրանսիական բաժին։ 1997 թվականին կրթությունը շարունակել է Ֆրանսիայում, հաճախել Ֆրանսիայի Մոնպելիե քաղաքի Պոլ Վալերիի անվան համալսարանի գրականության դասընթացներին։ Նույն համալսարանում պաշտպանել է թեկնածուական և դոկտորական ատենախոսությունները` նվիրված ֆրանսիական ժամանակակից պոեզիայի մեծագույն հեղինակներից մեկի` Իվ Բոնֆուայի ստեղծագործությանը[1]։ 2005—2008 թվականներին եղել է «Ոսկե ծիրան» կինոփառատոնի ֆրանսիական ծրագրերի պատասխանատու։ 2010—2012 թվականներին Երևանի պետական լեզվահասարակագիտական համալսարանում դասավանդել է ֆրանսիական ժամանակակից գրականություն և ֆրանսերեն լեզու, 2013 թվականից դասավանդում է Երևանի պետական համալսարանում[2]։

Ստեղծագործություններ[խմբագրել | խմբագրել կոդը]

2000 թվականին Շուշանիկ Թամրազյանի թարգմանությամբ լույս են տեսել Իվ Բոնֆուայի «Անկարելին» 2001 թվականին՝ «Արտ-Երկիր»-ն ու «Թափառող կյանք»-ը, 2007 թվականին՝ «Հռոմ, 1630» արվեստաբանական մենագրությունը, 2012 թվականին՝ «Գեղեցկությունը առաջին օրից», «Հայելու մի բեկորի մեջ», «Երկու տեսարան և ծանոթագրություններ» երկերը։ Կատարել է մի շարք այլ թարգմանություններ` Անրի Միշոյի «Պլյում» (2007), Ժան էշնոզի «Ռավել» (2010), Անդրե Ժիդի «Օսկար Ուայլդ» (1997) և այլն։ Հեղինակել է «Ոսկեվանդակ» (2001), «Չկախարդվող» (2005), «Կարծրերկիր» (2010), «Ձկների լեզու» (2012), «Լեննական» (2012) ժողովածուները։ Անմիջապես ֆրանսերենով գրված ստեղծագործությունները լույս են տեսել Ֆրանսիայում` մի շարք բանաստեղծական ամսագրերում (ARPA, Europe, Encres vives): Հեղինակել է նաև գրականագիտական հոդվածներ`տպագրված ֆրանսիական պարբերականներում (Les cahiers de l’Herne; Le procès de l’histoire au XX siècle)[2]:

Մրցանակներ[խմբագրել | խմբագրել կոդը]

  • «Օրանժ գրքի մրցանակ»` «Մոգ արքաներ» բանաստեղծական շարքի համար, 2012[2]
  • Ֆրանսիայի ազգային ակադեմիայի (AMOPA) սահմանած ճարտասանության մրցույթի գլխավոր մրցանակ, 1997[2]

Երկեր[խմբագրել | խմբագրել կոդը]

  • Ոսկեվանդակ։ Պատմվածքներ և արձակ բանաստեղծություններ։ Նաիրի, 2001 - 90 էջ[3]։
  • Չկախարդվող։ Պատմվածքներ և արձակ բանաստեղծություններ։ Նաիրի, 2005 - 142 էջ[4]։
  • Թռչնագիր։ Պատմվածքներ, բանաստեղծություններ, Երևան։ Նաիրի, 2013[5]։

Թարգմանություններ[խմբագրել | խմբագրել կոդը]

  • Իվ Բոնֆուա Անկարելին «Հատող փողոց և այլ անրջական պատումներ», «Նաիրի», 2000, 142 էջ[6]։
  • Իվ Բոնֆուա «Արտ-երկիր։ Թափառող կյանք» (վիպակ, բանաստեղծություններ), Երևան, «Նաիրի», 2001[7]։
  • Գրիգոր Նարեկացին և իր «Մատեան ողբերգութեան» երկը/Gregoire de Narek et le livre de lamentation. Երևան, «Նաիրի», 2004[8]։
  • Իվ Բոնֆուա «Հռոմ, 1630։ Վաղ բարոկկոյի հորիզոնը», Երևան, «Նաիրի», 2007/Rome, 1630: l`lyrizon du premier barogue. 2007[9]
  • Ժան Էշնոզ «Ռավել» (Արձակ ստեղծագործություն), Երևան, «Ակտուալ արվեստ», 2010[10]։
  • Իվ Բոնֆուա «Նոր երկեր», Երևան, «Նաիրի», 2012[11]։
  • Ժերար դը Ներվալ «Օրելիա։ Պանդորա», Երևան, «Նաիրի», 2014։
  • Կլոդ Սիմոն «Ակացիան» (վեպ), Երևան, «Նաիրի», 2014։
  • Միլան Կունդերա «Կեցության անտանելի թեթևությունը» (վեպ), Երևան, «Անտարես», 2015[12]։
  • Ժերար դը Ներվալ «Սիլվի», Երևան, «Նաիրի», 2016։
  • Պատրիկ Մոդիանո «Ոչ, չկորչես թաղամասում» (վեպ), Երևան «Անտարես» 2016, 204 էջ։
  • Ժյուլ Վեռն «Կարպատյան դղյակը», (վիպակ), Երևան, «Անտարես», 2017[13]։
  • Կլոդ Սիմոն «Քամին» (վեպ), Երևան, «Անտարես», 2017, 288 էջ։
  • Ժերար դը Ներվալ «Քիմեռներ», (բանաստեղծություններ), Երևան, «Նաիրի», 2019։
  • Ժերար դը Ներվալ «Հոկտեմբերյան գիշերներ։ Զբոսանքներ և հիշողություններ», (արձակ պատումներ), Երևան, «Անտարես», 2020, 232 էջ։

Ծանոթագրություններ[խմբագրել | խմբագրել կոդը]

  1. «Հայ ընթերցասերները ծանոթացան Իվ Բոֆուայի և Ժերար դը Նեվրալի հայերեն թարգմանված գործերին». armenpress.am. Վերցված է 2019 թ․ ապրիլի 7-ին.
  2. 2,0 2,1 2,2 2,3 Շուշանիկ Թամրազյանի մասին avproduction.am կայքում(չաշխատող հղում)
  3. Թամրազյան, Շուշանիկ (2001). Ոսկեվանդակ: Պատմվածքներ և արձակ բանաստեղծություններ. Նաիրի. ISBN 9785550012406.
  4. Թամրազյան, Շուշանիկ Հրաչյայի (2005). Չկախարդվող: Պատմվածքներ և արձակ բանաստեղծություններ. Նաիրի. ISBN 9785550014295.
  5. «Bibliothèque de l'Église apostolique arménienne - Paris - Թամրազյան , Շուշանիկ». www.bibliotheque-eglise-armenienne.fr. Վերցված է 2019 թ․ ապրիլի 7-ին.
  6. Բոնֆուա, Իվ (2000). Անկարելին: Հատող փողոց և այլ անրջական պատումներ. Նաիրի. ISBN 9785550011508.
  7. Բոնֆուա, Իվ (2001). Արտ-երկիր: Թափառող կյանք։ [Վիպակ; Բանաստեղծություններ]. Նաիրի. ISBN 9785550012451.
  8. Մահե, Աննի; Մահե, Ժան-Պիեռ (2004). Գրիգոր Նարեկացին և իր «Մատեան ողբերգութեան» երկը =: Gregoire de Narek et le livre de lamentation. Translated by Թամրազյան, Շուշանիկ. Երևան: Նաիրի. ISBN 9785550013748.
  9. Բոնֆուա, Իվ; Թամրազյան, Շուշանիկ (2007). Հռոմ, 1630: Վաղ բարոկկոյի հորիզոնը = Rome, 1630: l`lyrizon du premier barogue. Երևան: Նաիրի.
  10. Էշնոզ, Ժան (2010). Ռավել: Արձակ ստեղծագործություն. Ժամանակակից ֆրանսալեզու գրականություն. Translated by Թամրազյան, Շուշանիկ. Երևան: Ակտուալ արվեստ.
  11. Բոնֆուա, Իվ (2012). Նոր երկեր. Translated by Թամրազյան, Շուշանիկ. Երևան: Նաիրի.
  12. Կունդերա, Միլան (2015). Նիկողոսյան, Արքմենիկ Հրայրի (ed.). Կեցության անտանելի թեթևությունը։ Վեպ = L'insoutenable legerete de l'etre. Օտարագիր. Translated by Թամրազյան, Շուշանիկ Հրաչյայի. Երևան: Անտարես. ISBN 9789939518145.
  13. Վեռն, Ժյուլ (2017). Խաչատրյան, Շողեր (ed.). Կարպատյան դղյակը։ Վիպակ. Պատանեկան գրադարան. Translated by Թամրազյան, Շուշանիկ. Երևան: Անտարես. ISBN 9789939761244.

Արտաքին հղումներ[խմբագրել | խմբագրել կոդը]