Շոն Օ՛ Քեյսի

Վիքիպեդիայից՝ ազատ հանրագիտարանից
Picto infobox auteur.png
Շոն Օ՛ Քեյսի
Sean ocasey 1924.jpg
Ծնվել է մարտի 30, 1880({{padleft:1880|4|0}}-{{padleft:3|2|0}}-{{padleft:30|2|0}})[1][2]
Ծննդավայր Դուբլին, Դուբլին, Leinster, Իռլանդիա[1]
Վախճանվել է սեպտեմբերի 18, 1964({{padleft:1964|4|0}}-{{padleft:9|2|0}}-{{padleft:18|2|0}})[1][3][4][2] (84 տարեկանում)
Վախճանի վայր Տորկի, Torbay, Դևոն, South West England, Անգլիա, Միացյալ Թագավորություն[1]
Մասնագիտություն դրամատուրգ, սցենարիստ, բանաստեղծ և գրող
Լեզու անգլերեն[5]
Քաղաքացիություն Իռլանդիա
Ժանրեր տրագիկոմեդիա
Անդամակցություն Irish Republican Brotherhood
Ամուսին Eileen O'Casey
Զավակներ Breon O'Casey
Կայք seanocasey.co.uk
Sean O'Casey Վիքիպահեստում

Շոն Օ՛ Քեյսի (իռլ.՝ Seán Ó Cathasaigh, անգլ.՝ Seán O'Casey, մարտի 30, 1880,Դուբլին - սեպտեմբերի 18, 1964, Տորկի), իռլանդացի դրամատուրգ։

Կենսագրություն[խմբագրել | խմբագրել կոդը]

Շոն Օ՛ Քեյսին ծնվել է անգլիկան եկեղեցու հետևորդ, աղքատ ընտանիքում:

Հայրը՝ Մայքլը, մահացել է, երբ որդին հազիվ վեց տարեկան էր: Տասնչորս տարեկանից Քեյսին ստիպված էր աշխատել. բանվորություն է արել երկաթուղում, թերթեր է վաճառել: Ընդսմին՝ կարդալ - գրել սովորել է ինքնուրույնաբար, քանի որ վատ տեսողության պատճառով դպրոց հաճախել չի կարողացել: 1906 թվականին անդամագրվել է Գելյան լիգային, միաժամանակ ընդունվել Իռլանդիայի տրանսպորտային և որակավորում չունեցող բանվորների միության շարքերը: Սակայն աստիճանաբար հիասթափվել է ազգային շարժումից, թեև 1914 թվականին, մի ոչ տևական ժամնակահատված եղել է Իռլանդական քաղաքացիական բանակի գլխավոր քարտուղարը: 1918 թվականին լույս է տեսել նրա առաջին ստեղծագործությունը՝ «Թոմաս Աշի զոհը» պատմվածքը, որ գրվել էր Զատկի ապստամբության և դրա դաժան ճնշման ազդեցությամբ:

1923 թվականին Աբբայության թատրոնը, որը մինչ այդ երեք անգամ մերժել էր Օ՛ Քեյսիի երեք պիեսները, բեմականացրեց նրա չորրորդ՝ ,,Հրաձիգի ստվերը,, թատերգությունը, դրանից հետո էլ՝ «Յունոնան ու սիրամարգը» և «Շվաքն ու աստղերը»: Այս վերջինը բուռն սկանդալի տեղիք տվեց, հարուցեց ազգայնականների ցասումը, և սրանց հարձակումներն ստիպեցին Օ՛ Քեյսիին 1926 թվականին լքել հայրենի Իռլանդիան ու բնակություն հաստատել Հարավարևմտյան Անգլիայում՝ Թորքիում:

Հետագայում Օ՛ Քեյսիի պիեսների մեծ մասը տպագրվեցին միայն՝ հազվադեպ արժանանալով բեմականացվելու բախտին: Գրողի առավել նշանակալից թատերգություններից են «Սկզբի ավարտը» , «Ալ վարդեր՝ ինձ համար», «Դենդի աքաղաղը» : Հիշատակման արժանի է նաև նրա՝ 1936 և 1954 թվականներին լույս տեսած հուշագրությունների վեցհատորյակը:

Իր ստեղծագործություններում Օ՛ Քեյսին պատկերել է իռլանդացի բանվորների կյանքը, ինչը քաջածանոթ էր նրան: Գրողի առաջին պիեսները պացիֆիստական երգիծական տրագիկոմեդիաներ էին, որոնցում միաժամանակ արտահայտվել է նրա համակրանքն իր հերոսների նկատմամբ: Հետագայում Օ՛ Քեյսին անցավ միստիկ բարոյախրատաբանական դրամաների, իսկ կյանքի վերջին տարիներին՝ ֆանտաստիկ կատակերգությունների ստեղծմանը:

Օ՛ Քեյսիի ստեղծագործությունը թեև սկզբնական շրջանում սուր քննադատության ենթարկվեց՝ դրանում, իբրև թե, հայրենասիրության բացակայության պատճառով, բայց արդեն տևական ժամանակ է՝ լայն ճանաչում է գտել Իռլանդիայում և նրա սահմաններից դուրս: Նրա անունով է կոչվել Դուբլինում Լիֆֆի գետի վրա գցված կամուրջը:

Ծանոթագրություններ[խմբագրել | խմբագրել կոդը]