Շոկ (ֆիլմ)
 | |
|---|---|
| Երկիր |  Միացյալ Թագավորություն Կոսովո |
| Ժանր | դրամա և ռազմական ֆիլմ |
| Թվական | ապրիլի 10, 2015 |
| Լեզու | ալբաներեն և սերբերեն |
| Ռեժիսոր | Jamie Donoughue? |
| Սցենարի հեղինակ | Jamie Donoughue? |
| Տևողություն | 21 ± 1 րոպե |
| Պաշտոնական կայքէջ | |
«Շոկ», Կոսովոյի մասին կարճամետրաժ դրամատիկ ֆիլմ, որը նկարահանվել է «Օսկարի» առաջադրված ռեժիսոր՝ Ջեյմի Դոնահյուի կողմից: Ֆիլմը հիմնված է Կոսովոյի պատերազմի իրական իրադարձությունների վրա։ «Շոկ» ֆիլմի դիստրիբյուտորը «Ուատ Մեդիան» է, իսկ սոցիալական ցանցերում արշավը վարում է ալբանացիների թիմը։
Ֆիլմի պրեմիերան տեղի է ունեցել Ասպենի կարճամետրաժ ֆիլմերի փառատոնում, որտեղ այն արժանացել է լավագույն դրամատիկ դերի, հանդիսատեսի հատուկ ճանաչման և երիտասարդական ժյուրիի մրցանակների[1]: Ֆիլմը դարձել է մի շարք այլ փառատոների հաղթող, ներառյալ «Հոլիշ Շորթս» կինոփառատոնը[2] և Վաշինկթոնի կարճամետրաժ ֆիլմերի կինոփառատոնը[3]:
Շոկ ֆիլմը Օսկարի 88-րդ մրցանակաբաշխության ժամանակ, առաջադրվել է «Օսկար» մրցանակի, որպես լավագույն կարճամետրաժ ֆիլմ[4]:
Սյուժե
[խմբագրել | խմբագրել կոդը]Շոկ ֆիլմը սկսվում է ժամանակակից Կոսովոյի տեսարաններով, որտեղ մեծահասակ Պետրիտը (Կուշտրիմ Շերեմետի) ճանապարհի մեջտեղում գտնում է հին հեծանիվ, որը նման է Օկայի հեծանիվին:
Պատմությունը տեղի է ունենում 1990 թվականների Կոսովոյի պատերազմի ժամանակ և կենտրոնանում է երկու երիտասարդ տղաների՝ Պետրիտի (Լում Վեսելի) և Օկայի (Անդի Բայգորա) վրա: Ֆիլմի սկզբում նրանք երկուսով Օկայի նոր հեծանիվով գնում են մի խումբ Սերբ զինվորների մոտ, որոնց Պետրիտը մի քանի կտոր թուղթ է տալիս ծխախոտը փաթաթելու համար։ Զինվորների հրամանատար՝ Դրագանը (Էշրեֆ Դուրմիշի), վճարում է Պետրիտին փաստաթղթերի համար, Իսկ Պետրիտը գումարը կիսում է Օկիի հետ։ Օկին գիշերը մնում է Պետրիտի ընտանիքի հետ, և Պետրիտը խնդրում է նրան հաջորդ օրը ևս մեկ առաքում կատարել: Օկին սկզբում դիմադրում է՝ մտածելով, որ զինվորներին չի կարելի վստահել; բայց Պետրիտը վստահեցնում է նրան, որ ինքը ապահով է՝ ցույց տալով իր թաքցրած ատրճանակը։ Նա նաև ասում է, որ շուտով կկարողանա իր վաստակած գումարով հեծանիվ գնել, և Օքին համաձայնվում է նորից օգնել նրան։
Տղաները ժամանում են զինվորների ապաստարան, նախ զինվորը (Ֆիսնիկ Ադեմի) հարցնում է նրանց, թե ինչու են նրանք այստեղ, և Պետրիտն ասում է, որ պետք է տեսնել Դրագանին, որտեղ Պետրիտը Դրագանին ավելի շատ թուղթ է բերում: Բայց երբ նրանք հեռանում են, զինվորներից մեկը պահանջում է Օկայի հեծանիվը՝ մտադրություն ունենելով այն տալ իր եղբորորդուն։ Պետրիտի պնդմամբ Օկին համաձայնվում է, բայց ավելի ուշ նա նախատում է Պետրիտին զինվորների հետ համագործակցելու համար՝ անվանելով նրան դավաճան։ Օկին մի քանի օր չի խոսում Պետրիտի հետ, չնայած վերջինիս ներողություններին, քանի դեռ զինվորները չեն կանգնեցրել իրենց վարած ավտոբուսը: Տղաներին և ևս մի քանի հոգու դուրս են բերում ավտոբուսից և խուզարկում։ Երբ զինվորը Օկայի ուսապարկի մեջ ալբանական դասագրքեր է գտնում, Պետրիտը հայտարարում է, որ դրանք իրենն են։ Ի պատասխան՝ Դրագանը հրացանի պոչով հարվածում է Պետրիտի ստամոքսին։
Ավելի ուշ Օկին գալիս է շնորհակալություն հայտնելու Պետրիտին, և նրանք հաշտվում են: Օկին կրկին գիշերը անցկացնում է Պետրիտի մոտ, բայց հաջորդ առավոտ զինվորները ներխուժում են տուն։ Պետրիտան և նրա ընտանիքը դուրս են բերվում փողոց և շարվում պատի երկայնքով, Մինչդեռ Օկին մնում է թաքնված ներսում: Երբ զինվորը սպառնում է Պետրիտին ատրճանակով, Օկին հայտնվում է՝ ուղղելով Պետրիտի ատրճանակը զինվորի վրա։ Զինվորը վերցնում է ատրճանակը, և հայտնաբերում, որ լիցքավորված չէ, և Օկին հետ է նետվում Պետրիտի ընտանիքի մոտ։ Այնուհետև մեկ այլ զինվոր նրանց բոլորին հրամայում է հեռանալ քաղաքից և հետ չնայել, այլապես կսպանվեն։ Երբ Պետրիտի ընտանիքը, Օկին և մի քանի այլ տեղացիներ իրենց ունեցվածքով դուրս էին գալիս քաղաքից, նրանք տեսան մի փոքրիկ տղայի, որը վարում էր Օկիի հեծանիվը։ Օկին հետ նայեց նրան, երբ անցնում էր կողքով և սպանվեց զինվորներից մեկի գլխին արձակված կրակոցից։ Օկայի արյունով ցողված Պետրիտը շարունակում է զբոսնել ընտանիքի հետ:
Ֆիլմի ավարտին նա հեռանում է հեծանիվով և, ի վերջո, հասնում է ամայի քաղաք՝ կարոտով նայելով քաղաքին: Ֆիլմն ավարտվում է այդ տեսարանով:
Դերերում
[խմբագրել | խմբագրել կոդը]- Լում Վեսելին՝ Պետրիտի դերում,
- Կուշտրիմ Շերեմեթին՝ Պետրիտի դերում,
- Անդի Բայգորա՝ Օկայի դերում,
- Էշրեֆ Դուրմիշին՝ Դրագանի դերում,
- Ադեմին՝ որպես զինվոր:
Ծանոթագրություններ
[խմբագրել | խմբագրել կոդը]- ↑ shootonline oscar qualifying wins
- ↑ vimooz hollyshorts winners 2015
- ↑ «dc shorts 2015 winners». Արխիվացված է օրիգինալից 2017 թ․ հուլիսի 27-ին. Վերցված է 2025 թ․ ապրիլի 23-ին.
- ↑ Johnson, Zach (2016 թ․ հունվարի 14). «Oscars 2016 Nominations: Complete List of Nominees». E! Online. Վերցված է 2016 թ․ հունվարի 14-ին.
Արտաքին հղումներ
[խմբագրել | խմբագրել կոդը]- Պաշտոնական կայք
- «Շոկ (ֆիլմ)»(անգլ.) ֆիլմը Internet Movie Database կայքում