Շոթա Վարդանյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Շոթա Վարդանյան
Ծնվել էհունվարի 6, 1946(1946-01-06) (74 տարեկան)
ԾննդավայրՁորաշեն, Շիրակի մարզ, Հայաստան
Ազգությունհայ[1]
ԿրթությունԵրևանի Մխիթար Հերացու անվան Պետական Բժշկական Համալսարան
Մասնագիտությունբժիշկ
Գիտական աստիճանբժշկական գիտությունների դոկտոր (1989)
ԱշխատավայրՌուբեն Յոլյանի անվան արյունաբանական կենտրոն և ՀՀ ԱՆ

Շոթա Արսենի Վարդանյան (հունվարի 6, 1946(1946-01-06), Ձորաշեն, Շիրակի մարզ, Հայաստան), հայ դատական բժիշկ-փորձագետ: Բժշկական գիտությունների դոկտոր (1989), բժշկագիտության և իրավունքի պրոֆեսոր (1990):

Կենսագրություն[խմբագրել | խմբագրել կոդը]

Շոթա Վարդանյանը ծնվել է 1946 թվականին Ձորաշեն գյուղում (այժմ՝ ՀՀ Շիրակի մարզ): 1970 թվականին ավարտել է Երևանի բժշկական ինստիտուտի բուժական ֆակուլտետը[2]: Ուսմանը զուգահեռ աշխատել է Երևանի Յոլյանի անվան հիվանդանոցի վիրաբուժության բաժնում: 1970-1976 թվականներին աշխատել է ավագ լաբորանտ դատական բժշկության ամբիոնում և IV բուժվարչության վիրաբուժության բաժնում որպես վիրաբույժ, 1976-1982 թվականներին՝ ՀԽՍՀ առողջապահության նախարարության դատական բժշկության Հանրապետական բյուրոյի Երևան քաղաքի դատաբժշկական փորձագետ, 1982 թվականին Երևանի բժշկական ինստիտուտի դատական բժշկության ամբիոնի ասիստենտ, 1989 թվականին՝ նույն ամբիոնի դոցենտ, նաև դատական բժշկության և իրավունքի ամբիոնի վարիչ, 1993 թվականին՝ ՀՀ առողջապահության նախարարության գլխավոր դատաբժշկական փորձագետ, 1993-2012 թվականներին՝ ՀՀ առողջապահության նախարարության Դատական բժշկության գիտագործնական կենտրոնի տնօրեն: 1993 թվականին ընտրվել է Հայաստանի դատական բժիշկների գիտական ընկերության նախագահ, 1996 թվականին նշանակվել ՀՀ առողջապահության նախարարության դատական բժիշկների լիցենզիոն հանձնաժողովի նախագահ: Եղել է ռուսաստանյան «Դատաբժշկական փորձաքննություն» ամսագրի խմբագրական կոլեգիայի անդամ:

Աշխատանքները վերաբերում են արևի ակտիվության 11-ամյա պարբերաշրջանների հետ կապված սպանությունների, ինքնասպանությունների, դժբախտ պատահարների, հանկարծամահությունների հարցերին, գերհզոր լազերի ազդեցությունը մարդու հյուսվածքների և հանգույցների վրա: Զբաղվել է նաև մարդու վրա անաղմուկ և գազային զենքերի ազդեցության հարցերով[3]:

Անդամակցություն[խմբագրել | խմբագրել կոդը]

  • Մերձբալթյան երկրների և Ռուսաստանի դատական բժիշկների միությունների պատվավոր անդամ (1992)
  • Հայաստանի դատական բժիշկների ընկերության նախագահ (1993)
  • Եվրոպայի երկրների և Ռուսաստանի դատական բժիշկների ընկերությունների պատվավոր անդամ (1994)
  • Բալթիայի երկրների մանկավարժական ակադեմիայի թղթակից անդամ (1995)
  • Էներգատեղեկատվության միջազգային ակադեմիայի իսկական անդամ (1995)
  • Դատական բժշկության, իսկ 1997թ.-ին քրեագիտության մասնագիտական լիցենզավորման հանձնաժողովի նախագահ (1996)
  • Հայաստանի վիրաբույժների միության հանձնաժողովի նախագահ (2000)
  • Ռուսաստանի բնական գիտությունների ակադեմիայի իակական անդամ և Ռուսաստանի բժշկական իրավունքի ասոցիացիայի անդամ (2001)
  • Միջերկրյա ծովի շրջակա երկրների դատական բժշկության ակադեմիայի պատվավոր անդամ (2008)
  • Եվրոպայի դատական բժիշկների ակադեմիայի պատվավոր անդամ (2012)
  • Հայաստանի բժշկական ակադեմիայի իսկական անդամ (2014)

Պարգևներ[խմբագրել | խմբագրել կոդը]

  • ՀՀ ԱՆ պատվոգիր (2003)
  • ՀՀ գլխավոր դատախազի շնորհակալագիր (2003)
  • ՀՀ ԱՆ պատվոգիր (2005)
  • Հաննովերի դատական բժիշկների Ակադեմիայի Ռենտգենի անվան մեդալ, 2005 թ.
  • ՀՀ ԱՆ շնորհակալագիր (2006)
  • ՌԴ Բժշկատեխնոլոգիական ակադեմիայի Ոսկե մեդալ, 2006 թ.
  • Երևանի Մխիթար Հերացու անվան ԵրՊԲՀ-ի Ոսկե մեդալ, 2010 թ.
  • ՀՀ ոստիկանության «Համագործակցության ամրապնդման համար» մեդալ, 2012 թ.
  • Քննչական վարչության մեդալ (2013)


Երկեր[խմբագրել | խմբագրել կոդը]

  • Դատական բժշկություն: Ուսումնական ձեռնարկ, Վարդանյան Շ. Ա, Խոստիկյան Ն. Գ, Մկրտչյան Լ. Ն, Սուքիասյան Հ. Վ. , Երևանի Մխիթար Հերացու անվան պետական բժշկական համալսարան, Դատական բժշկության ամբիոն, Երևան, հեղինակային հրատարակություն, 2010:
  • Դատական բժշկություն: Դասագիրք, Վարդանյան Շոթա Արսենի, Նազարեթյան Կոստանդին Լևոնի, Չալիկյան Է. Պ., Երևան, «Լույս», 1995:
  • Բարձրությունից վայր ընկնելու հետևանքով առաջացած մարմնական վնասվածքների դատաբժշկական փորձաքննությունը: Ուսումնա-մեթոդական ցուցումներ գործնական պարապմունքների համար, Թորոսյան Ա. Ս, Վարդանյան Շ. Ա., Պետական բժշկական ինստիտուտ, Դատական բժշկության ամբիոն, Երևան, Ա. հ., 1987:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Ով ով է. Հայեր — 2005.
  2. Ով ով է. Հայեր. Կենսագրական հանրագիտարան, հատոր երկրորդ, Երևան, 2007 
  3. «ВАРДАНЯН ШОТА АРСЕНОВИЧ - ArmenianDoctors.net»։ armeniandoctors.net (ru-ru)։ Վերցված է 2017-02-06