Շիրլի Էնն Գրաու

Վիքիպեդիայից՝ ազատ հանրագիտարանից
Jump to navigation Jump to search
Շիրլի Էնն Գրաու
Shirley-ann-grau.jpg
Ծնվել էհուլիսի 8, 1929(1929-07-08)[1] (90 տարեկան)
ԾննդավայրՕռլեան շրջան, Լուիզիանա, ԱՄՆ[2]
Մասնագիտությունգրող, վիպասան և վիպասան
Լեզուամերիկյան անգլերեն
ՔաղաքացիությունFlag of the United States.svg ԱՄՆ
ԿրթությունH. Sophie Newcomb Memorial College?[3]
Ժանրերվեպ և պատմվածք
Ուշագրավ աշխատանքներThe Keepers of the House?[4]
ՊարգևներՊուլիտցերյան մրցանակ գեղարվեստական արձակի բնագավառում[5]

Շիրլի Էնն Գրաու (անգլ.՝ Shirley Ann Grau, հուլիսի 8, 1929(1929-07-08)[1], Օռլեան շրջան, Լուիզիանա, ԱՄՆ[2]), ամերիկացի ժամանակակից գրող, Պուլիտցերյան մրցանակի դափնեկիր

Կենսագրություն[խմբագրել | խմբագրել կոդը]

Շիրլին ծնվել է Նոր Օռլեանում (Լուիզիանա նահանգ)[6] և իր ստեղծագործությունների նյութը հիմնականում վերցրել է հեռավոր ու խոր Հարավի կյանքից[6]:

Մանկությունը մեծ մասամբ անց է կացրել Ալաբամա նահանգի Մոնթգոմերի և Սելմա քաղաքներում կամ դրանց մերձակայքում, մոր հետ[7]: 1950 թվականին ավարտել է Phi Sigma Kappa[8], ապա բակալավրի որակավորումով՝ Թուլեյն համալսարանի կանանց կոորդինացման կենտրոնի Նյուքոմբ քոլեջը[9]: 1956 թվականին նրա «Սև արքայազնը» («The Black Prince») խորագիրը կրող պատմվածքների ժողովածուն Գրքի ազգային մրցանակի (National Book Award) է ներկայացվել «Գեղարվեստական արձակ» անվանակարգում: Իսկ 1964 թվականին Շիրլի Էնն Գրաուի հրատարակած «Տնպահները» («The Keepers of the House») սագան հաջորդ տարի արժանացել է Պուլիտցերյան մրցանակի՝ դարձյալ «Գեղարվեստական արձակ» անվանակարգում[10][11]: Երբ մրցութային հանձնաժողովի անդամներից մեկը հեռախոսով հայտնել է նրան այդ լուրը, Շիրլին, նրա ձայնը նմանեցնելով իր ծանոթներից մեկի ձայնին, մտածել է, որ կատակում են կամ ձեռ են առնում և վրա է բերել՝ «Չմոռանաք, որ ես նաև Անգլիայի թագուհին եմ», ու կախել է լսափողը: Կարճ ժամանակ անց Շիրլիին զանգահարել է նաև «Տնպահները» գրքի հրատարակիչը ու շփոթահար կին գրողին հայտնել, որ առանց կատակի՝ Շիրլիին Պուլիտցերյան մրցանակ է շնորհվել[12]:

Նրա ստեղծագործություններում գլխավորապես արծարծվում են ռասայական և սեռային անհավասարությանն առնչվող հիմնահարցեր, գեղարվեստի միջոցներով հետազոտվում են մահվան, կործանումի, հղիության արհեստական ընդհատման և համանման այլ թեմաներ՝ հիմնականում Ալաբամայի կամ Լուիզիանայի անցյալից վերցված նյութի հիման վրա[13]: Եվ չնայած Շիրլին իր գրվածքների նյութը չի սահմանափակում հեռավոր ու խոր Հարավով կամ միայն կանանց հիմնախնդիրների մասին պատմություններով, նրան առաջին հերթին համարում են ֆեմինիստական և Հարավի մասին գրականության կարևոր ներկայացուցիչներից մեկը[14]:

Մատենագրություն[խմբագրել | խմբագրել կոդը]

  • «Սև արքայազնը» /The Black Prince, and Other Stories (պատմվածքներ, 1955)[9]
  • «Ծանր կապույտ երկինք» /The Hard Blue Sky (1958)[9]
  • «Կոլիզեյ փողոցի տունը» /The House on Coliseum Street (1961)[9]
  • «Տնպահները» /The Keepers of the House (1964)[9]
  • «Կոնդորն է անցնում» /The Condor Passes (1971)[9]
  • «Արևմուտքը ցնցող քամին» /The Wind Shifting West (պատմվածքներ, 1973)[9]
  • «Սիրո վկայություն» /Evidence of Love (1977)[9]
  • «Ինը կին» /Nine Women (պատմվածքներ, 1986)[9]
  • «Ոտքով ճանապարհ գնացողները» /Roadwalkers (1994)[9]
  • «Ընտիր պատմվածքներ» /Selected Stories (2006)

Ծանոթագրություններ[խմբագրել | խմբագրել կոդը]

  1. 1,0 1,1 FemBio
  2. 2,0 2,1 2,2 German National Library, Berlin State Library, Bavarian State Library et al. Record #118718509 // Gemeinsame Normdatei — 2012—2016.
  3. Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 453.
  4. https://openlibrary.org/works/OL2949615W/The_keepers_of_the_house
  5. http://www.pulitzer.org/winners/shirley-ann-grau
  6. 6,0 6,1 «Shirley Ann Grau, Never Backing Down»։ The Washington Post։ 2003-12-26։ Արխիվացված է օրիգինալից 2012-11-05-ին։ Վերցված է 2011-01-08 
  7. «Interview with Deep South Magazine»։ Վերցված է July 28, 2017 
  8. «Shirley Ann Grau Biography»։ biography.jrank.org (անգլերեն)։ Վերցված է July 4, 2017 
  9. 9,0 9,1 9,2 9,3 9,4 9,5 9,6 9,7 9,8 9,9 «Grau, Shirley Ann»։ Contemporary Novelists։ 2001-01-01։ Վերցված է 2011-01-08 (չաշխատող հղում)
  10. «Pulitzer Winner Writes Between Domestic Crises»։ Edmonton Journal։ 1965-07-05։ էջ 13։ Վերցված է 2011-01-08 
  11. Allen-Taylor, J. Douglas (1998). "The World According To Grau", Metro Newspaper, San Jose, California (February 26, 1998)
  12. «The Undramatic Life of Shirley Ann Grau»։ Deep South Magazine։ October 31, 2013։ Վերցված է July 4, 2017 
  13. «Shirley Ann Grau profile»։ Encyclopedia of Alabama։ Վերցված է July 4, 2017 
  14. «Shirley Ann Grau - Know Louisiana»։ Know Louisiana։ Վերցված է July 4, 2017 

Արտաքին հղումներ[խմբագրել | խմբագրել կոդը]