Շերտագլուխ եղեգնաթռչնակ

Շերտագլուխ եղեգնաթռչնակ
Շերտագլուխ եղեգնաթռչնակ
Դասակարգում
Թագավորություն	Կենդանիներ (Animalia)
Տիպ/Բաժին	Քորդավորներ (Chordata)
Ենթատիպ	Ողնաշարավորներ (Vertebrata)
Դաս	Թռչուններ (Aves)
Կարգ	Ճնճղուկազգիներ (Passeriformes)
Ընտանիք	Acrocephalidae
Ցեղ	Եղեգնաթռչնակներ (Acrocephalus)
Տեսակ	Շերտագլուխ եղեգնաթռչնակ (A. schoenobaenus)
Միջազգային անվանում
Acrocephalus schoenobaenus Linnaeus, 1758
Տարածվածություն և պահպանություն
Հատուկ պահպանության կարգավիճակ՝ Քիչ մտահոգող տեսակ Տաքսոնի տարածվածությունը

Շերտագլուխ եղեգնաթռչնակ, (լատին․՝ Acrocephalus schoenobaenus), շահրիկների ընտանիքի թռչուն։

Արտաքին տեսք

Մարմնի երկարությունը՝ 13 սմ է, թևերի բացվածքը՝ 17-21 սմ, կենդանի զանգվածը՝ 11-15 գ։ Փետրածածկը խայտավոր է, պոչը՝ կարճ։ Հասունի հոնքը աղոտ սպիտակ է, գագաթի կողմնային շերտերը և ակնաշերտը՝ սև։ Վերևից մոխրադարչնագույն է՝ մուգ խայտերով, գոտկատեղը՝ շիկակարմիր-դարչնագույն։ Երիտասարդի կրծքի վրա կա մանր պտերից կազմված լայնակի շերտ։ Երգում է՝ թփի ծայրին նստած կամ հարսանեկան թռիչքի ընթացքում։ Բնակվում է ճահճուտներում, բոշխային մարգագետիններում։

Սննդառություն

Սնվում է անողնաշարավորներով։

Բազմացում

Գարնանային վերադարձը՝ մայիսի 1-ին տասնօրյակից։ Հարսանեկան զույգերը ձևավորվում են մայիսի վերջ հունիսին, որին զուգահեռ հայտնվում են ձվադրմանը պատրաստ կամ 1-3 ձվերի առկայությամբ բներ։

Բնադրում

Բույնը գավաթաձև է (տրամագիծը՝ 8 սմ)՝ խոտաբույսերից՝ հյուսված թփուտներին կամ բարձր խոտաբույսերին։ Դնում է 18 մմ տրամագծով, ձիթապտղագույն-դարչնագույն՝ մուգ կանաչ պտերով 5-6 ձու։ Բնում կերակրվող ձագերը գրանցված են հունիսի վերջին, կրկնակի բնադրման դեպքում՝ հուլիսին, թռիչքին ոչ հմուտ տիրապետողները (ծնողների հետ)' մինչև հուլիսի վերջը։

Կենսակերպ

Բնադրող-չվող է, քիչ տարածված։ Երիտասարդ թռչունների թիվը կտրուկ աճում է օգոստոս-սեպտեմբերին։ Աշնանային չուն՝ մինչև սեպտեմբերի 1-ին կեսերը։ Կենսակերպի այլ առանձնահատկություններին վերաբերող տվյալները բացակայում են։