Շերիֆ Իսմայիլ

Վիքիպեդիայից՝ ազատ հանրագիտարանից
Շերիֆ Իսմայիլ
 
Կուսակցություն՝ անկախ քաղաքական գործիչ
Կրթություն՝ Այն Շամս համալսարան (1978)
Մասնագիտություն՝ քաղաքական գործիչ և ճարտարագետ-մեխանիկ
Դավանանք իսլամ
Ծննդյան օր հուլիսի 6, 1955(1955-07-06)
Ծննդավայր Կահիրե, Եգիպտոս
Վախճանի օր փետրվարի 4, 2023(2023-02-04)[1] (67 տարեկան)
Վախճանի վայր Կահիրե, Եգիպտոս
Քաղաքացիություն  Եգիպտոսի Հանրապետություն,  Արաբական Միացյալ Հանրապետություն և  Եգիպտոս

Շերիֆ Իսմայիլ (արաբ․՝ شريف إسماعيل‎‎, հուլիսի 6, 1955(1955-07-06), Կահիրե, Եգիպտոս - փետրվարի 4, 2023(2023-02-04)[1], Կահիրե, Եգիպտոս), եգիպտացի քաղաքական գործիչ, 2013 թվականի հուլիսի 16-ից մինչև 2015 թվականի սեպտեմբերի 12-ը եղել է նավթի նախարար, 2015 թվականի սեպտեմբերի 19-ից մինչև 2018 թվականի հունիսի 14-ը՝ Եգիպտոսի վարչապետ։

Կենսագրություն[խմբագրել | խմբագրել կոդը]

Գործունեություն[խմբագրել | խմբագրել կոդը]

Իսմայիլ Շերիֆը ծնվել է 1955 թվականի հուլիսի 6-ին Եգիպտոսում[2]։ 1978 թվականին ավարտել է Այն-Շամսի համալսարանի մեխանիկայի ֆակուլտետը՝ ինժեներիայի բակալավրի աստիճանով[3][4]։

Որոշ ժամանակ աշխատելով «Mobil» ընկերությունում՝ 1979 թվականին Իսմայիլը տեղափոխվել է «Enppi» պետական նավթաքիմիական և գազային ընկերություն։ Գործունեությունը սկսել է իբրև հասարակ ինժեներ, հետագայում դարձել է այդ ընկերության տնօրենների խորհրդի անդամ և տեխնիկական հարցերով գլխավոր տնօրեն[5]։ 2000-2005 թվականներին Իսմայիլը զբաղեցրել է նավթի և նավթագազային գործառնությունների հարցերով նախարարի տեղակալի պաշտոնը։ Ավելի ուշ նա Եգիպտոսի 2002 թվականին ստեղծված նավթաքիմիական հոլդինգային ընկերության (ECHEM) գործադիր փոխնախագահն էր, ապա նախագահը[6][7]։ 2005 թվականին Իսմայիլը նշանակվել է եգիպտական բնական գազի հոլդինգային ընկերության (EGAS) նախագահ[8], ավելի ուշ՝ Գանուբ Էլ-Վադի նավթային հոլդինգային ընկերության կառավարիչ-տնօրեն[9], իսկ 2007 թվականին՝ նախագահ[10]։ Այդ պաշտոններում նա կարգավորել է գազի արտահանումը Հորդանան, Իսրայել և Իսպանիա՝ համարելով այն շահավետ գործ, որը երկրին արժույթ է բերում[11]։ Ընդ որում, 2005 թվականին կառավարությունը համաձայնել է գազ արտահանել Իսրայել միջին միջազգային գներով, ինչի արդյունքում երկիրը իլիոնավոր դոլարներ է կորցրել, և 2012 թվականին նավթի նախարար Սամեհ Ֆահմիին և կործանված նախագահ Հոսնի Մուբարաքի լավագույն ընկեր Հուսեյն Սալեմը դատապարտվեցին 15 տարվա ազատազրկման պետական միջոցները յուրացնելու համար, ինչի մեջ Իսմայիլի ցուցմունքները կարևոր դեր են խաղացել[12]։ 2013 թվականին նա հեռացել է բոլոր պաշտոններից[13]։

Նավթի նախարար[խմբագրել | խմբագրել կոդը]

Ռազմական հեղաշրջումից և նախագահ Մուհամմեդ Մուրսիի տապալումից հետո[14]՝ 2013 թվականի հուլիսի 16-ին, վարչապետ Հազեմ ալ-Բաբլաուին նոր կառավարությունում նշանակել է Իսմայիլին նավթի նախարարի պաշտոնում[15]՝ Շերիֆ Հադարայի փոխարեն[16]։ Երդումից հետո առաջին հայտարարության մեջ նա մատնանշել է Եգիպտոսի արդյունաբերության առաջնահերթությունները, որոնք ներառել են նավթի և բնական գազի շուկայի ներքին պահանջների առավելագույն բավարարումը՝ բաց հանքավայրերից արտադրության տեմպերի ավելացման, օտարերկրյա գործընկերների և ներդրումների խրախուսման, զարգացման գործընթացների արագացման և գիտահետազոտական գործունեության խորացման միջոցով[17]։ Նույն օրը Իսմայիլը խոստացել է առաջիկա երեք ամիսների ընթացքում Եգիպտոսին վառելանյութով և բենզինով ապահովելու միջոցառումների վրա աշխատանքներն ավարտել, իսկ Կահիրեի և Տրիպոլիի միջև համաձայնագիր է կնքվել լիբիական նավթի միլիոնավոր բարել ամսական մատակարարումների մասին[18]։

Բաբլաուիի անսպասելի հրաժարականից հետո[19] Իսմայիլը պահպանել է իր պաշտոնը առաջին[20], երկրորդ[21] և երրորդ կառավարություններում[22]։ Նախարար Իսմայիլին կից կառավարությունը վառելիքի գները բարձրացրել է 78 տոկոսով, որպեսզի կրճատի սուբսիդիաները 2013 և 2014 թվականների ֆինանսական տարում ՀՆԱ-ի 12-ից մինչև 10 տոկոսը բյուջեի դեֆիցիտի կրճատման ավելի լայն ծրագրի շրջանակներում[23], իսկ իտալական «Eni» ընկերությունը հայտարարել Է Միջերկրական ծովում շուրջ 100 քառակուսի կիլոմետր երկարությամբ խոշորագույն հանքավայրի բացման մասին և 30 խորանարդ ոտնաչափ ծավալով բնական գազի ծավալը ծովում Եգիպտոսի հյուսիսային ափին[24]։ 2015 թվականի հուլիսի 24-ին` կառավարության անդամների Իտալիա կատարած այցի ընթացքում, ստորագրվել են 8 միլիարդ 488 միլիոն դոլար արժողությամբ էներգետիկայի ոլորտում համագործակցության ութ համաձայնագրեր, ներառյալ պայմանագիրը, որը լրացրել է դելտա Նիլի օֆշորային գոտում գազի խոշոր հանքավայրի հետախուզված «Eni»-ի համատեղ մշակման շրջանակային փաստաթուղթը՝ Աբու Մադիի գազային կայանի հզորությունն ավելացնելու նպատակով, ինչպես նաև արձանագրություն, որը նախատեսել է առաջիկա չորս տարում 5 միլիարդ դոլարի կապիտալ ներդրումների իրականացում[25][26]։ Դրան զուգահեռ Իսմայիլը նշել է, որ տվյալ հանքավայրի մշակման համար «Շուրուք» անվանումը կստանա չորս տարի[27], այն դեպքում, երբ բնական գազի պաշարների նման չափի հայտնաբերումը չի ազդի Իսրայելում այդ ռեսուրսի գնման շուրջ բանակցությունների վրա[28]։ Պայմանագիր կնքվել է նաև բրիտանական «BP» ընկերության հետ 12 միլիարդ դոլարի չափով՝ Նեղոսի հովտում նավթի և գազի վերջերս բացված հանքավայրերի մշակման համար[29], իսկ Կիպրոսի կառավարության հետ պայմանավորվածություն ձեռք է բերվել եգիպտական գործարաններին բնական գազի ուղիղ խողովակաշարով մատակարարելու մասին, որը արդյունահանվել է «Աֆրոդիտե» հանքավայրում, ինչպես ներքին պահանջների բավարարման, այնպես էլ այլ երկրներ հնարավոր վերաարտահանման համար[30]։ Բացի այդ, 2015-2019 թվականներին պայմանավորվածություն է ձեռք բերվել ռուսական «Գազպրոմ» ընկերության հետ 2015-2019 թվականներին երկարաժամկետ գործընկերության շրջանակներում Եգիպտոս հեղուկացված բնական գազի 35 խմբաքանակ մատակարարելու վերաբերյալ՝ զուգահեռ այն բանի հետ, որ մեծությամբ երկրորդ ռուսական նավթային «Լուկօյլ» ընկերությունն ավելացրել է արդյունահանումը՝ հասցնելով մինչև 16 տոկոս[31]։

Եգիպտոսի վարչապետ[խմբագրել | խմբագրել կոդը]

2015 թվականի սեպտեմբերի 12-ին Մահլաբը հայտարարել է կառավարության հրաժարականի մասին, որն ընդունել էր նախագահ Աբդել Ֆաթթահ Ալ-Սիսին, որը խնդրել է նրան շարունակել իր պարտականությունները մինչև նախարարների նոր կաբինետի ձևավորումը, որը հանձնարարված էր Շերիֆ Իսմայիլին[32]։ Սեպտեմբերի 19-ին Իսմայիլը նախագահ Ալ-Սիսիի առաջ երդում է տվել 33 նախարարներից բաղկացած կառավարությանը, որոնցից 16-ը նոր էին, բայց չեն զբաղեցրել առանցքային պաշտոններից ոչ մեկը[33][34][35][36]։ Նավթի նախարարի պաշտոնում Իսմայիլին փոխարինել է Թարիք ալ-Մուլլան[3]։ Նոր կառավարությունը ձևավորվել է խորհրդարանի երկար սպասված ընտրություններից մի քանի ամիս առաջ, որը պետք է որոշում կայացնի կառավարության քաղաքական և տնտեսական կուրսի վստահության քվեի վերաբերյալ, որը կարող էր հաջողություն արձանագրել ոչ ֆլիկտային վարչապետի համար։

Անձնական կյանք[խմբագրել | խմբագրել կոդը]

Ամուսնացած է, ունի երկու զավակ[37]։ Համարվում է տեխնոկրատ, խուսափում է լրագրողների ուշադրությունից, քաղաքական կուսակցություններին անդամակցության պատմություն չունի։

Ծանոթագրություններ[խմբագրել | խմբագրել կոդը]

  1. 1,0 1,1 1,2 وفاة المهندس شريف إسماعيل رئيس وزراء مصر السابقYoum7, 2023.
  2. «Sherif Ismail. Prime Minister mystery». Al Bawaba. 2015 թ․ սեպտեմբերի 14. Արխիվացված է օրիգինալից 2016 թ․ մարտի 8-ին. Վերցված է 2015 թ․ սեպտեմբերի 19-ին.
  3. 3,0 3,1 «Who's Who in Egypt's New Cabinet». Al-Ahram. 2015 թ․ սեպտեմբերի 19. Արխիվացված է օրիգինալից 2015 թ․ սեպտեմբերի 21-ին. Վերցված է 2015 թ․ սեպտեմբերի 19-ին.
  4. «Sherif Ismail. Minister Profile». Министерство нефти и минеральных ресурсов Египта. 2013 թ․ հուլիսի 16. Վերցված է 2015 թ․ սեպտեմբերի 19-ին.
  5. «Sherif Ismail Appointed Egypt's New Prime Minister After Cabinet Resignation». Egyptian Streets. 2015 թ․ սեպտեմբերի 12. Վերցված է 2015 թ․ սեպտեմբերի 19-ին.
  6. Pavel Bogomolov Thirty years later (und) // Oil of Russia. — 2004. — № 3.
  7. Pascal Belda Ebizguide Egypt. — MTH Multimedia S.L., 2005. — С. 255. — ISBN 9788493397807
  8. «On working meeting of Alexander Medvedev, Hany Soliman Ali, Sherif Soussa and Ibrahim Ahmed». Газпром. 2006 թ․ դեկտեմբերի 26. Արխիվացված է օրիգինալից 2016 թ․ օգոստոսի 1-ին. Վերցված է 2015 թ․ սեպտեմբերի 19-ին.
  9. «Egypt expects $8 bln in petroleum investments, says minister». Cairo: Arab Finance. 2012 թ․ փետրվարի 21. Վերցված է 2015 թ․ սեպտեմբերի 19-ին.
  10. Werr, Patrick (2013 թ․ հունիսի 16). «State holding company executive appointed Egypt's oil minister». Reuters. Արխիվացված է օրիգինալից 2015 թ․ սեպտեմբերի 24-ին. Վերցված է 2015 թ․ սեպտեմբերի 19-ին.
  11. «Meet Egypt's new Prime Minister: Sherif Ismail». Mada Masr. 2015 թ․ սեպտեմբերի 13. Արխիվացված է օրիգինալից 2016 թ․ մարտի 15-ին. Վերցված է 2015 թ․ սեպտեմբերի 19-ին.
  12. «About Egypt's latest PM Sherif Ismail». Egyptian Chronicles. 2015 թ․ սեպտեմբերի 13. Վերցված է 2015 թ․ սեպտեմբերի 19-ին.
  13. «Egypt: Former Petroleum Minister Sherif Ismail to Form a New Government». AllAfrica.com. 2015 թ․ սեպտեմբերի 12. Վերցված է 2015 թ․ սեպտեմբերի 19-ին.
  14. «Sherif Ismail sworn-in as Egyptian prime minister». Business Standard. 2015 թ․ սեպտեմբերի 19. Վերցված է 2015 թ․ սեպտեմբերի 19-ին.
  15. «New Egyptian Interim Cabinet Sworn Into Office». Radio Free Europe. 2013 թ․ հուլիսի 16. Վերցված է 2015 թ․ սեպտեմբերի 19-ին.
  16. Tarek El Tablawy; Alaa Shahine (2013 թ․ մայիսի 7). «Egypt to Replace Finance Minister in Cabinet Reshuffle». Bloomberg. Վերցված է 2015 թ․ սեպտեմբերի 19-ին.
  17. «After taking in the constitutional oath: Eng. Sherif Ismail determines the most important priorities of the current stage». Министерство нефти и минеральных ресурсов Египта. 2013 թ․ հուլիսի 16. Վերցված է 2015 թ․ սեպտեմբերի 19-ին.
  18. «Египетский премьер получил особые полномочия». Вести.ру. 2013 թ․ հուլիսի 28. Վերցված է 2015 թ․ սեպտեմբերի 19-ին.
  19. «Кабинет министров Египта подал в отставку, президент поручил бывшему министру нефти Шерифу Исмаилу сформировать новое правительство». Синьхуа. 2015 թ․ սեպտեմբերի 12. Վերցված է 2015 թ․ սեպտեմբերի 19-ին.
  20. «Egypt's new cabinet sworn in». Al-Ahram. 2014 թ․ մարտի 1. Արխիվացված է օրիգինալից 2016 թ․ հունվարի 27-ին. Վերցված է 2015 թ․ սեպտեմբերի 19-ին.
  21. «New government swears in». The Cairo Post. 2014 թ․ հունիսի 17. Վերցված է 2015 թ․ սեպտեմբերի 19-ին.
  22. «Egyptian interior minister replaced as part of larger cabinet changes». Al-Ahram. 2015 թ․ մարտի 5. Արխիվացված է օրիգինալից 2015 թ․ մարտի 13-ին. Վերցված է 2015 թ․ սեպտեմբերի 19-ին.
  23. «Egypt to raise fuel prices by up to 78 percent from midnight». Reuters. 2014 թ․ հուլիսի 4. Արխիվացված է օրիգինալից 2015 թ․ հուլիսի 29-ին. Վերցված է 2015 թ․ սեպտեմբերի 19-ին.
  24. «Eni discovers 'supergiant' gasfield near Egypt». Financial Times. 2015 թ․ օգոստոսի 30. Վերցված է 2015 թ․ սեպտեմբերի 19-ին.
  25. «Sherif Ismail Signs Update to Eni Agreement». Egypt Oil & Gas. 2015 թ․ հուլիսի 26. Արխիվացված է օրիգինալից 2016 թ․ հունվարի 26-ին. Վերցված է 2015 թ․ սեպտեմբերի 19-ին.
  26. «Италия и Египет договорились об активизации усилий по борьбе с терроризмом». Euronews. 2015 թ․ հուլիսի 26. Վերցված է 2015 թ․ սեպտեմբերի 19-ին.
  27. «Начнет ли Египет газовую войну?». ИноСМИ.ру. 2015 թ․ սեպտեմբերի 9. Վերցված է 2015 թ․ սեպտեմբերի 19-ին.
  28. «Миннефти Египта: открытие месторождения газа не повлияет на переговоры с Израилем». Reuters. 2015 թ․ սեպտեմբերի 2. Արխիվացված է օրիգինալից 2016 թ․ հունվարի 25-ին. Վերցված է 2015 թ․ սեպտեմբերի 19-ին.
  29. «Египет и британская BP подписали контракт на сумму $12 млрд». Русевик. 2015 թ․ մարտի 14. Արխիվացված է օրիգինալից 2016 թ․ հունվարի 26-ին. Վերցված է 2015 թ․ սեպտեմբերի 19-ին.
  30. «Кипр готов поставлять в Египет природный газ». ТАСС. 2014 թ․ նոյեմբերի 25. Վերցված է 2015 թ․ սեպտեմբերի 19-ին.
  31. «Интервью с Министром нефти Египта Шерифом Исмаилом». Нефтегазовая Вертикаль. 2015 թ․ մարտի 12. Արխիվացված է օրիգինալից 2016 թ․ հունվարի 25-ին. Վերցված է 2015 թ․ սեպտեմբերի 19-ին.
  32. «Egypt's Sisi accepts resignation of Prime Minister Ibrahim Mahlab and cabinet». Al-Ahram. 2015 թ․ սեպտեմբերի 12. Արխիվացված է օրիգինալից 2015 թ․ սեպտեմբերի 26-ին. Վերցված է 2015 թ․ սեպտեմբերի 19-ին.
  33. «Sherif Ismail's cabinet sworn in». Daily News Egypt. 2015 թ․ սեպտեմբերի 19. Վերցված է 2015 թ․ սեպտեմբերի 19-ին.
  34. «Sherif Ismail heads new Egypt government». Euronews. 2015 թ․ սեպտեմբերի 19. Վերցված է 2015 թ․ սեպտեմբերի 19-ին.
  35. «В Египте приведено к присяге новое правительство». Радио Свобода. 2015 թ․ սեպտեմբերի 19. Վերցված է 2015 թ․ սեպտեմբերի 19-ին.
  36. «Президент Египта привел к присяге новое правительство». BBC Russian. 2015 թ․ սեպտեմբերի 19. Վերցված է 2015 թ․ սեպտեմբերի 19-ին.
  37. «Meet Egypt's new Prime Minister Sherif Ismail». Al-Ahram. 2015 թ․ սեպտեմբերի 12. Արխիվացված է օրիգինալից 2017 թ․ օգոստոսի 27-ին. Վերցված է 2015 թ․ սեպտեմբերի 19-ին.

Արտաքին հղումներ[խմբագրել | խմբագրել կոդը]

  • «Շերիֆ Իսմայիլ». Էջը Եգիպտոսի նավթի և հանքային ռեսուրսների նախարարության կայքում.