Շեյսի ապստամբություն (1786-1787)

Վիքիպեդիայից՝ ազատ հանրագիտարանից
Jump to navigation Jump to search

Շեյսի ապսատմբություն, 1786-1787, չքավոր ֆերմերների ապստամբություն ԱՄՆ-ում Անկախության պատերազմի ավարտից հետո, դասակարգային պայքարի սրման պայմաններում։ Ապստամբության ղեկավարն էր չքավոր ֆերմեր Դանիել Շեյսը (այստեղից էլ «Շեյսի ապսատմբություն» անվանումը), որն աչքի էր ընկել Անկախության պատերազմի ժամանակ, ստացել կապիտանի կոչում։ Ապստամբները (մանր ֆերմերներ, արհեստավորներ, նախկին զինվորներ, շուրջ 8-10 հազար մարդ) չունեին հստակ ծրագիր պահանջում էին հողի և հարստության բաժանում, բոլոր պարտքերի վերացում և արդարացի դատավարություն։ Մի շարք քաղաքներում ապստամբները հարձակվել են դատարանների վրա, ոչնչացրել բռնագանձումների վերաբերյալ գործերը, ազատել պարտապաններին։ 1787 թվականի հունվարի 25-ին Դանիել Շեյսն ապստամբների ջոկատով (1200 մարդ) փորձել է գրավել Սփրինգֆիլդի զինանոցը, բայց՝ անհաջող։ Փետրվարին կառավարական զորքերին հաջողվել է ճնշել ապստամբությունը։ Շեյսի ապսատմբությունը ԱՄՆ-ում 18-րդ դարի վերջին քառորդի դեմոկրատական շարժման բարձրակետն էր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 479 CC-BY-SA-icon-80x15.png