Շելի Լոնգ

Շելի Լոնգ
Ծնվել է	օգոստոսի 23, 1949(1949-08-23) (73 տարեկան)
Ծննդավայր	Ֆորտ Ուեյն, Ինդիանա
Կրթություն	Հյուսիսարևմտյան համալսարանի հաղորդակցության դպրոց և South Side High School?
Քաղաքացիություն	ԱՄՆ
Մասնագիտություն	դերասանուհի, մոդել, հեռուստատեսային դերասանուհի, կինոդերասանուհի, կինոպրոդյուսեր և թատրոնի դերասանուհի
Ամուսին(ներ)	Bruce Tyson?
Պարգևներ և մրցանակներ	«Էմմի» մրցանակ կատակերգական սերիալում լավագույն կանացի դերի համար Golden Globe Award for Best Supporting Actress – Series, Miniseries or Television Film? և «Ոսկե գլոբուս» մրցանակ հեռուստատեսային սերիալում կանանց լավագույն դերի համար ՝ կատակերգություն կամ մյուզիքլ

Շելի Լի Լոնգ (անգլ.՝ Shelley Lee Long, օգոստոսի 23, 1949(1949-08-23), Ֆորտ Ուեյն, Ինդիանա), ամերիկացի դերասանուհի, առավել հայտնի է դարձել` խաղալով Դայան Չեմբերսի դերը «Ուրախ ընկերություն» կատակերգական հեռուստասերիալում, որի համար արժանացել է «Էմիի» և երկու «Ոսկե գլոբուս» մրցանակների։ Նաև հայտնի է դարձել այլ՝ «Գիշերային հերթափոխ» (1982 թ.), «Անհամատեղելի հակասություններ» (1984 թ.), «Պրորվա» (1986 թ.), «Խելահեղ փողերը» (1987 թ.), «Կրկին բարև» (1987 թ.), «Բևերլի Հիլլզի վաշտը» (1989 թ.) կատակերգական ֆիլմերում, նաև նկարահանվել է «Ֆիլմ Բրեյդի փոքրիկ ընտանիքի մասին» և Բժիշկ «Թ-ին» և նրա կինը» (2000 թ.):

Վաղ տարիներ

Շելին ծնվել է 1949 թվականի օգոստոսի 23-ին Ինդիանայում, Ֆորտ Ուեյ քաղաքում։

Կարիերա

Լոնգը իր կարիերան սկսել է որպես մոդել` նկարվելով գովազդների համար։ Մի քանի ֆիլմերում դեր ստանալուց հետո, նա 1980 թվականին նշել է իր նորամուտը մեծ էկրան՝ նկարվելով «Վերջին ամուսնական զույգը Ամերիկայում» ֆիլմում։ Մեկ տարի անց նկարահանվել է «Քարանձավի մարդը» ֆիլմում։

Լոնգը մեծ ճանաչում է ձեռք բերե՝լ խաղալով «Գիշերային հերթափոխ» ֆիլմի գլխավոր դերը։ Ֆիլմը թողարկվել է 1982 թվականին։ Ավելի ուշ նա խաղացել է գլխավոր դեր կատակերգական «Կորցնելով դա» ֆիլմում։ 1982 թվականին նա ստացել է գլխավոր դեր «Ուրախ ընկերություն» հեռուստասերիալում, որով նա նույնպես մեծ ճանաչում է ձեռք բերել և արժանացել շատ պարգևների։ Նկարահանումների ընդմիջումների ժամանակ ևս նա շարունակել է նկարահանվել ֆիլմերում։ 1984 թվականին նա արժանացել է «Ոսկե գլուբուս» պարգևին «Անհամատեղելի հակասություններ» ֆիլմում գլխավոր դերի համար։ Հետագայում հաջորդել են մյուս ֆիլմերը՝ «Պրորվա» (1986 թ.) Թոմա Հենկսի հետ, «Խենթ փողերը» (1987 թ.) Բետ Միդելրի հետ և «Կրկին բարև» (1987 թ.): Դրան հաջորդել են գլխավոր դերեր «Գործարար աղջիկը» և «Իմ խորթ մայրը» ֆիլմերում, սակայն նա հրաժարվել է նկարահանվել «Իմ խորթ մայրը» ֆիլմում։

1987 թվականին Լոնգը լքեց «Ուրախ ընկերություն» հեռուստասերիալը։ Խոսակցություններ կային, որ Լոնգը լքել է հեռուստասերիալը բացառապես ֆիլմերում նկարահանվելու համար, սակայն դերասանուհին հերքել է դա։

Հեռուստասերիալից դուրս գալուց հետո նա ստացել և խաղացել է գլխավոր դեր «Բեվերլի Հիլլզի վաշտը» ֆիլմում։ Ֆիլմը թողարկվել է 1989 թվականին։

1995 թվակականին նա խաղացել է կատակերգական «Ֆիլմ Բրեյդի մասին» ֆիլմում։ Ֆիլմը մեծ հաջողություններ է ունեցել, այդ իսկ պատճառով նկարահանվել են «Բրեյդի փոքրիկ ընտանիքը 2» (1996 թ.) և «Բրեյդի փոքրիկ ընտանիքը «Սպիտակ տանը» (2002 թ.) ֆիլմերը։ 1990- ականների վերջին Լոնգը դադարեցրեց իր կարիերան և սկսեց զբաղվել երեխաների դաստիարակությամբ։ 2000 թվականին նա նկարահանվել է «Բժիշկ «Թ-ին» և նրա կինը» ֆիլմում, Ռիչարդ Գիրի հետ։

Անձնական կյանքը

1979 թվականին Լոնգը հանդիպեց Բրյուսա Թայսոնին։ Նրանք ամուսնացան 1981 թվականին և 1985 թվականի մարտի 27-ին ծնվեց նրանց աղջիկը՝ Ջուլիանան։ Լոնգը և Թայսոնը հեռացել են իրարից 2003 թվականին, ամուսնալուծվել են 2004 թվականին։

2004 թվականի նոյեմբերին Լոնգը հայտնվեց հիվանդանոցում անզգայացնող դեղամիջոցների գերդոզավորումից։

Մրցանակներ

Էմի

• 1983 թվական, Կատակերգական «Ուրախ ընկերություն» հեռուստասերիալի գլխավոր դերասանուհի

Ոսկե Գլոբուս

• 1984 թվական, Լավագույն գլխավոր դերակատար «Ուրախ ընկերություն» հեռուստասերիալում
• 1983 թվական, Լավագույն երկրորդ պլանի գլխավոր դերասանուհի «Ուրախ ընկերություն» հեռուստասերիալում

Էմի անվանակարգում

• 1984 թվականին արժանացել է «Ուրախ ընկերություն» կատակերգական հեռուստասերիալի լավագույն դերասանուհի
• 1985 թվականին արժանացել է «Ուրախ ընկերություն» կատակերգական հեռուստասերիալի լավագույն դերասանուհի
• 1986 թվականին արժանացել է «Ուրախ ընկերություն» կատակերգական հեռուստասերիալի լավագույն դերասանուհի
• 1993 թվականին արժանացել է «Ուրախ ընկերություն» կատակերգական հեռուստասերիալի լավագույն դերասանուհի
• 1995 թվականին արժանացել է «Ֆրեյզեր» կատակերգական հեռուստասերիալի լավագույն դերասանուհի

Ընտիր ֆիլմագրություն

• Բանալի (1977 թ.) (Ձայն)
• Ընկերների նեղ շրջապատ (1980 թ.)
• Քարանձավի մարդ (1981 թ.)
• Գիշերային հերթափոխ (1982 թ.)
• Կորցնելով դա (1983 թ.)
• Բարի գալուստ դրախտ (1984 թ.)
• Անհամատեղելի հակասություններ (1984 թ.)
• Պարտքի փոսը (1986 թ.)
• Խենթ փողերը (1987 թ.)
• Կրկին բարև (1987 թ.)
• Բեվերլի Հիլլզի վաշտը (1989 թ.)
• Նրան իմ մասին՝ ոչ մի խոսք (1990 թ.)
• Սառեցված գանձեր (1992 թ.)
• Բրեդի փոքրիկ ընտանիքը (1995 թ.)
• Բրեդի փոքրիկ ընտանիքը 2 (1996 թ.)
• Ռեգթայմի արկածները (1998 թ.)
• Բժիշկ «Թ-ին» և նրա կինը (2000 թ.)
• Վստահիր ինձ (2005 թ.)
• Մեղրամիս մոր հետ (2006 թ.)
• A Couple of White Chicks at the Hairdresser (2007 թ.)