Շատ քաղցած թրթուրը
Շատ քաղցած թրթուրը անգլ.՝ The Very Hungry Caterpillar | |
---|---|
Տեսակ | գրական ստեղծագործություն |
Ձև | նկարազարդ գիրք |
Հեղինակ | Էրիկ Քարլ |
Երկիր | ԱՄՆ |
Բնագիր լեզու | անգլերեն |
Հրատարակչություն | G. P. Putnam's Sons, Hamish Hamilton? և Human & Rousseau? |
Հրատարակվել է | հունիսի 3, 1969 |
«Շատ քաղցած թրթուրը» (անգլ.՝ «The Very Hungry Caterpillar»), ամերիկացի գրող Էրիկ Կարլի մանկական նկարազարդ գիրքը։ Հրատարակվել է 1969 թվականին, հետագայում բազմիցս վերահրատարակվել է։ Գիրքը պատմում է թրթուրի մասին՝ մինչև նրա թիթեռ դառնալը։ Այն լույս է տեսել ստվարաթղթե էջերով, աչքի ընկնող առանձնահատկությունն ստվարաթղթում արված անցքերն են (որոնք «կերել էր» թրթուրը)։
Գրքի ընդհանուր տպաքանակը կազմել է ավելի քան 30 միլիոն օրինակ, այն դարձել է պատմության մեջ ամենավաճառվող գրքերից մեկը։ Գիրքը մեծ ճանաչում է գտել անգլախոս երկրներում, արժանացել է բազմաթիվ մրցանակների և թարգմանվել ավելի քան 50 լեզուներով[1]։ Այն անընդհատ հայտնվում է մանկական և անգլերեն լավագույն գրքերի ցանկում։
Պատմություն[խմբագրել | խմբագրել կոդը]
Հեղինակի խոստովանությամբ՝ գրքի գաղափարը ծագել է այն ժամանակ, երբ դակիչով թղթի վրա անցքեր է անելիս եղել. նրա մոտ գրքի որդի մասին պատմություն ստեղծելու միտք է հղացել։ Գրքի առաջին տարբերակը Վիլլի գրքի որդի մասին էր (Willy The Worm), սակայն խմբագիրն այնքան էլ հիացած չէր տվյալ կերպարով և առաջարկել է նրան փոխարինել թրթուրով, իսկ Էրիկ Կարլը որոշել է, որ այդ դեպքում գրքում պետք է լինի նաև թիթեռ[2]։
Առաջին անգամ գիրքը լույս է տեսել 1969 թվականին World Publishing Company հրատարակչության կողմից, հետագայում այն սկսել է տպագրվել Penguin Putnam հրատարակչության կողմից։
Սյուժե[խմբագրել | խմբագրել կոդը]
- Սկզբում լուսնի լույսի ներքո տերևի վրա մի ձու է դրված։
- Երկուշաբթի օրն արևը ծագում է, ձվից դուրս է գալիս փոքրիկ թրթուրը, որը գնում է կերակուր փնտրելու։
- Առաջին օրը թրթուրը խնձոր է կրծոտում։ Անցնում է շաբաթը, և թրթուրն ամեն օր ավելի շատ ուտելիք է կրծոտում՝ երկու տանձ, երեք սալոր, չորս ելակ, հինգ նարինջ։
- Շաբաթ օրը թրթուրը կրծոտում է ռեկորդային քանակությամբ տարբեր ուտելիքներ, այդ թվում՝ պաղպաղակ, վարունգ, սալյամի, բալի կարկանդակ և այլն։ Դրանից նրա փորը ցավում է։
- Կիրակի օրը թրթուրը կրծոտում է ծառի տերևը, և դրանից նրա վիճակը մի փոքր լավանում է։
- Թրթուրը գիրանում է, նա իր շուրջը բոժոժ է պատրաստում, իսկ հետո դրանից դուրս է գալիս մի գեղեցիկ թիթեռ ու թռչում։
Արձագանքներ[խմբագրել | խմբագրել կոդը]
2009 թվականին տված հարցազրույցի ժամանակ Էրիկ Կարլն այն հարցին, թե նրա կարծիքով ինչն է գիրքը դարձրել բեսթսելլեր, այսպես է պատասխանել.
Ինձ թվում է, որ սա հույսի գիրք է։ Չնայած որ դու աննշան, տգեղ, փոքրիկ թրթուր ես, կարող ես աճել և վաղ թե ուշ հայտնաբերել քո տաղանդն ու թռչել մեծ աշխարհ։ Ի վերջո, որպես երեխա, դու քեզ զգում ես փոքրիկ ու անօգնական և մտածում ես այն մասին, թե արդյոք երբևէ կմեծանաս։ Այնպես, որ դա կարող է մասամբ որոշել հաջողությունը։ Բայց բոլոր նման մտքերն առաջանում են այն բանից հետո, երբ հիմնավորման փորձերը պոստֆակտում են։ Ի սկզբանե ես իմ առջև խնդիր չեմ դրել. «Ուզում եմ ստեղծել գիրք՝ լի խորը մտքերով»։
Բնօրինակ տեքստ (անգլ.)My guess is it’s a book of hope. That you, an insignificant, ugly little caterpillar can grow up and eventually unfold your talent, and fly into the world. As a child, you can feel small and helpless and wonder if you’ll ever grow up. So that might be part of its success. But those thoughts came afterwards, a kind of psychobabble in retrospect. I didn’t start out and say: ‘I want to make a really meaningful book.’
Մրցանակներ և ձեռքբերումներ[խմբագրել | խմբագրել կոդը]
- 1969 – ներառվել է «Նյու Յորք Թայմս» ամսագրի տարվա լավագույն նկարազարդ գրքերի տասնյակում
- 1970 – Գրաֆիկական արվեստի ամերիկյան ինստիտուտի մրցանակ
- 1972 – Selection du Grand Prix des Treize մրցանակ (Ֆրանսիա)
- 1975 – Nakamori Reader’s Prize (Ճապոնիա)[3]
2003 թվականին «BBC տարբերակով 200 լավագույն գրքեր» հարցումներով գիրքն զբաղեցրել է 199-րդ տեղը։
2009 թվականի լավագույն գրքերի ցանկում, որը կազմել են Ա. Պ. Գայդարի անվան կենտրոնական մանկական գրադարանի ընթերցողները, «Շատ քաղցած թրթուրը» գիրքն զբաղեցրել է 5-րդ տեղը[4]։
Ադապտացիա և արտացոլումը մշակույթում[խմբագրել | խմբագրել կոդը]
- 1993 թվականին «Էրիկ Կարլի աշխարհը» հատընտիրի համար ստեղծվել է թրթուրի մասին պատմության անիմացիոն հեռուստատարբերակը (DVD-ով թողարկված հատընտիրում ներառվել են նաև The Very Quiet Cricket, The Mixed Up Chameleon, Papa, Please Get The Moon For Me և I See A Song պատմվածքները)[5]։
- Կան գրքի թղթային հրատարակության բազմաթիվ տարբերակներ, ներառյալ լրացուցիչ բաղադրիչներով, հիմնականում երեխաների համար նախատեսված խաղերով[6]։
- Մեծ Բրիտանիայում և ԱՄՆ-ում թողարկվել են գրքի թրթուրի նկարազարդումներով նամականիշներ[7][8]։
- 2009 թվականի մարտին Գուգլ որոնողական համակարգը նշել է թրթուրի մասին գրքի 40-ամյակը՝ իր «Google» լոգոյում տեղադրելով մրգեր կրծոտող թրթուրի տեսքով տառեր, որոնք պատկերազարդած էին Կարլի նկարների ոճով[9][10]։
- 2009 թվականին «Վարդագույն ընձուղտ» հրատարակչությունը գրքի հոբելյանը նշել է փառատոնով, որն անցկացվել է Մոսկվայի տարբեր հրապարակներում[11]։ Նույն թվականին Մոսկվայում երեխաներին ընթերցանությանը հաղորդակից դարձնելու ակցիայի շրջանակներում «Додо Спейс» գրախանութում գիրքը երեխաների համար կարդացել է Լինոր Գորալիկը[12]։
- 2010 թվականին CYBIRD Co. Ltd. ընկերությունը WiiWare համար գրքի հիման վրա թողարկել է անվանումով The Very Hungry Caterpillar’s ABCs ուսուցողական վիդեոխաղ[13]։
- 2011 թվականին Մանկաբուժության ամերիկյան ակադեմիան առողջապահության աշխատողներին ուղարկել է գրքի 17 հազար օրինակ կրթական նյութերի առդիրներով՝ առողջ սննդի քարոզչության նպատակով[14]։
Հետաքրքիր փաստեր[խմբագրել | խմբագրել կոդը]
- Հեղինակը գիրքը նվիրել է փոքր քրոջը՝ Քրիստիին, որը նրանից փոքր է 21 տարով։
- «Շատ քաղցած թրթուրը» ստեղծագործությունն ԱՄՆ-ի նախկին նախագահ Ջորջ Ու. Բուշի սիրելի մանկական գիրքն էր, որը նա սիրում էր կարդալ նախընտրական քարոզարշավի ժամանակ դպրոցներ այցելելիս[15]։
Ծանոթագրություններ[խմբագրել | խմբագրել կոդը]
- ↑ The 20 greatest children’s books ever. By Lucinda Everett, 03 Apr 2010
- ↑ «Hungry Caterpillar author on zoo maths». Metro.co.uk. Արխիվացված օրիգինալից 2012 թ․ օգոստոսի 29-ին. Վերցված է 2009 թ․ մարտի 20-ին.
- ↑ «Eric Carle collection». University Libraries – Information courtesy of the Gale Group. Արխիվացված է օրիգինալից 2012 թ․ օգոստոսի 29-ին. Վերցված է 2008 թ․ սեպտեմբերի 8-ին.
- ↑ Очень голодная гусеница
- ↑ The Very Hungry Caterpillar and other stories. Walt Disney Productions. 1995 թ․ դեկտեմբերի 31.
- ↑ Издания книги на сайте Penguin Putnam(չաշխատող հղում)
- ↑ Очень голодная гусеница. Серия: Сказки о животных. Великобритания, 2006.
- ↑ Очень голодная гусеница. Серия: Сказки о животных. США, 2006.
- ↑ Логотип с гусеницей. Google. 2009 թ․ մարտի 20.
- ↑ Khan, Urmee (2009 թ․ մարտի 20). «Google celebrates Eric Carle's Very Hungry Caterpillar». The Daily Telegraph. London.
- ↑ «Розовый жираф — Акции — Сообщения с тегом «фестиваль»». Արխիվացված է օրիգինալից 2010 թ․ նոյեմբերի 27-ին. Վերցված է 2019 թ․ հունիսի 7-ին.
- ↑ «Анастасия Дунаевская. Очень голодная гусеница приучает детей к чтению!». Արխիվացված է օրիգինալից 2009 թ․ նոյեմբերի 10-ին. Վերցված է 2019 թ․ հունիսի 7-ին.
- ↑ «The Nintendo Download: Countdown To Excitement». Արխիվացված է օրիգինալից 2010 թ․ սեպտեմբերի 23-ին. Վերցված է 2011 թ․ սեպտեմբերի 21-ին.
- ↑ «Groups Hope "Hungry Caterpillar" Helps Fight Fat». ABC News website. Արխիվացված օրիգինալից 2012 թ․ օգոստոսի 29-ին. Վերցված է 2011 թ․ մարտի 30-ին.
- ↑ Kate Taylor. Eat your heart out: The Very Hungry Caterpillar, one of the greatest childhood classics of all time, celebrates its 35th anniversary this year (22 October 2004)
Ссылки[խմբագրել | խմբագրել կոդը]
- Այն մասին, թե ինչպես շատ քաղցած թրթուրը կրծոտել էր գրքի էջերը, կամ Էրիխ Կարլ անունով Հանճարը
- Յան Շապիրո։ Գրքույկ, որը կրծոտել էր թրթուրը
- Գրքի գրախոսականը «Афиша» կայքում
- Գրքի գրախոսությունը Էրիկ Կարլի կայքում Արխիվացված 2011-10-01 Wayback Machine(անգլ.)
- Գրքի վրա հիմնված կրթական ռեսուրսներ Արխիվացված 2019-11-24 Wayback Machine(անգլ.)
- Գրքի պլաստիլինե մուլտֆիլմը ՅուԹյուբում
- Գրքի տիկնիկային մուլտֆիլմը ՅուԹյուբում
|