Շավարշ Քոչարյան

Վիքիպեդիայից՝ ազատ հանրագիտարանից
Jump to navigation Jump to search
Շավարշ Միքայելի Քոչարյան
Shavarsh-Kocharyan.jpg
Դրոշ
ՀՀ Արտաքին գործերի նախարարի տեղակալ
2008 - Առ այսօր
 
Գիտական աստիճան՝ Կենսաբանական գիտությունների թեկնածու
Մասնագիտություն՝ դիվանագետ և քաղաքական գործիչ
Ազգություն հայ
Ծննդյան օր Ապրիլի 3, 1948
Ծննդավայր Երևան, Հայկական ՍՍՀ
Քաղաքացիություն Flag of the Soviet Union.svg ԽՍՀՄ և Flag of Armenia.svg Հայաստան
 
Պարգևներ

«Պատվո նշան» շքանշան, Մխիթար Գոշի մեդալ և «Հայրենիքին մատուցած ծառայությունների համար» 2-րդ աստիճանի մեդալ

Շավարշ Քոչարյան (ապրիլի 3, 1948, Երևան), հայ քաղաքական գործիչ, դիվանագետ, ՀՀ Գերագույն խորհրդի, ՀՀ Ազգային ժողովի 1-ին, 2-րդ և 3-րդ գումարումների պատգամավոր։ 2008-2019 թվականներին` ՀՀ Արտաքին գործերի նախարարի տեղակալ։

Կենսագրություն[խմբագրել | խմբագրել կոդը]

Շավարշ Քոչարյանը ծնվել է 1948 թ., ապրիլի 3-ին ք. Երևանում։ 1971 թ. ավարտել է Երևանի պոլիտեխնիկական ինստիտուտի տեխնիկական կիբեռնետիկայի ֆակուլտետը՝ ինժեներ-մաթեմատիկոսի մասնագիտությամբ։ 1975 թ. ավարտել է Մոսկվայի Գենետիկայի Համամիութենական Գիտահետազոտական ինստիտուտի ասպիրանտուրան, մոլեկուլյար գենետիկի մասնագիտությամբ։ 1977 թ. Մոսկվայում պաշտպանել է Կենսաբանական գիտությունների թեկնածուի թեզը «Գենետիկա» մասնագիտությամբ։

Հեղինակ կամ համահեղինակ է 100-ից ավելի գիտական աշխատությունների և 30-ից ավելի տարբեր երկրներում արտոնագրված (այդ թվում ԱՄՆ, Մեծ Բրիտանիա, Գերմանիա, Ֆրանսիա) գյուտերի։

Աշխատանքային գործունեությունը[խմբագրել | խմբագրել կոդը]

  • 1971 - 1972 թթ. աշխատել է Գենետիկայի Համամիութենական Գիտահետազոտական ինստիտուտի Չարենցավանի մասնաճյուղում՝ որպես ավագ լաբորանտ։
  • 1976 - 1981 թթ. աշխատել էՀԽՍՀ ԳԱ Փորձարարական կենսաբանության ինստիտուտում (Երևան) և ՀԽՍՀ ԳԱ Մանրէաբանության ինստիտուտում (Աբովյան)` որպես կրտսեր գիտաշխատող։
  • 1981 - 1990 թթ. աշխատել է Երևանի կենսատեխնոլոգիայի ինստիտուտում` որպես ավագ գիտաշխատող, լաբորատորիայի վարիչ, բաժնի վարիչ։
  • 1990, 1995, 1999 և 2003 թվականներին ընտրվել է ՀՀ Ազգային Ժողովի պատգամավոր։
  • 1990 - 1995 թթ. հանդիսացել է ԱԺ Արտաքին հարաբերությունների հանձնաժողովի փոխնախագահ, «Ազգային ժողովրդավարներ» պատգամավորական խմբի նախագահ։
  • 1992 - 1995 թթ. և 1999 - 2003 թթ. հանդիսացել է ԱՊՀ խորհրդարանական վեհաժողովում ՀՀ ԱԺ պատվիրակության անդամ։
  • 1995 - 1999 թթ. հանդիսացել է ԱԺ Արտաքին հարաբերությունների հանձնաժողովի անդամ, Ազգային Ժողովրդավարական միության (ԱԺՄ) խմբակցության քարտուղար։
  • 1999 - 2003 թթ. զբաղեցրել է ԱԺ Գիտության, կրթության, մշակույթի և երիտասարդության հարցերի հանձնաժողովի նախագահի պաշտոնը։
  • 1999 - 2003 թթ. հանդիսացել է ԵԱՀԿ Խորհրդարանական վեհաժողովում ՀՀ ԱԺ պատվիրակության անդամ։
  • 2003 թ.-ից հանդիսացել է ԱԺ Եվրաինտեգրման ժամանակավոր հանձնաժողովի և Սոցիալական, առողջապահության ու բնության պահպանության հարցերի հանձնաժողովի անդամ։
  • 2003 - 2005 թթ. հանդիսացել է ԵԽ Խորհրդարանական վեհաժողովում ՀՀ ԱԺ պատվիրակության անդամ։
  • 2008 թ. օգոստոսի 2-ին ՀՀ Նախագահի հրամանագրով նշանակվել է ՀՀ արտաքին գործերի նախարարի տեղակալ[1]

Հասարակական-քաղաքական գործունեությունը[խմբագրել | խմբագրել կոդը]

  • 1988 - 1990 թթ. հանդիսացել է Ղարաբաղյան շարժման ակտիվ մասնակից։
  • 1991 - 2001 թթ.` ԱԺՄ հիմնադիր անդամ, 1992 - 1993 թթ.` ԱԺՄ վարչության նախագահ։
  • 1999 թ.-ից «Ժողովրդավարություն. իրավական և քաղաքական վերլուծությունների կենտրոն» ՀԿ անդամ է։
  • 2000 - 2003 թթ. հանդիսացել է Երևանի Ճարտարագիտական համալսարանի հոգաբարձուների խորհրդի անդամ։
  • 2001 թ.-ից՝ Ազգային Ժողովրդավարական կոսակցության (ԱԺԿ) հիմնադիր անդամ, ԱԺԿ վարչության նախագահ։
  • 2000 թ.-ից «Հանս Քրիստիան Կոֆոեդ» բարեգործական հիմնադրամի հոգաբարձուների խորհրդի անդամ է։
  • 2005 թ.-ից Եվրոպայի Խորհրդի քաղաքական դասընթացների Երևանյան դպրոցի հոգաբարձուների խորհրդի անդամ է, դասավանդում է նույն դպրոցում։
  • 2007 թ. հուլիսից ղեկավարում է «Ժողովրդավարություն և քաղաքակրթություն» ՀԿ-ն։
  • 2009 թ. Երևանի Վ. Բրյուսովի անվան պետական լեզվաբանական համալսարանի և Երևանի Մխիթար Հերացու անվան պետական բժշկական համալսարանի հոգաբարձուների խորհրդի անդամ։

Պարգևներ[խմբագրել | խմբագրել կոդը]

Այլ[խմբագրել | խմբագրել կոդը]

Օտար լեզուներ՝ ռուսերեն, անգլերեն

Այրի է, ունի երկու զավակ, չորս թոռնիկ։

Աղբյուրներ[խմբագրել | խմբագրել կոդը]

Նախորդող
Վազգեն Մանուկյան
"Ազգային ժողովրդավարական միություն" կուսակցության նախագահ
Շավարշ Քոչարյան

1992 - 1993
Հաջորդող
Վազգեն Մանուկյան
Նախորդող
-
ՀՀ Ազգային ժողովի գիտության, կրթության, մշակույթի և երիտասարդության հարցերի մշտական հանձնաժողովի նախագահ
Շավարշ Քոչարյան

25 հունիսի 1999 - 12 հունիսի 2003
Հաջորդող
Հրանուշ Հակոբյան
Նախորդող
պաշտոնը հիմնադրվել է
Ազգային ժողովրդավարական կուսակցության նախագահ
Շավարշ Քոչարյան

2001-
Հաջորդող
-

Ծանոթագրություններ[խմբագրել | խմբագրել կոդը]