Շանհայի Ծիաո Թոն համալսարան
Շանհայի Ծիաո Թոն Համալսարան 上海交通大学 | |
|---|---|
 | |
 | |
| Տեսակ | համալսարան |
| Կարգախոս | 饮水思源，爱国荣校 |
| Հիմնադրված է | դեկտեմբերի 6, 1896 |
| Հիմնադրիր | Sheng Xuanhuai |
| Անդամակցություն | C9 League |
| Երկիր |  Չինաստան |
| Կայք | sjtu.edu.cn(չին.) և en.sjtu.edu.cn(անգլ.) |
  Շանհայի Ծիաո Թոն համալսարան, Չինաստան | |
 Shanghai Jiao Tong University Վիքիպահեստում | |
| Shanghai Jiao Tong University |
|---|
.jpg)
Շանհայի Ծիաո Թոն համալսարան（անգ․՝ Shanghai Jiao Tong University; չին. ՝ 上海交通大学), խոշոր հետազոտական համալսարան՝ տեղակայված Չինաստանի Շանհայ քաղաքում։ Հիմնադրվել է 1896 թվականի ապրիլի 8-ին։ Շանհայի Ծիաո Թոն համալսարանը Չինաստանի Ժողովրդական Հանրապետության ամենահին և ամենահեղինակավոր համալսարաններից մեկն է, հանդիսանում է C9 լիգայի անդամ[1][2]։
Անվանում[խմբագրել | խմբագրել կոդը]
Չինարենում « 交通» (Ծիաո Թոն) բառը նշանակում է փոխադրում կամ հաղորդակցություն։ Անվանումը տրվել է ի պատիվ հիմնադիր ՝ Ցին կայսրության փոստի և կապի նախարարության։
Պատմություն[խմբագրել | խմբագրել կոդը]
1896 թ.-ին Շանհայում Գուանգսու կայսեր կայսերական հրամանագրով հիմնադրվեց Նանյանգի հանրային դպրոցը։ Ստեղծվեց չորս դպրոց՝ կանոնավոր դպրոց, օտարերկրյա ուսման դպրոց, միջնակարգ դպրոց և ավագ դպրոց։ Գուանգսու կայսրին գաղափարը առաջարկած մանդարին (աստիճանավոր) Շենգ Խուանհուայը դարձավ առաջին նախագահը։
Դպրոցը համաշխարհային ճանաչում ձեռք բերեց 1930-ականներին` հաճախ անվանվելով «Արևելյան MIT»[3] : 1938 թ.-ին կրթության նախարարությունը ստանձնեց համալսարանի կառավարումը և այն վերանվանեց Ազգային Չյաոթուն համալսարանի (չին. ՝ 國立 交通 )։ 1943-ին հիմնադրվեց մագիստրոսական դպրոցը։
1949 թվականին, Չինական քաղաքացիական պատերազմից հետո, հիմնադրվեց Չինաստանի ժողովրդական Հանրապետությունը։ Չյաոթուն- ը կորցրեց իր անվանման «Ազգային» մասնիկը և դարձավ Չիաո Թանգ համալսարան `արտացոլելու սոցիալիստական պետության բոլոր համալսարանների հասանելությունը։
1950-ականներին Չինաստանում մշակվեց <<pinyin romanization>> համակարգը, իսկ Chiao Tung համալսարանը փոխեց իր անգլերեն անվանումը `Sհanghai Jiao Tong University (այսուհետ՝ SJTU):
.
Չինաստանում բարեփոխումների և <<բացման քաղաքականությունից>> ի վեր SJTU- ն էապես զարգացել է։ Այն բաղկացած է հինգ համալսարանական մասնաճյուղերից ՝ Խուհուից, Մինհանգից, Լուվանից, Կիբաոյից և Ֆահուայից ՝ զբաղեցնելով շուրջ 3,225,833 քառակուսի մետր տարածք։
2013-ին բացվեց SJTU-ParisTech էլիտար տեխնոլոգիական ինստիտուտը (SPEIT): 2008 թվականից ի վեր SJTU-ն հանդիսանում է Համաշխարհային համալսարանների ակադեմիական վարկանիշի ( Academic Ranking of World Universities) համակարգող։
Ուսումնական պրոցեսս, ընդունելություն, անձնակազմ[խմբագրել | խմբագրել կոդը]
SJTU-ում գործում է 31 ֆակուլտետ, 63 բակալավրի, 250 մագիստրոսական, 203 ասպիրանտուրայի, 28 հետ-դոկտորական ծրագրեր։ Ինչպես նաև համալսարանում առկա է 11 պետական առանցքային լաբորատորիաներ և ազգային ինժեներական հետազոտական կենտրոններ։
Ընդհանուր առմամբ համալսարանում ուսումնառություն են ստանում 40,711 ուսանող, որոնցից 2,722-ը արտասահմանցիներ են։ Համալսարանի ուսանողներից 16,221-ը սովորում են բակալավրի ուսումնական ծրագրերում, 21,768-ը՝ մագիստրատուրայի և ասպիրանտուրայի ծրագրերում։
Համալսարանում աշխատում են ավելի քան 1900 պրոֆեսորներ և դոցենտներ, ընդ որում նրանցից 22-ը հանդիսանում են Չինաստանի Գիտությունների Ակադեմիայի ակադեմիկոսներ, իսկ 24-ը՝ Չինաստանի Ինժեներիայի Ակադեմիայի ակադեմիկոսներ։
Համբավը և վարկանշավորումը[խմբագրել | խմբագրել կոդը]
Միջազգայնորեն ճանաչված Շանհայի Ծիաո Թոն Համալսարանը աշխարհի լավագույն համալսարանների ցանկում զբաղեցնում է 63-րդ հորիզոնականը, ըստ Աշխարհի Համալսարանների Ակադեմիական Վարկանշավորման (ARWU World)[4]: Մեծ նվաճում է նաև այն, որ համալսարանը զբաղեցրել է 7-րդ տեղը QS BRICS University Rankings-ան մեջ և 6-րդ տեղը Emerging Economies University Rankings 2020, ըստ Times Higher Education.պարբերականի[5]։ 2020 թվականին այն ճանաչվել է 37-րդ ը աշխարհի լավագույն համալսարանների ցանկում, ըստ SCImago Institutions Rankings.
Աշխարհի Համալսարանների Ակադեմիական Վարկանիշավորումը[խմբագրել | խմբագրել կոդը]
Սկսած 2003 թվականից Շանահայի Ծիաո Թոն Համալսարանը զբաղվում է աշխարհի համալսարանների վարկանշավորմամբ՝ համացանցում տեղադրելով Academic Ranking of World Universities[6] ամենամյա վարկանիշավորումը։ Այն գնահատում է համալսարանները ըստ մի քանի հատկանիշները։ Տրվող գնահատականը կախված է տվյալ համալսարանի ֆակուլտետներից (40%), գիտահետազոտական գործունեությունից (40%), ուսման որակից (10%) և համալսարանի առաջխաղացման ու ուսանողների քանակի հարաբրությունց (10%)։ Վարկանիշավորումը հիմնականում կենտրոնացված է ճշգրիտ գիտությամբ հետազոտություններ կատարող համալսարանների ուղղությամբ։
Նշանավոր շրջանավարտներ[խմբագրել | խմբագրել կոդը]
Այսօր Ծիաո Թոն - ի շրջանավարտների կողմից կազմավորված միություններ կարելի է գտնել ԱՄՆ-ում, Ճապոնիայում, Եվրամիության երկրներում, Կանադայում, Թայվանում և Հոնկոնգում։ Նրանք իրենց անվանում են Jiao Tong (Jiaoda): Վերոհիշյալ շրջանավարտների ասոցիացիաները պարբերաբար անցկացնում են համաժողովներ, չին-արտասահմանյան մշակութային փոխանակումներ և կապ ապահովում աշխարհի այլ շրջանավարտների միությունների հետ։
SJTU– ի ուսանողները արժանացել են լավագույն մրցանակների տարբեր մրցույթներում ՝ ACM միջազգային կոլեգիալ ծրագրավորման մրցույթում, մաթեմատիկական մոդելավորման և էլեկտրոնիկայի դիզայնի մրցույթներում։ SJTU- ի հայտնի շրջանավարտների թվում են Jiang Zemin, Wang Daohan, Ding Guangen, Huang Yanpei, Cai Er, Chen Zhu, Qian Xuesen, Mao Yushi, Wu Wenjun, Yan Junqi, Shen Xiaoming, Yang Yuanqing և շատ այլ ուրիշներ։ Չինաստանի գիտությունների ակադեմիայի և Չինաստանի ճարտարագիտական ակադեմիայի ավելի քան 200 ակադեմիկոսներ Jiao Tong համալսարանի շրջանավարտներ են։
Ծանոթագրություններ[խմբագրել | խմբագրել կոդը]
- ↑ Sullivan, Lawrence R.; Liu, Nancy Y. (2015). Historical Dictionary of Science and Technology in Modern China. London: Rowman and Littlefield. էջ 375.
- ↑ Linehan, Paul Michael (2018). The Culture of Leadership in Contemporary China: Conflict, Values, and Perspectives for a New Generation. London: Lexington Books. էջ 128.
- ↑ «During the last century: Eastern MIT». Xi'an Jiao Tong University. Արխիվացված է օրիգինալից 2007 թ․ հոկտեմբերի 16-ին. Վերցված է 2007 թ․ հունիսի 19-ին.
- ↑ «QS University Rankings: BRICS». Quacquarelli Symonds. 2013 թ․ դեկտեմբերի 17. Արխիվացված օրիգինալից 2013 թ․ դեկտեմբերի 17-ին. Վերցված է 2013 թ․ դեկտեմբերի 17-ին.
- ↑ «BRICS & Emerging Economies Rankings 2014». Times Higher Education. Արխիվացված օրիգինալից 2014 թ․ օգոստոսի 12-ին. Վերցված է 2014 թ․ հոկտեմբերի 2-ին.
- ↑ Academic Ranking of World Universities - 2007 Արխիվացված 2007-08-24 Wayback Machine
 | Վիքիցեղերն ունի նյութեր, որոնք վերաբերում են «Շանհայի Ծիաո Թոն համալսարան» հոդվածին։ |
 | Վիքիպահեստն ունի նյութեր, որոնք վերաբերում են «Շանհայի Ծիաո Թոն համալսարան» հոդվածին։ |
