Շանկար Դայալ Շարմա

Վիքիպեդիայից՝ ազատ հանրագիտարանից
Jump to navigation Jump to search
Շանկար Դայալ Շարմա
հինդի՝ शंकर दयाल शर्मा
Դիմանկար
Ծնվել էօգոստոսի 19, 1918(1918-08-19)[1][2][3]
ԾննդավայրԲհոպալ, Bhopal State, Բրիտանական Հնդկաստան
Մահացել էդեկտեմբերի 26, 1999(1999-12-26)[1][2][3] (81 տարեկան)
Մահվան վայրՆյու Դելի, Հնդկաստան
ՔաղաքացիությունFlag of Imperial India.svg Բրիտանական Հնդկաստան, Flag of India.svg Հնդկաստան և Flag of India.svg Dominion of India
Կրոնհինդուիզմ
ԿրթությունԱլահաբադի համալսարան, University of Lucknow?, Ֆիցուիլյամի քոլեջ, Քեմբրիջի համալսարան, Հարվարդի իրավունքի դպրոց և Ցյուրիխի համալսարան
Մասնագիտությունքաղաքական գործիչ և փաստաբան
ԱմուսինVimala Sharma?
Զբաղեցրած պաշտոններԼոկ Սաբխայի անդամ, Governor of Maharashtra?, Հնդկաստանի փոխնախագահ, Հնդկաստանի նախագահ, governor of Andhra Pradesh?, Governor of Punjab? և Member of the 7th Lok Sabha?
ԿուսակցությունՀնդկական ազգային կոնգրես
Ստորագրություն
Signature of Shanker Dayal Sharma.svg
Shankar Dayal Sharma Վիքիպահեստում

Շանկար Դայալ Շարմա (հինդի՝ शंकर दयाल शर्मा, օգոստոսի 19, 1918(1918-08-19)[1][2][3], Բհոպալ, Bhopal State, Բրիտանական Հնդկաստան - դեկտեմբերի 26, 1999(1999-12-26)[1][2][3], Նյու Դելի, Հնդկաստան), հնդիկ քաղաքական գործիչ, Հնդկաստանի 9-րդ նախագահը։

Կենսագրություն[խմբագրել | խմբագրել կոդը]

Ծնվել է բրահման Կխուշիլալա Շարմի Վայդյա Շաստրիի ընտանիքում։ Ալախաբադի համալսարանում ստացել է բարձրագույն կրթություն անգլերեն գրականության, հինդի և սանսկրիտ լեզուների ոլորտում։ Այնուհետև Քեմբրիջի համալսարանում և Հարվարդի համալսարանի իրավագիտական դպրոցում իրավագիտություն է ուսումնասիրել։

1940 թվականին ներգրավվել է Հնդկաստանի` Մեծ Բրիտանիայից անկախանալու պայքարին և ընդունվել է Հնդկական ազգային կոնգրես, որին հավատարիմ է մնացել մինչև կյանքի վերջը։ 1952 թվականին ղեկավարել է Բխոպալի կառավարությունը և այդ պաշտոնին է մնացել մինչև 1956 թվականը, երբ Բխոպալը մտել է Մադհյա Պրադեշ նահանգի կազմի մեջ։

Պետական գործունեություն[խմբագրել | խմբագրել կոդը]

1960-ական թվականներին Շանկար Շարման աջակցել է Ինդիրա Գանդիին, որպեսզի նա դառնա Հնդկական ազգային կոնգրեսի առաջնորդը։ 1974-1977 թվականներին նրա մոտ ընդունվել է որպես կապի նախարար։ 1971-ից 1980 թվականներին Լոկ սաբհայում (խորհրդարանի ստորին պալատ) որպես Բխոպալի ներկայացուցիչ հաղթել է ընտրությունները։

1984 թվականին եղել է Անդհրա-Պրադեշ նահանգի մարզպետը։ Իր մարզպետ լինելու տարիներին այդ նահանգում սիկհականության ծայրահեղականները սպանել են նրա աղջկան` Գիտանժալիին և փեսային` կուսակցության անդամ և հեռանկարային քաղաքական գործիչ Լալիտ Մակենին։ Բացի այդ, 1984 թվականի հոկտեմբերի 31-ին սպանվել է Ինդիրա Գանդին։ Շուտով դրանից հետո 1985 թվականին Հնդկաստանի կենտրոնական իշխանության և սիկհ ծայրահեղականների միջև հակամարտության թեժ ժամանակ Շանկար Շարման դարձել է Փենջաբ նահանգի մարզպետը, որտեղ հիմնականում սիկհեր էին բնակվում։ 1986 թվականին եղել է Մախարաշտր նահանգի մարզպետը։ 1987 թվականին ընտրվել է Հնդկաստանի փոխնախագահ և Ռաջյա սաբհայի խորհրդարանի վերևի պալատի նախագահ։

Հնդկաստանի նախագահ[խմբագրել | խմբագրել կոդը]

1992 թվականին լինելով փոխնախագահ, բարդ նախընտրական ընտրարշավից հետո ստացել 66 % ձայն և հաղթել է երկրի նախագահի պաշտոնի համար ընտրությունները։ Իր 5 ամյա կառավարման ժամանակ ակտիվ կատարել է ներկայացուցչական գործառույթները, պաշտոնից հեռացրել և նշանակել է մարզպետների։ Կառավարման վերջին տարում փոխել է երեք վարչապետ։ Երկրորդ շրջանի համար չի առաջադրվել։

1999 թվականի դեկտեմբերի 9-ին սրտի կաթվածից հետո Շանկար Շարմային տարել են հիվանդանոց, որտեղ և նույն թվականի դեկտեմբերի 26-ին մահացել է։ Նրան դիակիզել են։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]