Շամբալա

Վիքիպեդիայից՝ ազատ հանրագիտարանից

Շամբալա,այծառվույտ, հացհամեմ, հունական խոտ (Trigonella foenum graecum), բակլազգիների ընտանիքի միամյա խոտաբույս։ Ցողունը կանգուն է, ճյուղավորված, 50-70 սմ բարձրությամբ։ Տերևները եռմասնյա բարդ կոթունավոր։ Վերգետնյա օրգանները թավոտ են։ Ծաղիկները՝ դեղնասպիտակավուն, ինքնափոշոտվող, մեկական նստած տերևածոցերում։ Պտուղը՝ ունդ, պարունակում է 10-16 սերմ։ Շամբալան ջերմասեր է։ Հնագույն մշակովի բույսերից է։ Մշակվում է Իսպանիայում, Հվ․ Ամերիկայում, Եթովպիայում, Հնդկաստանում են, ԽՍՀՄ-ում՝ Անդրկովկասում, Միջին Ասիայում։ Կանաչ զանգվածի բերքը ՀՍՀ-ում մինչև 250 ց/հա է։ Սպիտակուցներով հարուստ արժեքավոր կերային բույս է․ 100 կգ կանաչ զանգվածը պարունակում է 52 կերային միավոր։ Օգտագործվում է նաև կանաչ պարարտացման համար։ Շամբալա հողը հարստացնում է ազոտով։ ՀՍՀ-ում մշակվում է ցածրադիր գոտում (Էջմիածին), սերմերն օգտագործվում են որպես չաման։ Երբեմն ցանքերում հանդիպում է որպես մոլախոտ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 440 CC-BY-SA-icon-80x15.png