Շաբցիգեր (պանիր)

Վիքիպեդիայից՝ ազատ հանրագիտարանից
Jump to navigation Jump to search
Շաբցիգեր
գերմ.՝ Schabziger
Zigerbrüt.jpg
Տեսակպանիր, Fresh cheese, շվեյցարական պանիր և green cheese
Առաջացման երկիրՇվեյցարիա Շվեյցարիա
ՏարածաշրջանԳլարուս կանտոն
Կաթկովի կաթ
Պաստերիզացումչկա
Կազմվածքկարծր
Հասունացման ժամանակաշրջան2-ից 6 ամիս
ՍերտիֆիկացումSince (1463)
Հայտնի էVIII դար
Սպիտակուցներ33 գրամ/100 գրամ
Ճարպեր1 գրամ/100 գրամ
Ձևկոնաձև
ԱնունովSap Sago
Schabziger cheese Վիքիպահեստում

Շաբցիգեր, շվեյցարական պանիր, որը բացառապես պատրաստում են Շվեյցարիայի Գլարուս կանտոնում։ Այն համարվում է կանաչ պանիր. այդ գույնին պանրատեսակը պարտական է նրան, որ կաթի մեջ ավելացնում են հացհամեմի բողբոջներ: Շաբցիգերը հիմնականում օգտագործում են քերած վիճակում՝ այլ կերակուրների հետ մեկտեղ (բուտերբրոդ, լապշա, ֆոնդյու

Պանրի արտադրությամբ զբաղվում է Geska (Gesellschaft Schweizer Kräuterkäse-Fabrikanten) ընկերությունը։ Համաշխարհային վաճառքում օգտագործվում է Շվեյցարական կանաչ պանիր բրենդը։ ԱՄՆ-ում և Կանադայում հայտնի է նաև Sap Sago անվանումով։

Պատրաստում[խմբագրել | խմբագրել կոդը]

Երկնագույն հացհամեմ

Շաբցիգեր պանրատեսակը պատրաստվում է յուղազերծված կովի կաթից և երկնագույն հացհամեմի բողբոջներից։ Այդ խառնուրդը տաքացվում է մինչև 90 °C, որից հետո ավելացվում է կիտրոնաթթու և քացախաթթու: Դրանից հետո ձևավորվում է Ziger անունով շիճուկը։ Հետո մակարդը տեղափոխում են կոնաձև կաղապարների մեջ և թողնում շուրջ մեկ շաբաթ։ Հետագայում կոները չորացնում են երկուսից վեց ամիսների ընթացքում։ Արդյունքում ստացվում է կարծր, կանաչավուն, բուրավետ պանիր՝ ուժեղ արտահայտված համով[1]:

100 գրամ պանիրը պարունակում է 33 գրամ սպիտակուցներ և գրեթե մեկ գրամ ճարպեր: Այս պանրատեսակում իսպառ բացակայում են ածխաջրերը և լակտոզները: Էներգետիկ արժեքը կազմում է շուրջ 137 կկալ։

Պատմություն[խմբագրել | խմբագրել կոդը]

Շաբցիգեր պանիրը համարվում է Շվեյցարիայի ամենահին բրենդային պանիրը, որը պաշտոնական գրանցում է ստացել Գլարուս կանտոնում 1772 թվականին[2]:

Առաջին անգամ այս տեսակի պանիրը պատրաստվել է գլարուսյան վանական-ճգնակյացների կողմից դեռևս VIII դարում։ Պանրի մանրամասն պատրաստման բաղադրատոմսը հրատարակվել է 1463 թվականին։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]