Նուրբ գրքեր

Նուրբ գրքեր, անկանոն գրքերի տարատեսակ։ Հայ հին մատենագրության մեջ (Նուրբ գրեանք) առնչվում են Հին և Նոր կտակարանների հետ և վերաբերում են Նուրբ գրքերին առավելապես դրանց մեկնաբանություններին։ Այդ են վկայում միջնադարյան ցանկերում նշված Նուրբ գրքերի նաև վերնագրերը՝ «Ցաղագս աստուածային անուանց», «Յաղագս խորհրդական աստուածաբանութեան», «էակքն Դաւթի», «Պէտքն Մովսէսի», «Մեկնութիւնք Հին և Նոր կտակարանաց» (Սուրբ Եփրեմի, Սուրբ Եպիփանու, Ասկեբերանի, Կիւրեղ Աղեքսանդրացւոյ)։

Գրականություն

• Անասյան Հ․ Ս․, Հայկական մատենագիտություն, հ․ 1, Ե․ 1959, էջ 16 - 18։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 406)։