Նորվեգիայի 1940-1945 թթ.-ի պաշտպանության մեդալ
| Նորվեգիայի 1940—1945 թթ.-ի պաշտպանության մեդալ նորվ.՝ Deltagermedaljen 1940–1945 | |
| |
| Երկիր |  Նորվեգիա
|
| Տիպ | մեդալ |
| Ում կողմից է տրվում | Նորվեգիա |
| Կարգավիճակ | շնորհվում է |
| Վիճակագրություն | |
| Պարամետրեր | տրամագիծը 33 մմ |
| Հիմնադրման ամսաթիվ | 1945թ.-ի սեպտեմբերի 19 |
| Հերթականություն | |
| Ավագ պարգև | Հայրենիքին մատուցված ծառայությունների համար մեդալ |
| Կրտսեր պարգև | Լեյբ-գվարդիայում ծառայության համար մեդալ |
Նորվեգիայի 1940—1945 թթ.-ի պաշտպանության մեդալ, Նորվեգիայի պետական պարգև:
Բովանդակություն
Պատմություն[խմբագրել | խմբագրել կոդը]
Պաշտպանության մեդալը հաստատվել է Նորվեգիայի Հակոն VII թագավորի կողմից 1945թ.-ի սեպտեմբերի 19-ին զինվորական և քաղաքացիական բնակչության այն ներկայացուցիչներին պարգևատրելու համար, ովքեր մասնակցել են երկրի պաշտպանությանը ֆաշիստա-գերմանական ուժերի դեմ, ինչպես նաև 1940-1945 թթ.-ներին օկուպացիայի ժամանակ դիմադրություն են ցուցաբերել:[1]
Նկարագրություն[խմբագրել | խմբագրել կոդը]
Նորվեգիայի 1940—1945 թթ.-ի պաշտպանության մեդալը շնորհվում է ինչպես Նորվեգիայի քաղաքացիներին, այնպես էլ օտարերկրացիներին, ովքեր համապատասխանում են հետևյալ պահանջներից մեկին.
- մասնակցել է ֆաշիստա-գերմանական ուժերի ներժուժման դեմ պայքարին 1940թ.-ին նվազագույնը 5 օր,
- ծառայության է անցել Նորվեգիայի զինված ուժերում կամ առևտրային նավատորում Նորվեգիայի սահմաններից դուրս նվազագույնը 4 ամիս, կամ էլ 4 պակասից քիչ, եթե 1 ամիսը ծառայել է այն նավերի վրա, որոնք մասնակցել են Նորվեգիայի ազատագրմանը:
- 1944-1945թթ.-ի ձմռանը մասնակցել է Փիլիանդիայի գործողությանը նվազագույնը 1 ամիս,
- դաշնակից երկրների զինծառայողները, ովքեր մասնակցել են Նորվեգիայի ազատագրմանը և ծառայել են նվազագույնը 1 ամիս,
- ծառայել են դիմադրության ուժերում (պարտիզանական ջոկատներում) նվազագույնը 4 ամիս:[2]
Մեդալը կրում են կրծքի ձախ կողմում: Եթե պարգևատրվողը բացի 1940թ.-ին Նորվեգիայում տեղի ունեցող դեպքերից բացի Նորվեգիայի զինված ուժերի կամ դիմադրության ուժերի կազմում մասնակցել է նաև այլ գործողությունների, ապա ժապավենի վրա ամրացվում է արծաթե կցորդ-զարդ:[1]
| Պարգևի սալիկները | |
|---|---|
 Մեդալը արծաթե կցորդ-զարդով |
 Մեդալը առանց կցորդ-զարդի |
Մեդալը ունի շրջանաձև տեսք և պատրաստված է բրոնզից: Տրամագիծը 33 մմ է: Դիմային հատվածում պատկերված է Նորվեգիայի զինանշանը կցորդ-զարդի ֆոնին: Եզրերին գրված է «9 APRIL 1940» (վերևում), «8 MAI 1945» (ներքևում):
Մեդալի ետնամասում պատկերված են երեք դրոշներ՝ թագավորական, առևտրային և զինված ուժերի, որոնց մեջտեղում նավի շղթա է շրջանակի ձևով: Մեդալի վերևում գրություն է՝ «DELTAGER I KAMPEN»:[1]
Թագավորական դրոշ
Առևտրային նավատորմի դրոշ
Զինված ուժերի դրոշ
Մեդալի վերին հատվածում ձուլված է օղակ, որի միջոցով այն ամրացվում է ժապավենին: Ժապավենը ունի կարմիր գույն՝ կենտրոնում լայն սպիտակ գիծ:[1]
