Նորվեգիայի թագավորական գվարդիա

Վիքիպեդիայից՝ ազատ հանրագիտարանից
Jump to navigation Jump to search
Նորվեգիայի թագավորական գվարդիա
HM Kongens Garde.svg
Գվարդիայի զինանշանը
Ընդհանուր տեղեկություն
Տեսակ գումարտակ[1]
Զորքերի տեսակ Նորվեգիայի բանակ
Երկիր {{{2}}} Նորվեգիա
Մտնում է Նորվեգիայի բանակ[1] և Նորվեգիայի զինված ուժեր
Ներառնում է Gardemusikken[1]
Շրաբ Huseby Leir
Թալիսման Նիլս Ուլաֆ[2]
Ստեղծվեց նոյեմբերի 1, 1856
Կայք forsvaret.no/fakta/organisasjon/Haeren/Hans-Majestet-Kongens-Garde

Նորվեգիայի թագավորական գվարդիա (Hans Majestet Kongens Garde (HMKG)) կամ Նորին մեծության թագավորական գվարդիա, Նորվեգիայի զինված ուժերի առանձին ստորաբաժանում, որը ենթարկվում է անմիջապես Հարալդ V թագավորին:

Պատմություն[խմբագրել | խմբագրել կոդը]

Սկզբնական շրջանում գվարդիական միավորումը բաղկացած է եղել 38 զինվորականներից: Կազմավորման ձևավորման գլխավոր պատճառը Նորվեգիայի և Շվեդիայի ունիան էր: Հիմնական գործառույթը իրականացրել է շվեդական բանակը: Արդեն 1856 թվականին թագավորը որոշեց ձևավորել նորվեգական նոր հետևակային վաշտ, որը կմտներ գվարդիայի կազմի մեջ: Նոյեմբերի 8-ին ձևավորվեց այսպիսի կազմավորում, ինչը թույլ տվեց Օսկար I թագավորին ընդգծել իր իշխանությունը, թե Շվեդիայի, և թե Նորվեգիայի վրա:

Նորվեգիայի հռչակումից հետո 1905 թվականին, գվարդիան դարձավ Հոկոն III թագավորի անձնական պահակախումբը: Արդյունքում թագավորական գվարդիան հասցվեց գումարտակի կարգավիճակի: Գումարտակը աչքի է ընկել Երկրորդ համաշխարհային պատերազմի ժամանակ՝ թույլ չտալով 1940 թվականի ապրիլի 10-ին Երրորդ Ռայխի զորքերին գերեվարելու թագավորական ընտանիքին և կաբինետի անդամներին: Ավելի ուշ գվարդիականները հաջողությամբ կռվել են կենտրոնական Նորվեգիայում՝ գերմանացիներից ստանալով «Սև հրեշներ» մականունը: Գվարդիան տեղակայված է Օսլոյի Nordre Huseby gård զորանոցներում:

Կառուցվածք[խմբագրել | խմբագրել կոդը]

Առանձին գումարտակը իրենից ներկայացնում է թեթև հետևակային կազմավորում, որը իր կազմում ներառում է շտաբ, հրաձգային երեք վաշտեր, զինվորական նվագախումբ (երեք դասակ), ապահովման վաշտ (բժշկական դասակ, տեխնիկական սպասարկման և փոխօգնության դասակ) և ուսումնական երկու վաշտ:

Ծառայություն[խմբագրել | խմբագրել կոդը]

Առանձին գումարտակը պահպանում է ոչ միայն Օսլոյի թագավորական պալատը, այլ նաև թագավորական մնացած կեցավայրերը: Պահակախմբի փոփոխման արարողությունը պալատի առաջ տեղի է ունենցում ժամը 13:30- 14:00: Բաց կապույտ համազգեստը գրեթե չի փոփոխվել՝ գումարտակի սկզբնավորումից ի վեր: Համազգեստի կարևոր տարրերից մեկը փետրավոր գլխարկն է, որը վերցվել է իտալական թագավորական "Bersaglieri" գվարդիայից: Իտալական համազգեստը հավանել էր շվեդական արքայադուստր Լուիզեյին, ով ներկայիս թագավոր Հարալդ V-ի նախատատն է: Բացի պահակախմբային ծառայությունից, գվարդիականները մասնակցում են մայրաքաղաքում ընթացող համապետական այլ միջոցառումների ևս:

Պատվավոր հրամանատարը և թալիսմանը[խմբագրել | խմբագրել կոդը]

Առանձին գումարտակի կարևոր առանձնահատկություններից մեկը համարվում է պատվավոր հրամանատարի և թալիսմանի առկայությունը: Պատվավոր հրամանատարը և թալիսմանը թագավորական պինգվինն է՝ սըր Նիլս Ուլաֆն է, ով պաշտոնապես համարվում է գվարդիայի հրամանատարը: Հետաքրքիր է, որ հրամանատարը ապրում է Էդինբուրգի կենդանաբանական այգում: Իրականում սա այդ անունով երկրորդ պինգվինն է: Առաջինը հրամանատար է եղել մինչ 1987 թվականը: Վերջինիս պաշտոնը փոխանցվել է իր ժառանգին:

Պատկերասրահ[խմբագրել | խմբագրել կոդը]

Աղբյուրներ[խմբագրել | խմբագրել կոդը]

Կոորդինատներ: 59°56′35.74″ հս․ լ. 10°39′30.74″ ավ. ե. / 59.9432611° հս․. լ. 10.6585389° ավ. ե. / 59.9432611; 10.6585389

  1. 1,0 1,1 1,2 https://forsvaret.no/fakta/organisasjon/Haeren/Hans-Majestet-Kongens-Garde
  2. http://news.bbc.co.uk/2/hi/uk_news/scotland/edinburgh_and_east/7562773.stm