Նովոկրեշչենովի առանձնատուն (Սամարա)

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Նովոկրեշչենովի առանձնատուն
Дом Е.Ф.Новокрещёновой.jpg
Տեսակտեսարժանություն
ԵրկիրFlag of Russia.svg Ռուսաստան
ՏեղագրությունՍամարա
Ճարտարապետական ոճմոդեռն
Ժառանգության կարգավիճակregional cultural heritage site in Russia?

Պ. Գ. Նովոկրեշչենովի առանձնատուն (ռուս.՝ Особняк П. Г. Новокрещенова), ճարտարապետության հուշարձան Ռուսաստանի Դաշնության Սամարա քաղաքում։ Կառուցվել է 1909 թվականին ճարտարապետ Մ. Ֆ. Կվյատկովսկու նախագծով։ Շենքը գտնվում է Ֆրունզեի փողոց, տուն 144 հասցեով։ Մշակութային ժառանգության տարածաշրջանային նշանակության օբյեկտ է (գրանցման համար` 631410632830005)` համաձայն Ժողովրդական պատգամավորների Կույբիշևի մարզային խորհրդի գործադիր կոմիտեի 1987 թվականի մայիսի 6-ի № 165 որոշման[1]։

Պատմություն[խմբագրել | խմբագրել կոդը]

Շենքը կառուցվել է որպես քաղաքային մեծ կալվածքի մի մաս[2]։ 1918 թվականին առանձնատանը սկզբում տեղակայվել է Կարմիր բանակի ձևավորման կոլեգիան, իսկ նույն թվականի հոկտեմբերին, քաղաքը սպիտակչեխերից կրկին խորհրդային իշխանություններին անցնելուց հետո, այնտեղ գտնվում էր քաղաքի պարետ, 24-րդ Երկաթյա դիվիզիայի 1-ին ինտերնացիոնալ գնդի հրամանատար Սլավոյար Չաստեկի նստավայրը[3]։ Քաղաքացիական պատերազմի ավարտից հետո առանձնատան սենյակները վերածվեցին բնակարանների։ Ի թիվս այլոց, տանը բնակվել է նաև կոմպոզիտոր Գրիգորի Պոնոմարենկոն, որը «Օրենբուրգյան փետուրե գլխաշոր» (ռուս.՝ «Оренбургский пуховый платок») հայտնի երգի երաժշտության հեղինակն է։ Մինչև վերջերս շենքում տեղակայված էր Սամարայի մարզի զբոսաշրջության զարգացման դեպարտամենտը[2]։ Այժմ այնտեղ գործում է Սանկտ Պետերբուրգի արհմիությունների հումանիտար համալսարանի Սամարայի մասնաճյուղը[4]։

Նովոկրեշչենովի առանձնատան էրկերը

Ճարտարապետական նկարագրություն[խմբագրել | խմբագրել կոդը]

Առանձնատունը կառուցվել է մոդեռն ոճով։ Շենքի դեկորում առանձնանում են ծաղկային թեմաները, այն «շրջահյուսված է» խոլորձներով, և դա այս առանձնատունը «հարազատացնում է» «Բրիստոլ-Ժիգուլի» հյուրանոցի շենքի հետ, որը վերակառուցվել է նույն ճարտարապետի կողմից[5]։ Շենքի ճակատն անհամաչափ է, առանձնանում է բարդ կառուցվածքի աջակողմյան պատուհանների խոշոր էրկերը։ Շենքը, որպես կանոն, ծածկված է ծառերով և դիտման համար լավ հասանելի է միայն ձմռանը[2]։

Ծանոթագրություններ[խմբագրել | խմբագրել կոդը]

  1. Дом П.Г. Новокрещенова
  2. 2,0 2,1 2,2 В. Григанов։ «Забытые шедевры старого города»։ Дио24։ Արխիվացված է օրիգինալից 2018-03-24-ին։ Վերցված է 2018-03-23 
  3. А. Артёмов (2017-02-14)։ «12 лучших зданий самарского модерна по мнению москвичей»։ Другой город։ Վերցված է 2018-03-27 
  4. «О филиале»։ Самарский филиал Санкт-Петербургского гуманитарного университета профсоюзов։ Վերցված է 2018-03-27 
  5. «20 лучших зданий самарского модерна»։ СамКульт։ 2015-12-19։ Վերցված է 2018-03-23