Նշան Դարբինյան

Նշան Դարբինյան
մայիսի 10, 1922 - նոյեմբերի 1, 1996 (74 տարեկան)
Ծննդավայր	Լուսագյուղ, Էջմիածնի գավառ, Հայկական ԽՍՀ, ԱԽՖՍՀ
Մահվան վայր	Վաղարշապատ, Արմավիրի մարզ, Հայաստան
Գերեզման	Վաղարշապատ
Քաղաքացիություն	ԽՍՀՄ
Զորատեսակ	տանկային զորքեր
Կոչում	ավագ սերժանտ
Մարտեր/; պատերազմներ	Հայրենական մեծ պատերազմ
Պարգևներ	; և

Նշան Ավագի Դարբինյան (մայիսի 10, 1922(1922-05-10), Լուսագյուղ, Էջմիածնի գավառ, Հայկական ԽՍՀ, ԱԽՖՍՀ^[1] - նոյեմբերի 1, 1996(1996-11-01), Վաղարշապատ, Արմավիրի մարզ, Հայաստան), հայ խորհրդային զինվորական, գվարդիայի ավագ սերժանտ, Երկրորդ համաշխարհային պատերազմի մասնակից, Խորհրդային Միության հերոս (փետրվարի 27, 1945)։

Կենսագրություն

Ծնվել է 1922 թվականի մայիսի 10-ին Էջմիածնի շրջանի Լուսագյուղում, գյուղացու ընտանիքում։ Միջնակարգ դպրոցն ավարտելուց հետո հայրենի գյուղի կոլտնտեսությունում աշխատել է որպես տրակտորիստ։ 1941 թվականի հուլիսին մեկնել է ռազմաճակատ։ Մասնակցել է Ստալինգրադի ճակատամարտին, որտեղ ծանր վիրավորվել է։ Սամարղանդի զինվորական հոսպիտալում ապաքինվելուց հետո ավարտել է Նիժնի Տագիլի տանկային դպրոցը (1942)։ Կռվել է Ստալինգրադյան և Առաջին բելառուսական ռազմաճակատներում, մասնակցել Լեհաստանի վերագրավմանը և Բեռլինի ճակատամարտին։ 49-րդ տանկային բրիգադի 3-րդ գումարտակի կազմում (որպես մեխանիկ-վարորդ)։ Գվարդիայի ավագ սերժանտ, տանկային օղակի հրամանատար Դարբինյանը 1945 թվականի հունվարին աչքի է ընկել լեհական Ինովրոցլավ քաղաքի համար մղված մարտերում, գրավել է երկաթուղային կայարանը, օդանավակայանը, փոստի շենքը, փակել հակառակորդի նահանջի ճանապարհը։ ԽՍՀՄ Գերագույն խորհրդի նախագահության 1945 թվականի փետրվարի 27-ի թիվ 5926 հրամանագրով արժանացել է Խորհրդային Միության հերոսի կոչման^[2]։ Այդպիսով՝ դարձել է այդ տանկային բրիգադի 33-րդ մարտիկը, որն արժանացել է կառավարական նման բարձր պարգևի^[3]։ Պարգևատրվել է նաև Լենինի, Կարմիր աստղի, Փառքի 3-րդ աստիճանի, «Հայրենական պատերազմի» 1-ին աստիճանի շքանշաններով և մարտական մի շարք մեդալներով։

Զորացրվելուց հետո Նշան Դարբինյանը սովորել է Հայաստանի կոմկուսի կենտկոմին առընթեր կուսակցական դպրոցում և ավարտելով՝ աշխատանքի անցել Էջմիածնի կուսշրջկոմում։ Պաշտոնավարել է նաև որպես սպառողների շրջանային միության նախագահ, գազի քաղաքային գրասենյակի պետ։

Ծանոթագրություններ

Գրականություն

Амирханян М. Д. Армяне — Герои Советского Союза. Ер., 2005.։
Герои Советского Союза։ Краткий Биографический словарь. Воениздат, 1987 год.
Книга о героях. Ереван, 1985. стр 123—124

Վիքիպահեստն ունի նյութեր, որոնք վերաբերում են «Նշան Դարբինյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 313)։

[_64f5a1586f195210-1] 1,0 ^1,1 ^1,2 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.

[2] Мир Наград Արխիվացված 2016-03-05 Wayback Machine.

[3] За время войны звание Героя Советского Союза присвоено 33 воинам 107-й (49-й гв.) танковой бригады.

[1]

[2]

[3]