Նիսի Սուրբ Ժաննա դ'Արկ եկեղեցի

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Նիսի Սուրբ Ժաննա դ'Արկ եկեղեցի
Կոորդինատներ43°42′48.28″ հս․ լ. 7°15′45.36″ ավ. ե. / 43.7134111° հս․. լ. 7.2626000° ավ. ե. / 43.7134111; 7.2626000Կոորդինատներ: 43°42′48.28″ հս․ լ. 7°15′45.36″ ավ. ե. / 43.7134111° հս․. լ. 7.2626000° ավ. ե. / 43.7134111; 7.2626000

Նիսի Սուրբ Ժաննա դ՛Արկ եկեղեցի (ֆր.՝ Sainte Jeanne d'Arc) - հռոմեական կաթոլիկ թեմի եկեղեցի ֆրանսիական Նիս քաղաքում: Աչքի է ընկնում յուրօրինակ ճարտարապետությամբ: Նվիրված է Ժաննա դ'Արկին: Այս եկեղեցու ոճը հակասական կարծիքների, վեճերի տեղիք է տվել Նիսի բնակիչների շրջանում, որոնցից ոմանք այն համարում են տգեղ, մինչև անգամ այլանդակ: Եկեղեցին ճերմակ գույնի պատճառով երբեմն անվանվում է Meringue (ձվի սպիտակուցով պատրաստվող թխվածք)[1].

Պատմություն[խմբագրել | խմբագրել կոդը]

1914 թվականին, երբ հայր Քվիլըրին նշանակվեց թեմի քահանա, առաջ քաշվեցին նոր եկեղեցու կառուցման մի շարք նախագծեր: Ֆրանսիացի ճարտարապետ Լուի Քասլը ձեռենամուխ եղավ շինարարությանը և կառուցեց աճյունախցերից մեկը: Առաջին համաշխարհային պատերազմից հետո մեկ այլ ֆրանսիացի ճարտարապետ՝ Ժակ Դրոզը, 1924 թվականին կառուցեց երկրորդ աճյունախուցը: Այդ երկու աճյունախցերը ծառայեցին որպես հենարաններ նոր շինության համար: 1931 թվականին դրանց վրա դրվեց բետոնե հիմքը: Եկեղեցու շինարարությունն ամբողջացվեց 1932-1934 թվականներին: Ընդ որում՝ գմբեթների համար Դրոզը կիրառեց ուժեղացված ծակոտկեն բետոնի տեխնիկան. հիմքում դրանք ունեն 45, իսկ գագաթի մասում՝ ընդամենը 8 սանտիմետր հաստություն:

Ճարտարապետությունը[խմբագրել | խմբագրել կոդը]

Նիսի Ժաննա դ՛Արկ եկեղեցին

Նոր շինանյութի՝ ուժեղացված բետոնի կիրառումը հնարավորություն ընձեռեց կառուցելու ինքնատիպ մի շինություն Art Deco ոճով: Ութ էլիպսաձև գմբեթները իրենց վրա պահում են երեք ավելի ընդարձակ, ձվաձև գմբեթներ: Եկեղեցու ներսում այդ երեք ընդարձակ գմբեթները հենված են ընդամենը չորս սյուների վրա, որը հնարավորություն է տվել ստեղծելու ապշեցուցիչ ինտերիեր՝ 25 մետր բարձրությամբ թռիչքներով: 64 մետր բարձրություն ունեցող, անկյունաձև զանգակատունը />ասես հակադրված է գմբեթների տպավորիչ կորություններին: Եկեղեցուն առանձնակի ճոխություն, շքեղություն են հաղորդում 95 քառակուսի մետր զբաղեցնող որմնանկարները, որոնց հեղինակը՝ Էժեն Կլեմենտիֆը, 1934 թվականին աշխատանքները կատարելիս ստեղծագործաբար օգտագործել է ռուսական կուբիզմի, իտալական քվատրոչենտոյի և բյուզանդական սրբապատկերների ոճաձևերը:

1992 թվականին Նիսի Սուրբ Ժաննա դ՛Արկ եկեղեցին հայտարարվել է պետական պահպանության ենթակա պատմական հուշարձան:

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. {{|http://ma-tvideo.france3.fr/video/iLyROoaf2pjk.html%7Ctitre=L'église Saint-Jeanne-d'Arc|série=|jour=|mois=|année=2011|site=ma-tvideo.france3.fr|éditeur=France 3|isbn=|page=|citation=|en ligne le=8 octobre 2011|consulté le=13 novembre 2012}}

Արտաքին հղումներ[խմբագրել | խմբագրել կոդը]