Նինա Գարսոյան

Վիքիպեդիայից՝ ազատ հանրագիտարանից
Jump to navigation Jump to search
Նինա Գևորգի Գարսոյան
Ծնվել է1923
Փարիզ
ՔաղաքացիությունFlag of Iran.svg Իրան
Flag of the United States.svg ԱՄՆ
Ազգությունհայ
Մասնագիտությունպատմաբան, արևելագետ
Գործունեության ոլորտպատմություն
Ալմա մատերԲրին Մոր քոլեջ
Կոլումբիայի համալսարան
Գիտական աստիճանպատմական գիտությունների դոկտոր
Տիրապետում է լեզուներինանգլերեն


Նինա Գևորգի Գարսոյան (անգլ.՝ Nina Garsoïan, 1923, Փարիզ), պատմաբան, արևելագետ։ Պատմական գիտությունների դոկտոր (1958

Կենսագրություն[խմբագրել | խմբագրել կոդը]

Նինա Գարսոյանը ծնվել է Փարիզում՝ Ռուսաստանից արտագաղթած հայ ընտանիքում[1]: 1933 թվականին ընտանիքի հետ բնակություն է հաստատել Նյու Յորքում։ 1939 թվականին ընդունվել է ԱՄՆՓենսիլվանիա նահանգում գործող կանանց Բրին Մոր քոլեջը և այն ավարտել 1943 թվականին՝ անտիկ հնէաբանի բակալավրի աստիճանով[1]։ 1946 թվականին Կոլումբիայի (ԱՄՆ) համալսարանում ստացել է մագիստրոսի, իսկ 1958 թվականին՝ դոկտորի աստիճան՝ Բյուզանդիայի, Մերձավոր Արևելքի և Հայաստանի պատմության գծով[1]։ Երկար տարիներ վարել է Կոլումբիայի համալսարանի հայագիտության և Բյուզանդիայի պատմության ամբիոնը։ Նինա Գարսոյանը պաշտոնավարել է նաև որպես Փրինսթոնի համալսարանի Բարձրագույն դպրոցի դեկան, այսպիսով դառնալով առաջին կինը, ով զբաղեցրել է այդ պաշտոնը[2]։ Երկու անգամ ընտրվել է Ֆորդի հիմնադրամի հոգաբարձուների խորհրդի անդամ[1]։ Ն. Գարսոյանը հանդիսանում է Սմիթ քոլեջի պրոֆեսոր[2], ինչպես նաև Կոլումբիայի համալսարանի պատվավոր պրոֆեսոր[2]։ Ամերիկյան միջնադարագետների ակադեմիայի իսկական և Բրիտանական ակադեմիայի թղթակից անդամ է[1]։ Փարիզում լույս տեսնող հայագիտական «Revue des études arméniennes» հանդեսի գլխավոր խմբագիրն է։

Գիտական հետաքրքրություններ[խմբագրել | խմբագրել կոդը]

Նինա Գարսոյանի աշխատությունները վերաբերում են միջնադարյան Հայաստանի, Հայոց Եկեղեցու պատմությանը, աղբյուրագիտությանը և մշակույթին, հայ-բյուզանդական, հայ-պարսկական, պարսկա-բյուզանդական հարաբերություններին, հայ ազգային ինքնագիտակցության ձևավորման հարցերին, Պավլիկյան շարժմանը: Անգլերեն է թարգմանել Փավստոս Բուզանդի «Պատմութիւն հայոց», Նիկողայոս Ադոնցի «Հայաստանը Հուստինիանոսի դարաշրջանում» և Հակոբ Մանանդյանի «Հայաստանի առևտրի և քաղաքների մասին...» և այլ հեղինակների աշխատությունները[3][4]։

Աշխատություններ[խմբագրել | խմբագրել կոդը]

  • Nina Garsoïan, The Paulician heresy: A study of the origin and development of Paulicianism in Armenia and the eastern provinces of the Byzantine empire, The Hague: Mouton, 1967.
  • Nina Garsoïan, East of Byzantium: Syria and Armenia in the formative period, Washington: Dumbarton Oaks, 1982.
  • Nina Garsoïan, Armenia between Byzantium and the Sasanians, London: Variorum Reprint, 1985.
  • Nina Garsoïan, Mémorial Sirarpie Der Nersessian, Paris, 1992.
  • Nina Garsoïan, Jean-PierreMahé, Des Parthes au Califat: quatre lecons sur la formation de l'identitè arménienne, Paris: De Boccard, 1997.
  • Nina Garsoïan, L' église Arménienne et le grand schisme d'orient, Lovanii: Peeters, 1999.
  • Nina Garsoïan, Church and culture in early medieval Armenia, Aldershot [u.a.]: Ashgate Variorum, 1999.
  • Nina Garsoïan, Studies on the formation of Christian Armenia, Farnham: Ashgate Variorum, 2010.
  • Nina Garsoïan, Interregnum: introduction to a study on the formation of Armenian identity (ca 600 - 750), Lovanii: Peeters, 2012.

Թարգմանություններ[խմբագրել | խմբագրել կոդը]

  • The epic histories attributed to P'awstos Buzand transl. and commentary by Nina G. Garsoian, Cambridge, Mass.: Harvard Univ. Press, 1989.
  • Hakob Manandyan, The trade and cities of Armenia in relation to ancient world trade, Transl. from the 2. rev. ed. by Nina G. Garsoian, 1965
  • Aram Ter-Ghewondyan, The Arab emirates in Bagratid Armenia, Transl. by Nina G. Garsoïan, Lisbon: Livraria Bertrand, 1976.

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Պաշտոնական կայքէջ «Mazda Publishers»
  2. 2,0 2,1 2,2 Association Culturelle Arménienne de Marne-la-Vallée (France) (ֆր.)
  3. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  4. Nina G. GArsoian (n.1923)

Արտաքին հղումներ[խմբագրել | խմբագրել կոդը]