Նինա Աղավելյան
Նինա Աղավելյան | |
|---|---|
 | |
| Ծնվել է | նոյեմբերի 1, 1957 (66 տարեկան) |
| Ծննդավայր | Կապան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական համալսարան |
| Մասնագիտություն | նկարչուհի |
| Անդամակցություն | Հայաստանի նկարիչների միություն |
Նինա Գեդեոնի Աղավելյան (նոյեմբերի 1, 1957, Կապան, Հայկական ԽՍՀ, ԽՍՀՄ), հայ նկարչուհի։
Կենսագրություն[խմբագրել | խմբագրել կոդը]
1978-1983 թվականներին սովորել է Երևանի պետական համալսարանի փիլիսոփայության, սոցիոլոգիայի, և հոգեբանության ֆակուլտետում։ 1983-1988 թվականներին անցել է գեղանկարչության մասնավոր ուսուցման դասընթաց։ 1994 թվականից Հայաստանի նկարիչների միության անդամ է, 1996 թվականից ՅՈՒՆԵՍԿՕ-ի միջազգային արվեստի ասոցիացիայի անդամ։ Ապրում և ստեղծագործում է Երևանում։
Ստեղծագործություններ[խմբագրել | խմբագրել կոդը]
Նինա Աղավելյանի կտավներում արտացոլված է մարդու և բնության գեղեցիկ ներդաշնակումը[1]։
- «Տիեզերական սեր», կոլաժ, 1993
- «Կոմպոզիցիա, դրվագ № 2», 1993
- «Մի օր գարնանը», 1993
- «Հրաշք օր», 1994
- «Այս կանաչ, կարմիր ծաղիկները», 1994
- «Վարդաշուշան», 1994
Ցուցահանդեսներ[խմբագրել | խմբագրել կոդը]
1990 թվականից մասնակցում է հանրապետական և միջազգային ցուցահանդեսների։
Անհատական Ցուցահանդեսներ[խմբագրել | խմբագրել կոդը]
- 1991 - Գերմանիա, Բեքում
- 1994 - Երևան, Հայաստանի նկարիչների միություն
- 1994 - Լեռնային Ղարաբաղ, Ստեփանակերտ
- 1996 - Մոսկվա, Նկարիչների Կենտրոնական Տուն
- 1997 - Գերմանիա, Բադ Օլդեսլոյե
- 1998 - Գերմանիա, Բարդեհայդե
- 1999 - Գերմանիա, Համբուրգ
- 2005 - Երևան, Նարեկացի արվեստի միություն
- 2011 - Երևան, Ազգային ժողովի Կանաչ սրահ
- 2011 - Գերմանիա, Բարդեհայդե
- 2012 - Երևան, Հայաստանի նկարիչների միություն[2]
- 2014 - Գերմանիա, Բադ Օլդեսլոյե
- 2015 - Երևան, Արաբկիր վարչական շրջանի թաղապետարան
Մեջբերումներ Նինա Աղավելյանից[խմբագրել | խմբագրել կոդը]
|
Իզմերից խուսափելը տանում է նրան, որ դու ունենում ես սեփական ոճը։ Փորձում եմ ստեղծագործել ավելի շատ երևակայական և տեխնիկական հնարքով այն արդարացնել։ Թեմատիկ բաների հետևից աշխատում եմ չընկնել, բայց, երբեմն, ասում են, որ իմ աշխատանքները կապված են տիեզերքի հետ։ Երբ կանգնում ես նկարելու, չգիտես, թե ինչ ես նկարելու։ Ձեռքը նաև երևակայություն տալն է[3]։ | 
|
Մեջբերումներ Նինա Աղավելյանի մասին[խմբագրել | խմբագրել կոդը]
|
|
Տարբեր կտավներում և կոլաժներում պատկերված կիսադեմ կնոջ կերպարը ինքնանկարային բնութագրումներով ներկայացնում է նկարչուհու հոգեվիճակները` ձգտելով Ես-ի միջոցով հասնել կանացիության ու գեղեցկության ամբողջականությունը կերպարելուն։ Նկարչուհու արվեստանոց ներաշխարհը ներկայացնում է հոգնեցնող աղմուկներից առանձնացած այն անդորրը, որտեղ մարդ կարող է հանգստանալ` շփվելով գեղանկարչական և քնարական մեղեդիների ռիթմին։ |
|