Նիկոլայ Տրուբնիկով
Նիկոլայ Տրուբնիկով | |
|---|---|
| Ծնվել է | 1892 Իվանովո-Վոզնեսենսկ, Malmyzhsky Uyezd, Վյատկայի գավառ, Ռուսական կայսրություն |
| Մահացել է | 1968 |
| Գերեզման | Նովոդեվիչյան գերեզմանոց |
| Մասնագիտություն | գիտնական |
| Հաստատություն(ներ) | Ռուսաստանի Դ. Մենդելեևի քիմիատեխնոլոգիական ինստիտուտ |
| Գործունեության ոլորտ | Ջերմատեխնիկա |
| Գիտական աստիճան | տեխնիկական գիտությունների դոկտոր |
| Պարգևներ |  և  |
Նիկոլայ Վասիլևիչ Տրուբնիկով (ռուս.՝ Николай Васильевич Трубников, 1892, Իվանովո-Վոզնեսենսկ, Malmyzhsky Uyezd, Վյատկայի գավառ, Ռուսական կայսրություն - 1968), խորհրդային գիտնական, քիմիկոս-ջերմատեխնիկ, պրոֆեսոր, ՌՍՖՍՀ գիտության և տեխնիկայի վաստակավոր գործիչ։ Տեխնիկական գիտությունների դոկտոր (1942)։
Կենսագրություն[խմբագրել | խմբագրել կոդը]
Ծնվել է 1892 թվականին, Իվանովո-Վոզնեսենսկում։ Ավարտել է ռեալական ուսումնարանը և Մոսկվայի տեխնիկական ուսումնարանի քիմիական բաժինը (1917)։ 1915-1917 թվականներին մասնակցել է ուրոտրոպինի գործարանի նախագծմանը և շինարարությանը, որտեղ աշխատել է քիմիական լաբորատորիայի վարիչ։ 1917-1919 թվականներին մասնակցել է քիմիական-դեղագործական գործարանի նախածմանը, աշխատել է վերլուծական լաբորատորիայի վարիչ։ 1919-1925 թվականներին եղել է Մաքուր ռեակտիվների պետական ինստիտուտի գիտական քարտուղար։ 1923 թվականից մասնակցել է ՄՔՏԻ-ի գիտական և դասախոսական աշխատանքներին։ 1926 թվականից եղել է պիրոգենային (1931 թվականից՝ կոքսաքիմիական) արտադրության ամբիոնի վարիչը, 1946 թվականից եղել է ջերմատեխնիկայի ամբիոնի վարիչը (հետագայում կոչվում էր թերնոդինամիկայի և ջերմատեխնիկայի ամբիոն)։ Սկսած 1922 թվականից դասավանդել է ԲԳԿԲ-ի հրամանատարական կազմի բարձրագույն ռազմական դպրոցում, Աէրոլուսանկարչության դպրոցում, Օդային նավատորմի օժանդակ ծառայությունների բարձրագույն դպրոցում, ՌՕՈւ հատուկ ծառայությունների բարձրագույն դպրոցում, եղել է մի շարք բուհերի օրգանական նյութերի տեխնոլոգիաների ամբիոնի վարիչ։ Առանց թեզի պաշտպանության 1937 թվականին Տրուբնիկովին շնորհվել է գիտության թեկնածուի աստիճան, 1942 թվականին ստացել է տեխնիկական գիտությունների դոկտորի կոչում, պրոֆեսոր[1]։
Մահ[խմբագրել | խմբագրել կոդը]
Մահացել է 1968 թվականին։ Թաղված է Նովոդևիչյան գերեզմանատանը (6-րդ տեղամաս)։
Պարգևներ[խմբագրել | խմբագրել կոդը]
- ՌՍՖՍՀ գիտության և տեխնիկայի վաստակավոր գործիչ (1965)։
- Լենինի շքանշան
- «1941-1945 թթ. Հայրենական Մեծ պատերազմում անձնվեր աշխատանքի համար» մեդալ
- «Մոսկվայի 800-ամյակի հիշատակին» մեդալ
- «Աշխատանքային գերազանցության համար» մեդալ
Ընտանիք[խմբագրել | խմբագրել կոդը]
- Կին՝ Ալեքսանդրա Նիկոլաևնա Տրուբնիկովա (1899-1981)։
- Դուստր՝ Կալերիա Նիկոլաևնա Տրուբնիկովա, ամուսնացած է եղել կոմպոզիտոր Ալեքսանդր Դոլուխանյանի հետ։
Ծանոթագրություններ[խմբագրել | խմբագրել կոդը]
- ↑ Кипнис С. Е. Новодевий мемориал. М.,1995
- 1892 ծնունդներ
- Ռուսական կայսրությունում ծնվածներ
- 1968 մահեր
- Նովոդևիչյան գերեզմանատանը թաղվածներ
- Լենինի շքանշանի ասպետներ
- ՌԽՖՍՀ գիտության և տեխնիկայի վաստակավոր գործիչներ
- Գիտնականներ այբբենական կարգով
- Անձինք այբբենական կարգով
- Խորհրդային գիտնականներ
- Տեխնիկական գիտությունների դոկտորներ
- Պրոֆեսորներ
- Խորհրդային քիմիկոսներ