Նիկոլայ Չեռնիշևսկու հուշարձան (Մոսկվա)

Վիքիպեդիայից՝ ազատ հանրագիտարանից
Jump to navigation Jump to search
Picto infobox architecture.png
Նիկոլայ Չեռնիշևսկու հուշարձան
Москва-Памятник Чернышевскому у Покровских ворот.jpg
Նիկոլայ Չեռնիշևսկու հուշարձանը Մոսկվայում
Կոորդինատներ56°16′30.92″ հս․ լ. 38°5′11.03″ ավ. ե. / 56.2752556° հս․. լ. 38.0863972° ավ. ե. / 56.2752556; 38.0863972Կոորդինատներ: 56°16′30.92″ հս․ լ. 38°5′11.03″ ավ. ե. / 56.2752556° հս․. լ. 38.0863972° ավ. ե. / 56.2752556; 38.0863972
Գտնվում էՌուսաստան Ռուսաստան
Մոսկվա
Կառուցվել է1988
Շինության ձևըՀուշարձան
Կառուցել էքանդակագործ՝ Յուրի Ներոդա
Շինարարճարտարապետ՝ Վ. Ա. Պետերբուժցև
Ներկա վիճակըԿանգուն

Նիկոլայ Չեռնիշևսկու հուշարձան (ռուս.՝ Памятник Чернышевскому), ռուս ուտոպիստ փիլիսոփա, հեղափոխական-դեմոկրատ, գիտնական, գրաքննադատ, հրապարակախոս և գրող Նիկոլայ Չեռնիշևսկուն նվիրված հուշարձան Մոսկվայում: Բացվել է 1988 թվականին Պոկրովսկիե դարպասներին կից պուրակում: Հուշարձանի հեղինակներն են քանդակագործ Յուրի Ներոդան և ճարտարապետ Վ. Ա. Պետերբուրժցևը[1]: Ընդգրկված է գրանցման և պահպանման ենթակա քաղաքային և ցուցահանդեսային ձևով առաջնահերթ պահպանման կարիք ունեցող հուշարձանների ցուցակում[2]:

Չեռնիշևսկու բրոնզե արձանը տեղադրվել է սև գրանիտից պատրաստված ուղղանկյուն պատվանդանի վրա: Չեռնիշևսկին պատկերված է նստարանին մտահոգ նստած[1], հագին անթև թիկնոց, քթին մեծ ակնոցներ, ձեռքերը ծալած ծնկների վրա[3]: Նրա կերպարն ընդհանրացված է, բայց ճանաչելի[1]: Քանդակագործը Չեռնիշևսկուն ստեղծել է ավելի շատ փիլիսոփայի կերպարով, քան հեղափոխականի[4]:

Պատվանդանի առջևի մասում գրված է «Նիկոլայ Գավրիլովիչ Չեռնիշևսկի»: Հուշարձանը գտնվում է կլոր հրապարակի կենտրոնում: Նրա ծայրերում կան չորս հնամենի լապտերներ[3]:

Հուշարձանի տեղադրման վայրը պայմանավորված է այն հանգամանքով, որ այդ ժամանակ Պոկրովկա փողոցը կոչվում էր Չեռնիշևսկու փողոց[3]: Հուշարձանը հանդիսավորությամբ բացվել է 1988 թվականի հունիսի 24-ին, Չեռնիշևսկու 160-ամյակի կապակցությամբ[5]:

Գրականություն[խմբագրել | խմբագրել կոդը]

  • Памятники монументального искусства Москвы: справ. изд. / Департамент культурного наследия г. Москвы. — М.: ООО «Милк Эдженси», 2016. — 404 с.: с. 264. ISBN 978-5-9907078-1-8.

Ծանոթագրություններ[խմբագրել | խմբագրել կոդը]