Նիկոլայ Կուրոչկին
Նիկոլայ Կուրոչկին Николай Ефимович Курочкин | |
|---|---|
| Ծնվել է | սեպտեմբերի 1, 1923 Մոսկվա, ԽՍՀՄ |
| Մահացել է | հունիսի 28, 2003 (79 տարեկան) |
| Քաղաքացիություն |  Ռուսաստան |
| Մասնագիտություն | աստղագետ |
| Տիրապետում է լեզուներին | ռուսերեն |
Նիկոլայ Կուրոչկին (ռուս.՝ Николай Ефимович Курочкин, սեպտեմբերի 1, 1923, Մոսկվա, ԽՍՀՄ - հունիսի 28, 2003), ռուս աստղագետ, աշխատել է Ղրիմյան աստղաֆիզիկական աստղադիտարանում։
Դեռ դեռահաս տարիքում սկսել է աշխատել Մոսկվայի պլանետարիումում և Շտերնբերգի աստղագիտական ինստիտուտում։ Երկրորդ համաշխարհային պատերազմի սկզբում մնացել է Մոսկվայում, ապա 18 տարեկան հասակում ձերբակալվել է ՆԿՎԴ-ի կողմից, մեղադրվելով կոլաբորացիոնիզի մեջ։ Ազատ է արձակվել 1946 թվականին և վերականգնվել աշխատավայրում մեղայական նամակ հրապարակելուց հետո։ Չնայած այն հանգամանքին, որ ամբողջ կյանքի ընթացքում զբաղվել է լայնամասշտաբ հետազոտություններով, Կուրոչկինը բարձրագույն կրթության դիպլոմ չի ունեցել։
Աստղագիտության մեջ նրա հիմնական ներդրումներից էին փոփոխական աստղերի հայտնաբերման մեթոդը լուսանկարերի վրա և Հերկուլեսի X-1 կրկնակի աստղերի համակարգում ռենտգենյան ճառագայթման աղբյուրի հայտնաբերումը։
Փոքր մոլորակների կենտրոնի տվյալներով Կուրոչկինը հայտնաբերել է երկու աստերոիդ 1972 և 1983 թվականներին, որոնցից մեկը նա հայտնաբերել է Նատալյա Մետլովայի հետ համատեղ[1]։
Ծանոթագրություններ[խմբագրել | խմբագրել կոդը]
- ↑ «Minor Planet Discoverers». Փոքր մոլորակների կենտրոն. Արխիվացված օրիգինալից 2012 թ․ մարտի 14-ին. Վերցված է 2019 թ․ հունվարի 6-ին.