Նիկոլայ Իշուտկին

Վիքիպեդիայից՝ ազատ հանրագիտարանից
Jump to navigation Jump to search
Նիկոլայ Իշուտկին
Ծնվել էմայիսի 28, 1954(1954-05-28) (65 տարեկան)
ԾննդավայրՍիմկինո, Բոլշեբերեզնիկիսկի շրջան, Մորդովական Ինքնավար Խորհրդային Սոցիալիստական Հանրապետություն, ՌԽՖՍՀ, ԽՍՀՄ
Մասնագիտությունբանաստեղծ և լրագրող
ՔաղաքացիությունFlag of Russia.svg Ռուսաստան
ԿրթությունՄորդովիայի պետական համալսարան
ԱշխատավայրChilisema?

Նիկոլայ Իվանովիչ Իշուտկին (մայիսի 28, 1954(1954-05-28), Սիմկինո, Բոլշեբերեզնիկիսկի շրջան, Մորդովական Ինքնավար Խորհրդային Սոցիալիստական Հանրապետություն, ՌԽՖՍՀ, ԽՍՀՄ), ռուս- էրզիացի[1] բանաստեղծ և լրագրող: Էրզյան «Չիլիսեմա» մանկապատանեկան ամսագրի գլխավոր խմբագիր, Մորդովիայի Հանրապետության մշակույթի վաստակավոր գործիչ (1999)[2]:

Կենսագրություն[խմբագրել | խմբագրել կոդը]

Նիկոլայ Իշուտկինը ծնվել է 1954 թվականի մայիսի 28-ին, Մորդովիայի Բոլշեբերեզնիկիսկի շրջանի Սիմկինո գյուղում, ուսուցչի և կոլտնտեսուհու ընտանիքում: 1961 թվականին հաճախել է հայրենի գյուղի ութամյա դպրոցի առաջին դասարան: 1971 թվականին ավարտել է հարևան Շուգուրովո գյուղի միջնակարգ դպրոցը, որից հետո ընդունվել է Մորդովիայի Նիկոլայ Օգարյովի անվան պետական համալսարանի բանասիրական ֆակուլտետ: Համալսարանն ավարտելուց հետո աշխատել է «Էրզյան պրավդա»[2] թերթի թղթակից, ավագ թղթակից, այնուհետև՝ բաժնի վարիչ: 1984 թվականին մասնակցել է Երիտասարդ գրողների VIII Համամիութենական խորհրդակցությանը: 1987 թվականին դարձել է էրզյան մանկապատանեկան «Չիլիսեմա» ամսագրի գլխավոր խմբագիր: 1989-1991 թվականներին սովորել է Մոսկվայի սոցիալ-քաղաքական ինստիտուտի լրագրության հեռակա բաժնում: 1995 թվականին դարձել է Ռուսաստանի գրողների միության անդամ[2]:

Ստեղծագործություններ[խմբագրել | խմբագրել կոդը]

Նիկոլայ Իշուտկինը սկսել է բանաստեղծություններ գրել ուսանողական տարիներից: 1973 թվականին «Սյատկո» ամսագրում հրապարակում է էրզյան լեզվով իր առաջին բանաստեղծությունները` «Од пора» և «Килейне»: «Էրզյան պրավդա» թերթում աշխատելու տարիներին շարունակել է ակտիվ ստեղծագործական գործունեությունը: Եղել է «Տեշտինե» գրական միավորման անդամ, որը ղեկավարել է էրզիացի գրող Վասիլի Ռադաևը[2]:

1989 թվականին Իշուտկինը հրատարակել է բանաստեղծությունների իր առաջին ժողովածուն՝ «Валскень теште» («Վաղորդյան աստղ») վերնագրով: Նույն թվականին ռուսերենով լույս է տեսել բանաստեղծությունների նրա առաջին ժողովածուն՝ «Ոգու բնապատկեր»[3] վերնագրով:

Իշուտկինը համարվում է բազմաթիվ մանկական բանաստեղծությունների հեղինակ, որոնք լույս են տեսնում «Սյատկո» և«Չիլիսեմա» ամսագրերում: 1994 թվականին լույս է տեսել մանուկների համար գրված «Ютко шкасто» («Ժամանց») բանաստեղծությունների ժողովածուն, որտեղ ընդգրկված են նաև զանազան խաղեր, գլուխկոտրուկներ և հումոր[2]:

Պարգևներ և մրցանակներ[խմբագրել | խմբագրել կոդը]

  • ԽՍՀՄ տպագրության գերազանցիկ[2]
  • Մորդովիայի հանրապետության մշակույթի վաստակավոր գործիչ (1999)[2]

Ծանոթագրություններ[խմբագրել | խմբագրել կոդը]

  1. Время и события. 2014: библиографический указатель / Нац. б-ка им. А. С. Пушкина Респ. Мордовия; [сост. А. Н. Маланьчева]. - Саранск, 2013. - 148 с.
  2. 2,0 2,1 2,2 2,3 2,4 2,5 2,6 Ишуткин Николай Иванович // Содружество финно-угорских журналистов
  3. Информационный листок «Эрямонь лей» («Река жизни»): к 60-летию Н. И. Ишуткина // Национальная библиотека им. А. С. Пушкина Республики Мордовия

Գրականություն[խմբագրել | խմբագրել կոդը]

  • Писатели Мордовии : биографический справочник / сост.: Т. С. Баргова, Е. М. Голубчик. - Саранск : Мордов. кн. изд-во, 2004. - 127 с.