Նիկոլայ Ասրիև

Նիկոլայ Ասրիև
ապրիլի 24, 1920(1920-04-24) - մարտի 27, 2001(2001-03-27) (80 տարեկան)
Ծննդավայր	Չարջոու
Մահվան վայր	Մոսկվա, Ռուսաստան
Կոչում	գեներալ-լեյտենանտ
Կրթություն	Մ. Վ. Ֆրունզեի անվան ռազմական ակադեմիա
Պարգևներ	, , , և

Նիկոլայ Աշոտի Ասրիև (Ասրիյան Նիկոլայ Ալեքսանդրի, ապրիլի 24, 1920(1920-04-24), Չարջոու - մարտի 27, 2001(2001-03-27), Մոսկվա, Ռուսաստան), հայ գեներալ-լեյտենանտ (1968), ռազմական գիտությունների դոկտոր (1980), պրոֆեսոր (1981)։

Կենսագրություն

Նիկոլայ Ասրիևը ծնվել է 1920 թվականի ապրիլի 24-ին Թուրքմենստանի Չարջոու քաղաքում։ 1939 թվականին ավարտել է Սմոլենսկի հրետանային ուսումնարանը, 1953 թվականին՝ Մոսկվայի Մ. Ֆրունզեի անվան և 1961 թվականին՝ ԳՇ ռազմական ակադեմիաները։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների ժամանակ եղել է հրետանային դիվիզիոնի հրամանատար (1942), հրաձգային կորպուսի շտաբի հրետանու պետ (Նովգորոդյան ռազմագործողությունում), 54-րդ բանակի շտաբի հրետանու պետ (մասնակցել է Ռիգայի ազատագրմանը)։ 1945 թվականից աշխատել է ԽՍՀՄ ՊՆ կենտրոնական ապարատում, 1968 թվականին եղել է Մոսկվայի օկրուգի ՀՕՊ-ի շտաբի պետ, 1971 թվականից՝ ԳՇ ռազմական ակադեմիայի ամբիոնի պետ։

Գրականություն

• Տիգրան Հայազն, Գարեգին Ղազարյան։ 1000 հայազգի գեներալներ, ծովակալներ - Ե., Հեղինակային հրատարակություն, 2009 թ., էջ 398։
• Армяне-народ созидатель чужих цивилизаций։ 1000 известных армян в мировой истории/С.Ширинян.- Ер.։ Авт. изд., 2014, стр.102.
• Саркисян С. Т. Энциклопедия Арцах-Карабаха. Спб., 2005. - 312 с.
• Арутюнян К. А., Погосян Г. Р. Вклад армянского народа в победу в Великой Отечественной войне. М., 2010.